المساعد الشخصي الرقمي

مشاهدة النسخة كاملة : مشعل بن مترك بن محمد شفلوت في قصيدة رثاء في جده الشيخ مترك بن شفلوت

مشعل بن مترك بن شفلوت
19-01-2005, 07:12 AM
قصيدة رثاء في جدي الامير/مترك بن ذيب بن شفلوت رحمة الله


يالله ياللي عالم بكل الاحوال= يامن له العالم عبيدٍ تطيعه
ياخالق اجيالٍ ويامفني اجيال= ياباسطٍ سبع ٍ وسبع ٍ رفيعه
يارب جاني بغربتي مثل زلزال= كن الحنايا من اثرها شليعه
قالوا توفى جدك وبكره يشال= قلت الله اكبر من عظيم الفجيعه
يارب ثبتنا لامن جات الاهوال= ويارب لطفك من خطايا الجزيعه
ماحتالت الدمعه ولا جسمي احتال =هليت دمعي للي حبه طبيعه
لاحدٍ يلوم الدمع لا صار همال= بعض المواقف في اثرها فضيعه
نبكيك ياشيخ ٍ رقى النايفة وطال= ياللي مكانك دايم ٍ في الطليعه
ياجد تبكيك العرب حضر ورحال= وتبكي الصبيخه والعزا بالرفيعه
تبكي الذي فعوله سمينات وجزال= بدَا خويه لو حلاله يبيعه
لاقال شي ٍ برهنه لك بالافعال= صادق ولا يعرف طريق الخديعه
ماسكَر ابوابه ولا لدَها اقفال= يامتعبٍ ناس ٍ تقلد صنيعه
زال العمر لكنَه الذكر مازال= طِيبٍ بقت كل المنابر تذيعه
نسل الشيوخ اللي زحازيح وابطال= روس ٍ تقداح للملاقى شجيعه
لا مات شيخ ٍارتكى عقبة رجال= زحولٍ تسابق للمراجل سريعه
اخوان رثعا اللي رقا طيبها وجال= ربع ٍلهم في الطيب نهج وشريعه
ويالله يامنزل تبراك والانفال= ويامنزل عمَى ومنزل تبيعه
ترحم لنا شيخا عن الدين مامال= ماحاد لاشايب ولا في ربيعه
رجِحَ موازينه لا جا وزن الاعمال= واجعل نبيك بالقيامه شفيعه
وختامها صلوا عدد وابل سال= على نبي ٍ مرسلٍ للوسيعه

مشعل بن مترك بن محمد بن شفلوت 8-12-1425هـ
عوض بن شفلوت المناديه
19-01-2005, 02:18 PM
صح لسانك يا مشعل

والله يحسن عزاكم ويعيظكم في كل فات بخير

والحقيقة ان الفقد واحد على عبيدة وقحطان كافة
ابوابراهيم العبيدي
19-01-2005, 04:07 PM
صح لسانك اخوي مشعل
واحسن الله عزاكم وعزانا جميعاً في وفاة الأمير الشيخ / مترك الله يغفر له
ويعلم الله ان مصاب فقده جلل
اخوك
ابوابراهيم العبيدي
ابن شويه
19-01-2005, 04:32 PM
صح لسانك اخوي مشعل
واحسن الله عزاكم وعزانا جميعاً في وفاة الأمير الشيخ / مترك الله يغفر له
ويعلم الله ان مصاب فقده جلل
خالد آل مطرف العاطفي
19-01-2005, 09:47 PM
ارحب ارحب
يامشعل
وصح السانك صح السانك
الله يغفر للشيخ /مترك ويرحمه ويسكنه فسيح جناته واموات المسلمين
والحقيقه ان الشيخ فقيده على قحطان كافه والله يعظم اجر الجميع
اخوي مشعل
يسعدنا ويشرفنا انتسابك لشبكة قحطان وجودك معنا دعم معنوي للموقع والله يحييك بين ربعك واخوانك
ويتضح لنا من خلال قصيدتك ان شاعر متمكن ..ونحن بإنتظار مشاركات القادمه انشاءالله ..
اخوك
خالد
فارس قحطان
20-01-2005, 12:52 AM
اررررحب يامشعل

وصح لسااانك على هذي القصيده

وابوذيب فقيد قحطان كلها

وان شالله تعود من ديرتك بالسلامه :)


اخوك
وليد بن مسفر القويفل
مشعل بن مترك بن شفلوت
20-01-2005, 08:56 AM
بسم الله الرحمن الرحيم

نسل الشيوخ اللي زحازيح وابطال 000روس تقادح للملاقى شجيعه
لامات شيخ ارتكى عقبه رجال 000زحول تسابق للمراجل سريعه
اخوان رثعا اللي رقى طيبها وجال 000ربع لهم في الطيب نهج وشريعه

الله عليك يامشعل بن شفلوت ----قصيدة رائعه جدا جزاله في المعنى وروعه في التصوير

الحقيقة انا جديد في الكتابة في الموقع وكنت في السابق مجرد قارئ وقد لفت انتباهي هذا الكم الهائل من القصائد في هذا الامير الفقيد وانا في الحقيقه احببت هذا الامير من حب الناس له والدليل هذا الكم الهائل من القصائد الرثائيه وكذلك كثرت المعزين في هذا الموفع و المواقع الاخرى

والحقيقه يامشعل لقد اثرت في نفسي هذه القصيدة وتصويرك للدموع فيها لما لمست فيه من صدق لقربك من هذا الفقيد جدك الامير مترك

والان لايسعني بعد هذا الكلام الا ان اقدم لك التعازي الحاره من اخوك ابو لينا في وفاه فقيدكم فقيد قحطان وكذلك فهو فقيد علينا نحن القبائل الاخرى لما سمعنا عنه من ماثر رائعه و صفات قل ان تجدها في هذا الزمن الشحيح فقد جمع هذا الفقيد مابين الدين وصفات الرجوله والزعامة كامله وهذا اتضح لي من خلال القصائد التي قرأتها في رثاءه سواء في هذا الموقع او في مواقع اخرى او من خلال الصحافه ومع الاسف انه لم يتسنى لي مقابله هذا الرجل الرائع من قبل الامير /مترك بن ذيب بن شفلوت0

اخوك التميمي/عبدالرحمن بن حمد بن عبدالرحمن المغامس المشرفي الوهبي التميمي
فارس قحطان
20-01-2005, 10:47 AM
^
^
ابو لينا الظاهر داخل بيوزر خويك مشعل :)

على العموم ترى فعلت يوزرك ابولينا
راعي الخطامه
21-01-2005, 10:21 AM
فارس قحطان
الله يعطيك الف مليون عافية على تنشيط العضوية والسماح لي بالمشاركة بمنتديات قحطان
واشكر على المجهودات التي تبذلها لتحقيق رغبات المشتركين والاهتمام بهم

اخوك ابو لينا
عبيدي الدمام/ابوزياد
22-01-2005, 02:49 AM
صح لسانك اخوي مشعل
واحسن الله عزاكم وعزانا جميعاً في وفاة الأمير الشيخ / مترك الله يغفر له
ويعلم الله ان مصاب فقده جلل
اخوك
ابوابراهيم العبيدي

عظم الله اجرك واحسن الله عزاك ..
عبدالله القحطاني
26-01-2005, 02:23 PM
شكرا ابو لينا على نقل هذه القصيده الرائعه من شاعر رائع فكم كانت هذه الابيات جميلة جدامن قريحته وهو في غربته التي تبعد عنا بعشرات الساعات بالطائره
فأبلغه السلام وشكرا لك وله،،،

اخوكم عبدالله
محمد علي الزهيري
16-02-2005, 02:39 PM
صـــــــــــــــــــــــــــــــــح لسانك يابو مترك ورحم الله الشيخ مترك
مشعل بن مترك بن شفلوت
17-02-2005, 03:31 AM
شكرا اخوي عوض المناديه والله يرحم ميتنا واموات اخوانا المسلمين

اخوك\ مشعل بن شفلوت
مشعل بن مترك بن شفلوت
17-02-2005, 03:36 AM
اخواني الغالين :
ابو ابراهيم العبيدي
ابن شويه
خالد
الله لايهينكم على كلامكم الطيب والله لا يريكم مكروه في غالي

اخوكم \ مشعل بن شفلوت
مشعل بن مترك بن شفلوت
17-02-2005, 03:46 AM
فارس قحطان , ابولينا , عبيدي الدمام

كلام طيب لا يأتي الا من ناس اطيب ومشكورين على ردودكم ولو انها جات مني متأخره

فارس قحطان سلم على الشايب كثير السلام لانه من الاصدقاء القدامى لابوي واللي يكن له كل معزه وذكريات طيبه

اخوكم \ مشعل بن شفلوت
مشعل بن مترك بن شفلوت
17-02-2005, 03:50 AM
عبدالله القحطاني , محمد الزهيري

مشكورين على ردودكم ولاهو بغريب الطيب عليكم لانكم اهله

اخوكم \ مشعل بن شفلوت
محمد علي الزهيري
20-02-2005, 02:34 PM
رحمة الله على الميت ومشكور على القصيد الجزله والمعبره عن نفسها
شبل قحطان
20-02-2005, 03:10 PM
صح لسانك وبيض الله وجهك ومهما قلنا من القصايد ماراح نوفي الشيخ مترك الله يرحمه ويسكنه فسيح جناته
مشعل بن مترك بن شفلوت
20-02-2005, 09:58 PM
اخوي الغالي محمد الزهيري مشكور على كلامك الطيب وانت من رجال كلامهم مؤثر وله وزن

اخوك \ مشعل بن شفلوت
مشعل بن مترك بن شفلوت
20-02-2005, 10:04 PM
اخوي شبل قحطان ما قصرت يالغالي والله لا يهينك على كلامك الطيب ومشاعرك الصادقه

اخوك \ مشعل بن شفلوت
حسين آل حمدان الفهري
20-02-2005, 11:34 PM
قصيدة رثاء في جدي الامير/مترك بن ذيب بن شفلوت رحمة الله


لا مات شيخ ٍارتكى عقبة رجال= زحولٍ تسابق للمراجل سريعه


مشعل بن مترك بن محمد بن شفلوت 8-12-1425هـ



صح لسانك
وقول على فعل
تذكرت قصيدة الشاعر محسن بن منيجل- رحمه الله - يوم توفى جدك
مترك وجاء بعد اخوه ذيب - عليهم رحمة الله - حيث يقول
يا نحمد الله يوم ذا خوه بدلآه = ضياغم تعمي عيون الحريبي.


رحمهم الله جميعاً وطرح البركة في من بعدهم.
وبالتوفيق ان شاء الله في دراستكم وعن قريب نقول لكم عوداً حميداً
مشعل بن مترك بن شفلوت
21-02-2005, 03:49 AM
ارحب يا حسين بن علي ال حمدان تراحيب المطر , الحقيقه ابو علي انا من المتابعين لمقالاتك
وابداعاتك اللي اثريت بها الموقع , واللي لمسته من كتاباتك انك رجل مثقف وملم ومثلك
مكسب كبير للموقع .


اخوك \ مشعل بن شفلوت
فارس شريا
24-03-2006, 03:17 PM
صح لسانك يامشعل
وادعو له بالمغفره وان يسكنه فسيح جناته