المساعد الشخصي الرقمي

مشاهدة النسخة كاملة : قصيدة الشاعر فيصل الرياحي في وصف القبايل


علي بن مسفرالحبابي
25-08-2006, 01:01 AM
اخواني الكرام انقل لكم هنا قصيده مشهوره ومعروفه وهي للشاعر فيصل بن منصور الرياحي البقمي ابوبدر يتحدث في هذا القصيده عن قبايل الجزيره العربيه الحقيقه الرياحي احتفظ بعدد كبير من قصايده حبا مني للشعر هذا الشاعر وساوردها هنا ان شاء الله اخواني اتمني انني قد وفقت في الاختيار والان اترككم مع هذا الرائعه



قبأيـلٍ تسكـن بشـبـه الجـزيـره = جزيـرةٍ تبهـر عريـضـه كبـيـره

والكـل منهـم لـه منـازل وديـره = من ساحل الأحمر ليا ساحـل عمـان
--------
منهم"عتيبـه"نـعـم والله عتـيـبـه = قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه = ليا حل طار المجـد يطـرون عتبـان
--------
ومنهم بني الحارث هل المذهب الزين = كسابة القاله علـى العسـر و الليـن

تاريخهـم معـروف ماهـم غبيـيـن = وا لنعم يإبن الحارث طيـور حـوران
--------
ومنهـم "سبيع"ونعـم بسبيـع دايـم = تاريخهم يشهد لتهم فـي القـدا يـم

نقـول حـق ولا نحـب ا لظـلايـم = يستاهلـون المـدح والنعـم سبعـان
--------
و"غامد" ونعم بغامـد اهـل الشكالـه = قيـف شجيـع كـامـلات خصـالـه

الطيـب فيهـم والكـرم والبسـالـه = الاّ وفي وقـت المحاضيـر شجعـان
--------
و"قحطان" ساس الأصل نعـم القبيلـه = أفعالهـم مـن غيرهـم مستحيـلـه

بالطيب عـدو كـل عيطـاء طويلـه = وا لنعـم والله ياصناديـد قحـطـان
--------
والنعم "با الاشراف" نسـل الصحابـه = الديـن فيهـم وا لسخـاء واللبابـه

والعرف والمعـروف شـدوا ركابـه = والنصح والارشاد عن كـل عصيـان
--------
وأولاد وائــل نـعـم والله قبيـلـه = أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه = اسم(عنزه) في قمـة المجـد عنـوان
--------
و" شمر" ليـا عـدت فعـول النحايـا = وا لنعـم والله يـارجـال ا لطنـايـا

حمأيـة القالـه سـهـوم المنـايـا = نقولهـا فـي حقهـم سـر وإعـلان
--------
والنعـم "للعجمـان" مافيـه معـروف = قول وفعل ما تنفـع نقـاط وحـروف

مجـدٍ تعـلا كنـه سهيـل مشيـوف = دليلنـا فـي مدحهـم فعـل راكــان
--------
و"مطير" حمران النواظر هـل الجـود = تاريخهم من قبـل واضـح و معـدود

مجـدٍ مثبتـة براهـيـن وشـهـود = ماينجحـد مجـد وأهاليـه مـطـران
--------
ونعمٍ "بحرب" ليا طرا طاري الأمـداح = أهل ا لموا قف كـل ماصـاح صيـاح

حرابهـم بالنـوم ماهـوب يـرتـاح = من ضيمهم مايمـرح الليـل سهـران
--------
و "سليم" أهل مجد مسجـل بالاسطـار = ذربين أهـل قالـه وبالعـرف شعـار

وأظن هرج ا لصدق مايقبـل إ نكـار = أخذ الأدب والعرف من روس سِلمان
--------
وجمع "الدواسر" ما بهـم قـول قايـل = دوسـر جمـل يشتـال كـل الثقايـل

باسمـه تسمـوا والفعايـل دلايــل = غـدران مـوت ماتحلـى بـغـدران
--------
و"بني تميـم" اللـي فخرهـم مقيمـي = ود ليلنا قول ابـن صقيـه ا لتميمـي

يدري بهم مـن كـان قلبـه فهيمـي = أ خبارهم شاعـت لحضـر وبـدوان
--------
وأيضا "بني خالـد" عـذاب العنيـدي = جو من سلالة "خالد ابـن الوليـدي"

قـول محقـق مانقـول ا لسـريـدي = نقرأ ونبحث لين نـدري بمـا كـان
--------
و"زهران" جن الحرب يـوم الحرايـب = اللـي طعنهـم يـودع ا لـدم رايـب

هبت لهـم مـن كـل طيـب هبايـب = وا لنعـم والله يارجاجيـل زهــران
--------
و"عسير" عسرين علـى كـل طمـاع = سباعٍ تعشي سبـاع الأقـذال بسبـاع

السيـف بيديهـم مخلـد ومـطـواع = ورمـاه ليـا رد النظـر لام نيشـان
--------
و"شهران" مشهورين والجـد شاهـر = الكـل منهـم فـا لمهمـات مـاهـر

طيب ليا عـدوا هـل الطيـب ظاهـر = معـروف مايطويـه بعـد ونسـيـان
--------
و"بالقرن" قرن الموت شرابـة الـدم = حرابهـم يسقونـه الصبـر والسـم

في رؤسهم شيمـه وعـادات ولـزم = ما ينحصـي تعريفهـم عبـر قيفـان
--------
وأيضا "بنـي مالـك" ذكرنـا فخرهـم = الطيب طـوع يـد ينهـم ماعسرهـم

ليا ماجت أمواج البحر مـن بحرهـم = بحر يكز الموج مـن غيـر جيـلان
--------
والنعم "بالأحمـر" علـى كـل حالـي = في كـل صعبـات اللـوازم رجالـي

شوامـخ ماهـم بـجـرف هيـالـي = كسبان ياحايز علـى المـدح كسبـان
--------
و"شمران" ليا شمر عن الساعد الثوب = حرابهم يقفـي مـذ لـل ومرعـوب

كم كدروا يوم الكـدر كـل مشـروب = ياهل الوفاء محد جحد فعـل شمـران
--------
والنعم"بالأسمـر" ليـا حـل طــاري = شمعة فخرهـم ماذرتهـا ا لـذواري

يروون صفحـات القنـا و الشبـاري = ويوردون ا لسيف لاصـار عطشـان
--------
وصبيان"يام" أهـل العمـوق العريقـة = ستر ا لظعـن يـوم الايـادي طليقـة

ما تختفي عن عيـن عاقـل حقيقـة = يام ا لحرايب يوم سوقـات الاظعـان
--------
والنعم والله فـي رجـال"ا لشـرارت" = الطيب له فيهـم مـواري وأمـارات

أهل ا لمراجل يـوم الأيـام عسـرات = الكل منهم يجلـب ا لـروح قربـان
--------
أيضا" بني هاجر" كفـوف الأسـودي = يثبت لهم في كـل عليـاء وجـودي

قول عليه الفعـل الأبيـض شهـودي = وا لصـدق قايـد للمعانـي وقبطـان
--------
ونذكر " بلي" بلواء على كل عاصـي = ليا جاء نهار فيه شيـب ا لنواصـي

رجالهم ينطـح خشـوم ا لرصاصـي = ليا طار ستر ا لوجه عن دعج الأعيان
--------
وأيضا "جهينه" عزوة باسهـم بـاس = نطاحة ا لغاره علـى قـب الأفـراس

أمجادهم من يوم خلقوا علـى سـاس = بيت جويـد مـا نخلـع فيـه بيبـان
--------
وأيضا"السهول" لهم مواقف وتشجيـع = يطوعـون ا لـضـد لازام تطـويـع

ويقال عنهـم ا نهـم حلـف لسبيـع = ذولا وذولا نعـم وافـيـن الأفـنـان
--------
وأيضا "الظفير" أهل الظفر والمدايـح = يوم الثميـدي مثـل وبـل الروايـح

ارجـال مافيهـم غمـوز وقـدايـح = منهم زبون أهل لمقاصيـر "نومـان"
--------
وسفيان من قبل النبـوه لهـم بيـت = صحيح لاأ ز ل بكلامـي ولاأخطيـت

قريت في كتـب التواريـخ وأوحيـت = سفيان سلسلة العريب ابـن سفيـان
--------
و"طويرق " أهل الشيمـه المستديمـه = وأهل الوفاء وأهـل اليديـن الكريمـه

للجـار عـز وللمـعـادي هزيـمـه = أقولهـا مانـي بـراعـي تـلـوان
--------
و"هذيل" أهل غيره ومذهـب وجيـره = وميزاتهـم مـن غيـر هـذا كثيـره

وليـا قـدح للحـرب قـادح ذخيـره = تلقـى مقاديـم الرياجيـل هــذلان
--------
و"قريش" مجـد قريـش كـل درابـه = قوم الرسول وقوم بعـض الصحابـه

ومجد تعـدى الهاشمـي وشنبابـه = اللي من قلـوب البشـر زال الأدران
--------
و"ثقيف" مـا يحتـاج نذكـر فخرهـم = ما دام "ابن يوسف"على طول منهـم

يكفيهـم "الحجـاج" مجـد شهـرهـم = بالكتب والتاريـخ فـي كـل ديـوان
--------
و "بني رشيد" مـن القبائـل يعـدون = ليا جت مجـالات المواقـف يبـدون

يبنـون بنيـان الفخـر مايـهـدون = واللي نقدهم مامعـه علـم بخصـان
--------
ونذكر "بنـي مـره " ونعـم آل مـره = للجـار عـز واللمـعـادي مـضـره

واليـوم فـي نعمـه وسـره وقـره = بين الثلاث اللي خذتهـم بالأحصـان
--------
و"أكلب" هل الطالات وأهل النواميـس = إمسيسـن بدوحـة المجـد تسيـس

كلامنـا مابـه مجـامـل وتلبـيـس = والقول لاسلم الغـوى والخطـاء زان
--------
والمعـذره يـا واسعيـن المعـرفـه = إن غاب عن تفكيري أحـد ماعرفـه

للشعـر تصريـف وللهرج صـرفـه = ولاينتجـازى الناسـي إلا بغـفـران

فيصل الرياحي البقمي=

سعد بن سعيد بن فالح
25-08-2006, 02:19 AM
السلام عليكم ورحمة الله وبركاته
صح لسان الشاعر ولا عليه زود
وبيض الله وجهك يابو فيصل على النقل اللي اكثر من رائع
دائما سباق بالجميل شاكر لك على هذه المشاركه
وتقبل فائق احترامي


بن فالح

فالح المسردي
25-08-2006, 07:21 AM
صــــــــــــــح اللــــــــــــســـــــــان

الشاعر البحر فيصل الرياحي

قصيده جزله ويقال ان هذه القصيده الف بيت

ولا هنت على النقل يابو فيصل

جبل بن زيد
25-08-2006, 04:08 PM
السلام عليكم ورحمة الله وبركاته

ارررررررررررررحب يابو فيصل

صح الله لسان فيصل الرياحي

وصحت والله يمناك على نقلها

تقبل وافر التحية والاحترام

عبدالله بن غفره
25-08-2006, 05:55 PM
أنت متميز في النقل ويعطيك ألف عافيه يأبو فيصل



وصح لسااان أبو بدر

قصيده وافيه كعادته

آل سلمان
25-08-2006, 06:28 PM
الله لايهينك ويعطيك العافية على المشاركة المميزة

وصح لسان أبو بدر

حسين بن شتوي الحبابي
25-08-2006, 07:48 PM
السلام عليكم ورحمة الله وبركاته
صح لسان الشاعرالكبيرفيصل الرياحي
وبيض الله وجهك يابو فيصل
على النقل اللي اكثر من رائع
دائما سباق بالجميل شاكر
لك على هذه المشاركه
وتقبل فائق احترامي

محمد الفردان
25-08-2006, 10:20 PM
و"قحطان" ساس الأصل نعـم القبيلـه = أفعالهـم مـن غيرهـم مستحيـلـه

بالطيب عـدو كـل عيطـاء طويلـه = وا لنعـم والله ياصناديـد قحـطـان




صح لسان قايلها






وسلت يا خوي





ولالالالالالالالالالالالالالالالالالالالالالالاهنت على النقل الجميل





وننتظر الجديد منك ياغلاهم








اتمنى لك التوفيق

المنافس
26-08-2006, 01:43 PM
صح لسانك يأبو فيصل على هذا النقل وصح لسان أبو بدر على هذه القصيدة وهو في نظري أعطى كل قبيلة حقها ونعم بقبائل المملكة كافة .

علي بن مسفرالحبابي
26-08-2006, 09:26 PM
السلام عليكم ورحمة الله وبركاته
صح لسان الشاعر ولا عليه زود
وبيض الله وجهك يابو فيصل على النقل اللي اكثر من رائع
دائما سباق بالجميل شاكر لك على هذه المشاركه
وتقبل فائق احترامي


بن فالح


اررررحب يابن فالح والله يحييك

يشرفني ويسعدني متابعتك لي دائما

وحضورك الرائع لاهنت طال عمرك

سفر الحبابي
30-08-2006, 12:47 AM
أبوفيصل متميز بكل أسلوبك حقيقه قصيده وأبيات رائعه فيصل غني عن شهادة أو مدح بل فيصل
رمز من الشعراء الموهوبين فريد في أسلوبه رائع في كلامه موهبته وشعره أتاحة له الفرصه ليكون
بمستوى المسؤالية فأصبح يمثل امير منطقه فأختير رئيس لمركز ورمز لمنطقته يذكر حقيقه مكانته روعته
وأخلاقه تميز عن الشعراء بها :::أبا بدر يشكرك الجميع على وصفك ::::

أبوفيصل مشكور على متابعتك وأهتمامك وحرصك دليل نجاحك فشكر لك وننتظر منك المزيد.......

سعد القحطاني
30-08-2006, 09:21 PM
صــــــــــــــح اللــــــــــــســـــــــان

الشاعر البحر فيصل الرياحي

قصيده جزله ويقال ان هذه القصيده الف بيت

ولا هنت على النقل يابو فيصل

نعم هذه الأبيات من ظمن المعلقه الشهيره للشاعر فيصل الرياحي

صح لسان الشاعر

وبيض الله وجهك يابو فيصل على النقل الجميل وعادتك الجميل دائماً لاعدمناك

.

.

تحيات أخوك

عبدالله المهداني
30-08-2006, 09:57 PM
ابوفيصل الله لا يهينك

على هذا الموضوع

وصح لسااان ابوبدر

الحقيقه فيصل الرياحي من كبار شعراء جزيرة العرب


وانا اعتبره استاذ الشعر


تحياتي للجميع

علي بن مسفرالحبابي
02-09-2006, 10:37 PM
صــــــــــــــح اللــــــــــــســـــــــان

الشاعر البحر فيصل الرياحي

قصيده جزله ويقال ان هذه القصيده الف بيت

ولا هنت على النقل يابو فيصل



هلا وغلا باخوي الغالي فالح المسردي

تعطرت مشاركتي بمرورك العذب والقصيده

نعم الف بيت تسمى الالفيه ولكن اخترنا منه مايخص القبائل

لاهنت علي المتابعه المستمره يالغالي

سفير بني بشر
02-09-2006, 11:57 PM
لاهنت على النقل وصح لسان الشاعر

علي بن مسفرالحبابي
03-10-2006, 02:06 PM
السلام عليكم ورحمة الله وبركاته

ارررررررررررررحب يابو فيصل

صح الله لسان فيصل الرياحي

وصحت والله يمناك على نقلها

تقبل وافر التحية والاحترام


وعليكم السلام ورحمه الله وبركاته
والله يحييك يابومسفر ومرحبا ومسهلا

علي بن مسفرالحبابي
16-10-2006, 01:16 PM
أنت متميز في النقل ويعطيك ألف عافيه يأبو فيصل



وصح لسااان أبو بدر

قصيده وافيه كعادته


ابومحمد حياك الله واشكرك علي متابعتك

الدائمه وتفاعلك الجيد لك شكري وتقديري

ابودخيل الحبابي
16-10-2006, 01:28 PM
صح لسان قايلها
وبيض الله وجه ناقلها

الامبراطور
16-10-2006, 11:54 PM
على بن مسفر الحبابي


ارررررحب


لاهنت يالذيب على نقل ذا الجزله


من الشاعر المحيط فيصل الرياحي


ونعم به وبربعه


فعلا قصيده جزله ومحكمه السبك

سعيدالحبابي
24-12-2006, 09:19 AM
و"قحطان" ساس الأصل نعـم القبيلـه = أفعالهـم مـن غيرهـم مستحيـلـه

بالطيب عـدو كـل عيطـاء طويلـه = وا لنعـم والله ياصناديـد قحـطـان
صح لسان الشاعر الكبير والمعروف فيصل الرياحي ولا عليه زود
وبيض الله وجهك يابو فيصل على النقل اللي اكثر من رائع
دائما سباق بالجميل شاكر لك على هذه المشاركه
وتقبل فائق احترامي

ابن حابي
24-12-2006, 12:25 PM
صح لسان الشاعر فيصل الرياحي
بس انا اتوقع انه نسي قبيلة كبيرة وعريقه هي بني شهر .....
وطبعا لم يتعرض لكل قبائل الجزيرة العربية فقط تعرض للقبائل التي تستوطن السعودية

علي بن مسفرالحبابي
28-12-2006, 11:50 PM
الله لايهينك ويعطيك العافية على المشاركة المميزة

وصح لسان أبو بدر


حياك الله يال سلمان وتسلم وتدوم

منصور بن حيان القحطاني
29-12-2006, 03:01 PM
صح السان فيصل

ولاهنت يابو فيصل

تقبل تحياتي

علي بن مسفرالحبابي
16-01-2007, 11:22 AM
السلام عليكم ورحمة الله وبركاته
صح لسان الشاعرالكبيرفيصل الرياحي
وبيض الله وجهك يابو فيصل
على النقل اللي اكثر من رائع
دائما سباق بالجميل شاكر
لك على هذه المشاركه
وتقبل فائق احترامي



هلا ومرحبا الف يابومسفر ولاهنت علي المرور

سعدالحبابي
07-11-2007, 09:00 AM
عملاق وكبي يابوبدر وتعي ماتقول

بيض الله وجهك ياعلي

محمد الفردان
07-06-2010, 03:32 AM
بارك الله فيك

الله يرحم فيصل

نايف راكان
07-06-2010, 11:54 AM
ارحب ابو فيصل وبيض الله وجهك وحي والله ما جبته لبو منصور الله يرحمه




مشكور