أبوعبدالله
16-01-2005, 11:56 PM
السلام عليكم ورحمة الله وبركاته:
------------------------------------------
قال الشاعر المجهول:
------------------------------------------
يابدو والله لو تميل الموازين ***في صفكم ما تدركون الزعامه
واعلى المراتب والحكم والعلم الدين***تصعب عليكم حوزته واستلامه
خالقكم الله للغنم والبعارين***ترعونها حتى تقوم القيامه
اطيبكم اللي يخدم المعز والضين***والنوق ويزود لها فالخدامه
أعز عنده من هله والوراعين***يشوف فيهاالمرجلة والكرامة
إن ربعت والا خذا الطعم بالدين***أبدى عليه اطعامها من طعامه
يشيل حمل الدين من غير تقنين***ما يشتكي لو جاير الحمل ضامه
يبرك لها بلهان وإلا بليهين***ما همته لو كان جبت سنامه
ناس على حفظ الحلال متواسين***فيكم على الرعية عزوم وقرامه
وصية الاجداد للمستجدين***وش قال بركات الشريف بكلامه
رعيان لو ان ارصدتكم ملايين***عيا الزمن يرضى لكم باحترامه
والناس في عصر الفضاء يامساكين***وانتم رعايا ياحياة الندامه
غير الشقاء والفقر والزفر والشين***يابدو ما منها كسبتوا سلامه
ومن لامكم فيها خزرتوه بالعين***حمراء وكثرتوا عليه الملامه
والسرق من عاداتكم يابداوين***فيكم جهل مطبق وفيكم غشامه
عاداتكم والحضر عنها غنيين***ويشهد لنا بالخير والاستقامه
حنا لحكام البلد مستشارين***والأمر فينا نفذته وانبرامه
صحيح حنا أهل البقر والبساتين***والبدو يتهموننا بالرخامه
لكننا عشنا كرام وعزيزين***ولا شحذنا الشيخ فضلة إيدامه
وانتم على بيبان قصره معاطين***في كل يوم عند بابه ردامه
طبع لكم من حين ما هو هالحين***حب الفخر والفخفخة والفخامه
جدالكم بالفجر عند السلاطين***دايم مناويخ قبالة خيامه
على الركايب مثل روس الشياطين***اللي هلك واللي درك في المهامه
ترضيكم الشرهه ولو هي ريالين***والا نمونة بشت والا عمامه
ومن لا رضى معطاه يرضيه كفين***واتبعه من بعدهن بالنخامه
في المملكة عشتوا من سنين ودنين***ولا احد بها منكم رفيع مقامه
خذلكم الله بعد ما مانتم بطاغين***والامس من منكم يجهل نظامه
أما علف للسيف والا مساجين***الحكم واجهكم بحزم وصرامه
عشتوا بعد هاك المعزه ذليلين***كل من الذلة تراقل عظامه
بعد التجبر والتكبر مطيعين***ومسالمين وقدركم في القمامه
-----------------------------------------------------------
وهذا رد الشاعر/عبدالهادي(زويح) بن محمد ابن نشطى الخنفري
------------------------------------------------------------
نبدأ بذكر الله وبه مستعينين***يقوله إللي هاض مبدا غرامه
شوف الفكر في حالي الوقت ذالحين***يوم العقاب تحش فيه الحمامه
أنت الحمامه خص ما معك ثانين***يالشاعر اللي غاوي(ن) في كلامه
يلي تذم البدو ما حضك بزين***نشرت عرضك للخطر والملامه
حطيت عرضك شارة(ن) للمغنين***ولا لك من سهوم المنايا سلامه
بين الحرار وصارمات الشياهين***مالك فرار ولو تبي الانهزامه
صفت عليك مقنهبات السراحين***وحدتك من مرقى الجبل للعدامه
اغواك شيطانك وحكي المغاوين***و وسوس عليك ابليس واخذت زامه
تحسب انك حصان(ن) شديد الذراعين***واصبحت ثور(ن) في متونه سنامه
ورطت نفسك ليك مثل ام ظرفين***ولبست شوم اللوم لبس البجامه
يا معيراً برعي الغنم والبعارين***وهي لا هيب منكر ولا بنقص قامه
مال الصحابه قبلنا والنبيين***مد(ن) من الله من فضايل انعامه
اللي على ابراهيم نزل خروفين***يوم ابنه اسماعيل نفذ كلامه
وصارت ضحايا سنة للمسلمين***وهدي لمن حج وتكفن احرامه
والبل خلقها قوة(ن) للضعيفين***تنقل ثقلهم بين شرقه وشامه
لو ان قريت الغاشية شفت بالعين***شفت آية البل كيف هي يالبعامه
يوم انت يالخايب تعرف القوانين***ما تشكر اللي لك سخرها كرامه
تبي القدى ومن القدى وينك او وين***منك القدى بعد الحساء من تهامه
اسمع كلامي واعرف الزين والشين***واعرف حلال الشعر واعرف حرامه
إغناك رمزه بين يا بو وجهين***وطاري الرخامه فاهمين مرامه
رمزك ردي والناس ما هم غبيين***ولا طيب(ن) تطبق عليه الرخامه
أغوى المغاوين انت واردى الرديين***لأن الردي يعرف بظاهر كلامه
والحضر منك ومن غناتك غنيين***لا نت بتمام الصف ولا إمامه
قبلك وعقبك واثقين وعزيزين***ولهم مع العليا زعم وانسجامه
والبدو يامسكنين ما هم ذميمين***وكل بسابق قيمته واحترامه
كسابة الناموس نزاعة الدين***يا سعد من هم في اللوازم حزامه
-------------------------------------------------------------
يظهر ان القصيدتين غير مكتملتين والله اعلم.
وسلامتكم
------------------------------------------
قال الشاعر المجهول:
------------------------------------------
يابدو والله لو تميل الموازين ***في صفكم ما تدركون الزعامه
واعلى المراتب والحكم والعلم الدين***تصعب عليكم حوزته واستلامه
خالقكم الله للغنم والبعارين***ترعونها حتى تقوم القيامه
اطيبكم اللي يخدم المعز والضين***والنوق ويزود لها فالخدامه
أعز عنده من هله والوراعين***يشوف فيهاالمرجلة والكرامة
إن ربعت والا خذا الطعم بالدين***أبدى عليه اطعامها من طعامه
يشيل حمل الدين من غير تقنين***ما يشتكي لو جاير الحمل ضامه
يبرك لها بلهان وإلا بليهين***ما همته لو كان جبت سنامه
ناس على حفظ الحلال متواسين***فيكم على الرعية عزوم وقرامه
وصية الاجداد للمستجدين***وش قال بركات الشريف بكلامه
رعيان لو ان ارصدتكم ملايين***عيا الزمن يرضى لكم باحترامه
والناس في عصر الفضاء يامساكين***وانتم رعايا ياحياة الندامه
غير الشقاء والفقر والزفر والشين***يابدو ما منها كسبتوا سلامه
ومن لامكم فيها خزرتوه بالعين***حمراء وكثرتوا عليه الملامه
والسرق من عاداتكم يابداوين***فيكم جهل مطبق وفيكم غشامه
عاداتكم والحضر عنها غنيين***ويشهد لنا بالخير والاستقامه
حنا لحكام البلد مستشارين***والأمر فينا نفذته وانبرامه
صحيح حنا أهل البقر والبساتين***والبدو يتهموننا بالرخامه
لكننا عشنا كرام وعزيزين***ولا شحذنا الشيخ فضلة إيدامه
وانتم على بيبان قصره معاطين***في كل يوم عند بابه ردامه
طبع لكم من حين ما هو هالحين***حب الفخر والفخفخة والفخامه
جدالكم بالفجر عند السلاطين***دايم مناويخ قبالة خيامه
على الركايب مثل روس الشياطين***اللي هلك واللي درك في المهامه
ترضيكم الشرهه ولو هي ريالين***والا نمونة بشت والا عمامه
ومن لا رضى معطاه يرضيه كفين***واتبعه من بعدهن بالنخامه
في المملكة عشتوا من سنين ودنين***ولا احد بها منكم رفيع مقامه
خذلكم الله بعد ما مانتم بطاغين***والامس من منكم يجهل نظامه
أما علف للسيف والا مساجين***الحكم واجهكم بحزم وصرامه
عشتوا بعد هاك المعزه ذليلين***كل من الذلة تراقل عظامه
بعد التجبر والتكبر مطيعين***ومسالمين وقدركم في القمامه
-----------------------------------------------------------
وهذا رد الشاعر/عبدالهادي(زويح) بن محمد ابن نشطى الخنفري
------------------------------------------------------------
نبدأ بذكر الله وبه مستعينين***يقوله إللي هاض مبدا غرامه
شوف الفكر في حالي الوقت ذالحين***يوم العقاب تحش فيه الحمامه
أنت الحمامه خص ما معك ثانين***يالشاعر اللي غاوي(ن) في كلامه
يلي تذم البدو ما حضك بزين***نشرت عرضك للخطر والملامه
حطيت عرضك شارة(ن) للمغنين***ولا لك من سهوم المنايا سلامه
بين الحرار وصارمات الشياهين***مالك فرار ولو تبي الانهزامه
صفت عليك مقنهبات السراحين***وحدتك من مرقى الجبل للعدامه
اغواك شيطانك وحكي المغاوين***و وسوس عليك ابليس واخذت زامه
تحسب انك حصان(ن) شديد الذراعين***واصبحت ثور(ن) في متونه سنامه
ورطت نفسك ليك مثل ام ظرفين***ولبست شوم اللوم لبس البجامه
يا معيراً برعي الغنم والبعارين***وهي لا هيب منكر ولا بنقص قامه
مال الصحابه قبلنا والنبيين***مد(ن) من الله من فضايل انعامه
اللي على ابراهيم نزل خروفين***يوم ابنه اسماعيل نفذ كلامه
وصارت ضحايا سنة للمسلمين***وهدي لمن حج وتكفن احرامه
والبل خلقها قوة(ن) للضعيفين***تنقل ثقلهم بين شرقه وشامه
لو ان قريت الغاشية شفت بالعين***شفت آية البل كيف هي يالبعامه
يوم انت يالخايب تعرف القوانين***ما تشكر اللي لك سخرها كرامه
تبي القدى ومن القدى وينك او وين***منك القدى بعد الحساء من تهامه
اسمع كلامي واعرف الزين والشين***واعرف حلال الشعر واعرف حرامه
إغناك رمزه بين يا بو وجهين***وطاري الرخامه فاهمين مرامه
رمزك ردي والناس ما هم غبيين***ولا طيب(ن) تطبق عليه الرخامه
أغوى المغاوين انت واردى الرديين***لأن الردي يعرف بظاهر كلامه
والحضر منك ومن غناتك غنيين***لا نت بتمام الصف ولا إمامه
قبلك وعقبك واثقين وعزيزين***ولهم مع العليا زعم وانسجامه
والبدو يامسكنين ما هم ذميمين***وكل بسابق قيمته واحترامه
كسابة الناموس نزاعة الدين***يا سعد من هم في اللوازم حزامه
-------------------------------------------------------------
يظهر ان القصيدتين غير مكتملتين والله اعلم.
وسلامتكم