أبو نايف
18-01-2005, 11:37 AM
قصيــدة مرثـية في الشيخ مترك بن ذيب بن شفلوت
شيخ شمل قبــائـل عبيـدة قحطـــان
عز الله أنه فاخت الجله رجّـال = شيخ فقيده لقحطان وعبيده
لعل له في جنة الخلد منزال = ويعوض ربعه في العقيد الفقيده
ربعه عبيده مزبن الخايف الذال = أهل الفخر والطيب وأهل العقيده
خيالهم يسوى ثلاثين خيال = لاجاء نهار الحرب يظهر عقيده
جاني الخبر في الحال في الحال في الحال = ويقول ويش اللي نزل في الجريده
قلت الخبر قال الصبر خير الأعمال = أصبر وأنا أعطيك العلوم الأكيده
متلعثم في هرجته قال ماقال = يبدي الكلام شوي ثم يعيده
قلت أنت ويش اللي تقول ياطيب الفال = قل لي ترى اللوعات ماهي جديده
قال الحقيقة راح فكّاك الأشكال = راح العديم اللي علينا فقيده
شيخ على شيخ ويصدق لما قال = حلحيل حيل محيل ماشي يكيده
مترك عريب الجد والعم والخال = مترك لياما صار وعده وعيده
فتال ماينقض ونقّاض فتّال = بالرأي والنخوه والأرياء رشيده
أحيا تواريخ على طول الأجيال = مقدم عبيده والمواقف سديده
ماهي شياخة شيخ من روس الأموال =اللي يشيخ وشيخته من رصيده
مترك وذيب وزيد راحوا ولازال = شيخة عبيده عند مقدم عبيده
شيخة شفاليت مثل نايف الجال = واللي على ميراث جده يجيده
مثايل يقولها شيخ الأمثال = مثل الجبال النايفات البعيده
والحق حق وكلمة الحق تنقال = يالله ياللي كل الأرزاق بيده
أحفظ بلدنا وأدحر وجيه الأنذال = وأحفظ فهد وأحفظ أخوه وعضيده
وأحفظ لنا شجرة وفاء شجرة ظلال = وحنا بخير وفي حياةٍ سعيده
وأجبر عزاء ربع حلاحيل ورجال = هذا هو المعنى وبيت القصيده
الشـاعر / مسفر بن ثابت آل غانم القحطــاني
شيخ شمل قبــائـل عبيـدة قحطـــان
عز الله أنه فاخت الجله رجّـال = شيخ فقيده لقحطان وعبيده
لعل له في جنة الخلد منزال = ويعوض ربعه في العقيد الفقيده
ربعه عبيده مزبن الخايف الذال = أهل الفخر والطيب وأهل العقيده
خيالهم يسوى ثلاثين خيال = لاجاء نهار الحرب يظهر عقيده
جاني الخبر في الحال في الحال في الحال = ويقول ويش اللي نزل في الجريده
قلت الخبر قال الصبر خير الأعمال = أصبر وأنا أعطيك العلوم الأكيده
متلعثم في هرجته قال ماقال = يبدي الكلام شوي ثم يعيده
قلت أنت ويش اللي تقول ياطيب الفال = قل لي ترى اللوعات ماهي جديده
قال الحقيقة راح فكّاك الأشكال = راح العديم اللي علينا فقيده
شيخ على شيخ ويصدق لما قال = حلحيل حيل محيل ماشي يكيده
مترك عريب الجد والعم والخال = مترك لياما صار وعده وعيده
فتال ماينقض ونقّاض فتّال = بالرأي والنخوه والأرياء رشيده
أحيا تواريخ على طول الأجيال = مقدم عبيده والمواقف سديده
ماهي شياخة شيخ من روس الأموال =اللي يشيخ وشيخته من رصيده
مترك وذيب وزيد راحوا ولازال = شيخة عبيده عند مقدم عبيده
شيخة شفاليت مثل نايف الجال = واللي على ميراث جده يجيده
مثايل يقولها شيخ الأمثال = مثل الجبال النايفات البعيده
والحق حق وكلمة الحق تنقال = يالله ياللي كل الأرزاق بيده
أحفظ بلدنا وأدحر وجيه الأنذال = وأحفظ فهد وأحفظ أخوه وعضيده
وأحفظ لنا شجرة وفاء شجرة ظلال = وحنا بخير وفي حياةٍ سعيده
وأجبر عزاء ربع حلاحيل ورجال = هذا هو المعنى وبيت القصيده
الشـاعر / مسفر بن ثابت آل غانم القحطــاني