كان به شاعر ضلعه متين (مبـــــــــــــــاشـــــــــــــــــر)

[ابن سجعان]

ياسلام الله تحيه تعم الحاضرين =عد من صلى بمكة وطاف أركونها
كان به شاعر محنك وله ضلٍع متين =يقرب وقدمه ذيابٍ تحد اسنونها

[سعد القحطاني]

ياهلا يامرحبا بك عسى ربي يعين=الله يحييك كلمه وذا مضمونها
العب العب يابن سجعان والقاسي يلين=الجزيله هاتها والعرب يقرونها

[أبن مجمش]

الله لا يهينكم يالربع

وان في صفك يا سعد لا ني قد بغيت ارد وسبقتني


وتسبقنا على الطيب دايم

[سعد القحطاني]

ارحب يابن مجمش

ماعليك زود وانت راعي الطيب

وجودك في الصف مكسب يالقرم

وابشر بالعوض لو دريت انك بترد اعطيتك المجال لأني والله مشغول ولكن وقعت ههههههه

لاهنت يابن عاطف لاهنت

[ابن سجعان]

البقا بك يالمرحب عسى أيامك سنين =وأنت شاعر والأمانة مع مامونها
المعرفة سلم بين الرجال العارفين= وكل جمره ثبتوها على غليونها

[سعد القحطاني]

ياعساك بخير مبسوط وكل العلم زين=قبل تلهينا الملاعب وكثر لحونها
طرقي ماشي وقابل رجال سامرين=سلم وروح ماكرَم هذي وش لونها

[طلال القحطاني]

يا الله حيهم

بن سجعان

سعد القحطاني

لنا الشرف والحضور منكم نستفيد واصلو متا بعين لكم والصفوف ازهلوها

[ابن سجعان]

للظروف أحكام والعذر واضح يافطين = بس أشوف أصحابنا بيحت مكنونها
الرسالة يا سعد بختصرها كلمتين =خلك بشانك وخل العرب في شونها

[ابن سجعان]

الله يبيقيك ياطلال

[سعد القحطاني]

انت صادق عادت النوم يحب النايمين=مير آخبرك من عرب ماتنام عيونها
والله إنا مانقوله عداوة شامتين=ودنا ليلى تسانع مع مجنونها

[سعد القحطاني]

طلال القحطاني

لاهنت يا استاذ مرورك اكبر شرف

وإذا لزمت الصف مانستغني من فزعتك الله يعطيك العافيه

تحياتي

[مسفر الفهري]

الله الله على ذا الطاروق

انا والله حضرت ادور للمحاورة واهلها وابرك الطواريق اللي انتوا فيه يا اثنين

ابن سجعان

والسعد....

معكم نجد الجواهر في سوقها

[طلال القحطاني]

ماشاء الله عليكم اي والله من الطراز الاول

اشكركم جميع القهوه ياولد قهوو الشعار والصفوف


بن سجعان كفو وانت كفو وتسدون اللزوم

[ابن سجعان]

يشهد الله ما نفكر بهرج الحاقدين= وكل نفسٍ حاقده ماتت بطاعونها
أنت طيب يا سعد من رجال طيبين=والسحايب روحت وأنتم تخيلونها

[ابن سجعان]

بوكنان وطلال شكرا على المتابعة

[سعد القحطاني]

سج رجلك سجها بين زمزم والقرين=والعسيفه لا يمر الصفا حنحونها
طيبنا ثابت من عزوة كعام العايلين=مانخايل مقفيات السحب ومزونها

[سعد القحطاني]

ماشاء الله عليكم اي والله من الطراز الاول

اشكركم جميع القهوه ياولد قهوو الشعار والصفوف


بن سجعان كفو وانت كفو وتسدون اللزوم

ماعليك زود

لكن اخذ الدله من الولد وخله يمسك الصف

وكرمت لاتصب لي لاقهوه ولا شاهي

لاهنتو

[ابن سجعان]

الليال المقبله تظهر السر الدفين=سرها مكشوف للناس لوتخفونها
واناوالله من رجالٍ تضد المعتدين=عزوةٍ من عصر عادٍ عطيبٍ كونها

[سعد بن دعروم]

الله الله ياشعارنا









متاااااابع وماسك الصفين






واصلوووو واصلوووووو

[سعد القحطاني]

ماذخرنا للصديق إلا سمنٍ مع سمين=الدلال مهيله مير لاتكفونها
عيدو يا اصحابنا وانقول امن العايدين=والصلاوات المفروضه لا لاتنسونها

[مهدي بن مسفر الحبابي]

أخوي ابن سجعان

أخوي ابو عبدالله

صحت السنتكما وبيض الله وجهيكما

الله لايهين الجميع


انا ماسك الصف

لكم فاائق احترامي وتقديري

[سعد القحطاني]

سعد الزهيري

ابو نواف (مهدي الحبابي)

حظوركم اكبر شرف لاعدمناكم

شرفتونا لاهنتو يامال العافيه

[ابن سجعان]

الجمل في تالي الليل عوّد له حنين= غرته نفسه وهقوته عوّد دونها
يامعيًد كيف عيًدت قبل المسلمين=صل فرضك والبشر مثلك يصلونها

[سعد القحطاني]

لو آشوف الساري اليا سرى ماقلت وين؟=يمكن مايعرف جميع الخطط وفنونها
لامشيت الدرب خلك على السيد اليمين=ماعلى الاجواد زالت تشوف عيونها

[ابن سجعان]

طال ليل الملعبه بين زين وبين شين=يقطع الله شجرةٍ ماتظل اغصونها
إن بغيت الصدق والحق والعلم اليقين= ملعبتكم بنت عذرا وانا مضنونها

[سعد القحطاني]

احمد الله فرصتك في غياب الغايبين=تكتك الكلمه .. بلا تكتكه ياهونها
جابك الله واركبك في قطار الغانمين=كفو لكن بعد ذالليل لاترجونها


الاخ بن سجعان لاهنت

شاعر جزل ولعب معك مكسب

الله يحييك المحل محلك اي وقت ومجالس قحطان تتشرف بوجود شرواك

الى اللقاء ودمت بخير

[سعد بن دعروم]

الله الله ياشعارنا






لازلنا متااااابعينكم




واصلووو واصلووو

[ابن سجعان]

الله يبقيك وتشرفت باللعب معك ودمت بألف خير

[سعد بن دعروم]

صح الله لسانكم ولاهنتوووو ياشعارنا








تقبلو تحياتي,,

[عطاالله مطيع ال كناد]

مسرع سريتواااااااااااااااااا

[عطاالله مطيع ال كناد]

انا ابيلي شاعر محنك ورده زين
يصوغ البيوت وبين لي مضمونها

[محمد القويفل]

صح السنتكم يا شعار ولاهنتو

واعذرونا على التاخير ولعل التنسيق يشفع لنا الغياب !


:)



ابن سجعان
ياسلام الله تحيه تعـم الحاضريـن = عد من صلى بمكة وطاف أركونهـا
كان به شاعر محنك وله ضلٍع متين = يقرب وقدمه ذيابٍ تحـد اسنونهـا

سعد القحطاني


ياهلا يامرحبا بك عسى ربـي يعيـن =الله يحييـك كلمـه وذا مضمونـهـا
العب العب يابن سجعان والقاسي يلين =الجزيله هاتهـا والعـرب يقرونهـا

ابن سجعان

البقا بك يالمرحب عسى أيامك سنين = وأنت شاعر والأمانة مع مامونهـا
المعرفة سلم بين الرجال العارفيـن = وكل جمره ثبتوها علـى غليونهـا

سعد القحطاني


ياعساك بخير مبسوط وكل العلم زين =قبل تلهينا الملاعب وكثـر لحونهـا
طرقي ماشي وقابل رجال سامريـن =سلم وروح ماكرَم هذي وش لونهـا

ابن سجعان


للظروف أحكام والعذر واضح يافطين = بس أشوف أصحابنا بيحت مكنونها
الرسالة يا سعد بختصرها كلمتيـن = خلك بشانك وخل العرب في شونهـا

سعد القحطاني


انت صادق عادت النوم يحب النايمين =مير آخبرك من عرب ماتنام عيونها
والله إنا مانقولـه عـداوة شامتيـن =ودنا ليلـى تسانـع مـع مجنونهـا

ابن سجعان

يشهد الله ما نفكر بهرج الحاقدين = وكل نفسٍ حاقده ماتت بطاعونها
أنت طيب يا سعد من رجال طيبين = والسحايب روحت وأنتم تخيلونها

سعد القحطاني


سج رجلك سجها بين زمزم والقرين =والعسيفه لا يمر الصفـا حنحونهـا
طيبنا ثابت من عزوة كعام العايليـن =مانخايل مقفيات السحب ومزونهـا

ابن سجعان

الليال المقبله تظهر السر الدفيـن =سرها مكشوف للناس لوتخفونها
واناوالله من رجالٍ تضد المعتدين = عزوةٍ من عصر عادٍ عطيبٍ كونها

سعد القحطاني


ماذخرنا للصديق إلا سمنٍ مع سميـن =الـدلال مهيلـه مـيـر لاتكفونـهـا
عيدو يا اصحابنا وانقول امن العايدين =والصلاوات المفروضه لا لاتنسونهـا

ابن سجعان

الجمل في تالي الليل عوّد له حنين = غرته نفسه وهقوته عوّد دونهـا
يامعيًد كيف عيًدت قبل المسلميـن = صل فرضك والبشر مثلك يصلونها

سعد القحطاني


لو آشوف الساري اليا سرى ماقلت وين؟ =يمكن مايعرف جميـع الخطـط وفنونهـا
لامشيت الدرب خلك على السيد اليميـن =ماعلى الاجواد زالـت تشـوف عيونهـا

ابن سجعان

طال ليل الملعبه بين زين وبين شين =يقطع الله شجرةٍ ماتظـل اغصونهـا
إن بغيت الصدق والحق والعلم اليقين = ملعبتكم بنت عذرا وانـا مضنونهـا

سعد القحطاني


احمد الله فرصتك في غياب الغايبين =تكتك الكلمه .. بلا تكتكه ياهونهـا
جابك الله واركبك في قطار الغانمين =كفو لكن بعـد ذالليـل لاترجونهـا