رجل بلا ربع حياته زهيده

[سعد بن سعيد بن فالح]

بسم الله الرحمن الرحيم
هذه قصيده للشاعر/حامد بن غانم الجذع القحطاني قالها بمناسبة اجتماع بعض جماعته بمدينة الرياض وذلك في تاريخ 12/6/1414هـ



الحمد للرحمن مجري الهبايب****علام ما نخفي مجيب الطلايب
سبحان من فضله عليناورحمته****حلال عسرات الامور النشايب
رب كريم وكلنا طالبينه****الحمد له والشكر مجري السحايب
ومن بعد ذايامرحبا بالرفاقه****يامرحبا بأعز واشرف قرايب
باعداد من حج بالحرم واستعابه****صغيركم واللي كبير وشايب
ذايوم عيد يوم شفنا وجيهكم****الله يحي ربعنا والحبايب
رفيقي اللي ليبغيته وجدته****حاضر معي لو كان بالجسم غايب
ورفيقي اللي لينخيته شفاني****دايم معي ولم عطيب الظرايب
ورفيقي للي وصله المنادي****بدا كما نجم ظهوره عجايب
ورفيقي اللي من حوالي يسالي****لو حال من دوني بحور وحرايب
ونا بعد وضعه وحاله يهمني****لي غاب عني قلت ويش السبايب
افرح لم قالوا لي فلان طيب****واحزن لم قالوا حصل له نوايب
وابن ادم دنياه فيها مواجب****والناس في الماجوب مخطي وصايب
ورجل بلا ربعه حياته زهيده****ويمنا بلا يسرا تشوف العقايب
ورفيق ماشوفه ولا اعرف حواله***هذاك ماعده ولا هو بثايب
والله ان طراة الرجل لاصار مثله****يوهب على راسه نثيل ونصايب
هذا ونا ماقلت كون الحقيقه****ولي قلت زور استغفر الله وتايب
اطلب عظيم الشان مده وجوده****لي قصرت عنى يدين الزلايب
قلته ونا ماقصدي اية مقاصد****احمد كريم مدنا بالهبايب
كون اجتماع والمواصل فريضه****وابن آدم رحال والعمر ذايب
والختم صلواياوجيه الفلاحي****على رسول في حياته غرايب

وسلامتكم؟

امل اني قد نقلتها لكم دون اخطاء املائيه

المصدر/ديوان آل سليمان الحرقان(عبيدة قحطان)


تقبلوا تحياتي / بن فالح

[أبو صقر]

شكراً لك اخي الكريم على هذا المشاركة

[جبل بن زيد]

السلام عليكم ورحمة الله وبركاته

بن فالح ارحب

وصح الله لسان ابن الجذع


وصحت يمناك على النقل

والاختيار الرائع


تقبل وافر الاحترام

[سعد بن سعيد بن فالح]

ابو صقر شرفني والله مرورك وشاكر لك




جبل بن زيد.............. مرحب يسلم



والف شكر على التصفح والاطراء

[علي بن مسفرالحبابي]

ابن فالح بيض الله وجهك يالغالي علي نقل مثل هذه القصايد الجزله والثمينه

صح لسان ابن الجذع وسلمت يمين ابن فالح لاهنت لولاتبخل علينا بروائعك

وروائع الشعراء الذي تنقلها لنا دمت بكل الود

[سعد بن سعيد بن فالح]

ارحب يابو مسفر ملايين
والله القصيده زادة روعه بمرورك
وشاكر لك على التصفح
مني لك اطيب التحايا والتقدير





اخوك بن فالح

[عبدالله فراج العلياني]

لاهنت وبيض الله وجهك على الموضوع الرائع

تقبل مرووووري

[الـــجـــحــلــي]

الله يعطيك العافيه

[محمد الجميحي]

قصيدة رائعة سلمت اخوي وصح لسان راعيها

[مشاري بن نملان الحبابي]

لاهنت .. وصح الله لسان الشاعر ..

[حمد الظلافيع]

وابن ادم دنياه فيها مواجب****والناس في الماجوب مخطي وصايب

عجبني هذا البيت