المساعد الشخصي الرقمي

مشاهدة النسخة كاملة : ليل الصبيخه..مرثيه

حسين العبدي
15-01-2005, 12:13 AM
السلام عليكم...

الشيخ مترك ابن ذيب ابن شفلوت فقيده على الجميع..

وانا حدرت مع الصبيخه انا واحد الاصدقاء وتهيضت وتغيرت في عيني الصبيخه (عساها عامرة باهلها)

ونظمت هذه القصيده وانا في السياره...


يابو سعد ليل الصبيخه علامه=ذالليل غير وماضي ليالها غير
متزايد في العين كتمة جهامه=ومن اول لااقبلت اشوف التباشير
آقولها من حزن ماهي ملامه=مالومها تبكي على موتة امير
عزالله انه راح نصف الجهامه=فرجة رجل لكن عن افرج طوابير
والنصف الاخر ياعساه السلامه=الله يجيره من صدوف المقادير
مترك رحل لكن يخلد مقامه=في صفحة التاريخ ضمن المشاهير
مع جدوده لين يوم القيامه=مجد على ساس ولافيه تغيير
تبكيه نجد وروسها اهل الزعامه=واهل الجنوب محزنه صبح وعصير
ويبكيه صف الصلح فاقد كلامه=سحر البيان اللي مثل حالي الشير
وتبكي اقحطان من الحفر لي تهامه=هاذي الخساره يوم عد المخاسير
جعل العوض في ذخر راسه حزامه=مناحي سديد الراي وافي الاشابير
جامع علوم المرجله باهتمامه=ورث من الجدان ماهيب تزوير
عرف وكرم واخلاق وايضا قرامه=وله عند خلق الله معزه وتقدير
يزيدني الطيب واثني احترامه=لو كان انا ماني من طيور ذالطير
هاذي تعازي اللي ماعبر كلامه=عن الهموم اللي ورود ومصادير
لان الحدث مهما وقفنا امامه=ماتوصفه للناس كثر التعابير
ابن شويه
15-01-2005, 12:36 AM
حسين

بيض الله وجهك

والله يرحم الميت برحمتة

لاهنت لاهنت
عوض بن شفلوت المناديه
15-01-2005, 01:23 AM
صح لسانك يا حسين

قصيدة في غاية الروعة

واحسن الله عزانا جميعاً عز الله ان الفقيدة وحدة

والعزاء لقحطان كافة
ابن عاصم
15-01-2005, 02:46 AM
[صح لسااااااانك اخوي حسين

اثرررك شاعر

لا تحررررمنا من قصايدك اللي مخبيها

والله يرحم الشيخ مترك ويسكنه جنات النعيم ااااااااااامين

اخووووووووووووووووك

ابن عاااااااااااااصم[/align][/align]
عاشق الوطن
15-01-2005, 08:47 AM
الاخ حسين
السلام عليكم
صح لسانك000 صح لسانك
قصيده رائعه ومعانيها جزله
زين الله حياتك والله يرحم الميت ويبارك في الحي
وعزالله ان القصيده معبره رسمت لنا اجواء الصبيخه اثناء
مرورك بها

يابو سعد ليل الصبيخه علامه=ذالليل غير وماضي ليالها غير
متزايد في العين كتمة جهامه=ومن اول لااقبلت اشوف التباشير
آقولها من حزن ماهي ملامه=مالومها تبكي على موتة امير
عزالله انه راح نصف الجهامه=فرجة رجل لكن عن افرج طوابير
والنصف الاخر ياعساه السلامه=الله يجيره من صدوف المقادير
مترك رحل لكن يخلد مقامه=في صفحة التاريخ ضمن المشاهير

في الختام تقبل السلام
فارس قحطان
15-01-2005, 10:42 AM
صح لساااااااانك


قصيدة جزله من شاعر جزل

وفعلا معبره

بيض الله وجهك ياحسين

وعسى الله ان يرحم فقيدنا الشيخ مترك
حسين العبدي
15-01-2005, 10:29 PM
الاخ ابن شويه


ومن يقول ابيض وجه


امين الله يرحمه


وشكرا على المرور
حسين العبدي
15-01-2005, 10:35 PM
الاخ

عوض المناديه


الرائع مرورك على القصيده وقراتك لها


تقبل تحياتي
علي البورعي
15-01-2005, 11:43 PM
حسين القحطاني

صح الله لسانك

قصيدة صادقه ومعبره في راس من روس قحطان

الله يرحمه ويسكنه فسيح جناته

عزالله أن راح فقيده لاكن البركه في عياله

لك كل التقدير












أخوووووووووووووك
حسين العبدي
16-01-2005, 07:11 PM
الاخ ابن عاصم

صح بدنك والله لايهينك على المرور والاطراء


وصدقني مانخبي على عيال الشايب كل جزل ومفيد

شكرا وتقبل تحياتي
خالد آل مطرف العاطفي
17-01-2005, 02:52 AM
صح السانك صح السانك
ياحسين
ورحم الله الشيخ / مترك واسكنه فسيح جناته واموات المسلمين ..وهو فقيدة قحطان
اخوي حسين
الله يحييك ويحيي اقبالك ويشرفنا انتسابك للشبكه بين ربعك واخوانك ..وننتظر منك انشاءالله
المزيد والمزيد من الأبداع ..
لاهنت ..ياحسين ..لاهنت
اخوك
خالد
الطامي
11-04-2009, 01:09 AM
صح لسانك

قصيدة رائعة


لاهنت اخوي حسين
علي بن نملان
11-04-2009, 01:34 PM
صح لسانك ياحسين شاعر وافي
والله يرحم الفقيده وعزالله أنهم راحو الشيوخ والشيبان
شديد الحبابي
11-04-2009, 02:02 PM
صح لسانك وبيض الله وجهك
دائماً مبدع