المساعد الشخصي الرقمي

مشاهدة النسخة كاملة : لمحبين التفحيط


ال عاصم
01-08-2006, 02:02 AM
السلام عليكم شباب

هاذي شوارع التفحيط الي في الرياض ونبيكم تكملون ؟؟؟؟؟؟؟؟؟؟؟؟



اولاً للمعلومية:اغلبية التفحيط يكون يوم الأربعاء_والخميس

ويبدأ الساعة الـ12 ومافوق


اولأ: شـــــــــــــارع بحـــــــــــــري

من اشهر شوارع التفحيط ... واكثرها اتساعاً ... يعني العقد فية ما تعوق

التوصيف:له طريقين الطريق الأول

ادخل مع مخرج عشرة .... وكنك متوجة لم العليا

اول كبري يجيك اطلع معة .... ومن عند الإشارة لف يسار

هذا هو الشارع

الطريق الثاني

من عند مخرج سبعة ... طريق عثمان بن عفان

وانت جاي من مخرج ثمانية لف يسار ... وسيد تجيك اول اشارة عدها

وثاني وثالث ورابع اشارة عدها بعد

تلقاك وسط الشارع


ثنياً:شــــــــــــــــارع المطـــــــــــــافـــــــــــي

احسن الشوارع من ناحية شدة العزم لسيارة .... والعطة فية سهلة

مشكلتة فية مطبات ... لكن يصير فية تفحيط دايم


الوصف: تستلم الدائري الشمالي ... لين يجيك مخرج اربعة((مفرق القصيم))

لف يمين كنك رايح لم القصيم .... اطلع من فوق الكبر الأول

وسيد لين يجيك نفق ... ادخل من فوقة واذا جتك اشارةلف يمين

وسيد قدام .... وتلقاك وسط الشارع


ثالثاً: شـــــــــــارع البـــــــــــــراميـــــــــــــــل

شارع عالمي عبارة عن اربع مسارات ... مافية تفحيط ما يمر علية

ويعتبر افضل من شارع بحري .... وبدون مطبات


الوصف: نفس وصف شارع المطافي

لكن بدل ماتطلع من فوق النفق الأول .... اطلع مع النفق الثاني

واذا جتك الإشارة لف يمين .... وسيد قدام

لين تشوف فية مخيم على يدك اليسار .... اذا شفت المخيم

اول لفة تجيك يسار لف معها

وترا هذا هو الشارع


رابعاً:شـــــــــــــارع الجنــــــــــادرية او الفـــــــــروسيــــــــــــة

شارع مشهور جداً ... دايماً يبدا التفحيط من هناك

شارع وسيع .... واشهر المفحطين يجونة


الوصف: تستلم طريق الدمام .... لين ينقطع النور

بيجيك اول مخرج اتركة ... بعدين ثاني مخرج ادخل معة((مخرج الثمامة))

واذا لفين مع المخرج وطلعت على الشارع ((اسمة شارع البعارين))

سيد لاتلف يمين ولا يسار .... لين يجيك عواميد النور

وهذا يكون نهاية طريق الجنادرية ... يعني العقدة تخلص هناك


هذي هي اشهر شوارع التفحيط ... والباقي عليكم يعني حط رجلك ورى الموكب



ملاحظات للمبتدئين: اذا كان التفحيط يوم الربوع ... فيه تحجير من الدوريات

فأنك يوم الخميس لاتلحق التفحيط ...الا بعد الساعة 3


اذا قام اللي يفحط يجر الموكب مع الدائري ... ويدخل الشوارع حقت التفحيط

ويطلع من دون لايفحط .... اتركة ورح لم بيتكم لأنه بيخلص بنزينك على الفاضي



تقبلوا خالص تحياتي

نسيم الجنوب
01-08-2006, 02:51 AM
البحري قفلو الدورات وما يفحطون فيه الا قليل


المطافي فتح جنبه مركز شرطه الصحافة و الناس ما تفحط فيه

البراميل

صار في نهايته مطابات كبييييييييييييرة وجنبه مجمع خوجات وانواع العسكر والقروشه

معلوماتك قديمة الله يسلمك ويعافيك شكل الموضوع مكتبوب قبل عشر سنين



لا تزعل من كلامي ونتشوق لمشاركاتك القادمة :rolleyes:

سفير بني بشر
01-08-2006, 03:30 AM
نسيت شااااااااااااااااااااااااااارع المليون

وبعد شااااااااااااااااااااااااااارع المستودعات

وبعد الشاااااااااااااااااااااااارع الاصفر


كلها جنوب الرياض

فيصل الحمالي
02-08-2006, 05:01 AM
ههههههههههههههههههههه
تفحيط .. الله يجزاك بالجنه يا ال عآصم

فيه البركسآت ما ادري وش اسمه
خخخخخخخخخخخخخخخخخخخخخخ



فيصل الحمآلي

فارس الجنوبية
02-08-2006, 10:58 AM
الله يهدي الشباب اللي تهوى التفحيط


ياكم نفس راحت في هذه الهواية الخطيرة

فارس السروات
02-08-2006, 09:41 PM
أهلاً بالاخ آل عاصم ومرحباً بك بين اخوانك في هذا المنتدى وكما بينا في موضوع سابق بأن للجميع كامل الحرية للكتابة في هذا المنتدى حسب قوانين وانظمة المنتدى ومع عدم حبي ولاتأييدي للتفحيط إلا انني احب النقاش وتبادل الاراء بحرية كاملة لنصل للهدف بإذن الله الذي يسر الجميع
لذا اسمحوا لي ان اقول رأيء بحرية فأنا لا اتعاطي التفحيط ولا احب المفحطين بل اجبن مااكون عندما اعلم بمرور مفحط بجانبنا اودخول شارع مفحطين وانظر الى التفحيط بأنه نوع من الجهل الذي تنامى بين فئة الشباب المراهقين واحد اسبابه الشحنات الغير مفرغة ثم النقص المركب والبحث عن لفت النظر للغير .
آمل تقبل رأيء وهو صحيح في نظري يحتمل الخطأ عند غيري
تحيااااتي للجميع

ال عاصم
03-08-2006, 01:48 AM
اخوي نسيم الجنوب كلامك صحيح بس
انا ساكن بالدمام وعندك الشارع الثلاثين باقي يفحطون فيه
وعندك الشارع الاصفر الي في الكورنيش يجي فيه تفحيط كل اربعاء وخميس
وعندك شارع جي تي الي مقابل مخطط 91 هذا معروف دايم يجي فيه تفحيط كل اربعاء وخميس

بس عندك باقي مناطق المملكه مادري عنها وعلى فكره الموضوع هذا منتشر في اكثر المنتديات وصح انه قديم بس
هذا الي لقيته اشكرك نسيم الليل على مرورك

المكابسي
03-08-2006, 02:13 AM
اخي أل عاصم

سلام من الله عليك ورحمته وبركاته

وبعد:

لماذا اخترت هذا الموضوع ؟

هل انتهت جميع المواضيع المجدية؟

ان كنت تريد اثارت الحوار والاخذ والعطاء وبيان مشاكل

التفحيط وما يحصل فيها من كوارث فهذا جيد وان كان العكس

فويل لك من الله !!!!

كيف لو اتى احدهم الى اخيك وابنك وقريبك ودله على طريق غير سوي

هل ستصفق لهم وتمدهم بما يطلبون او تردعهم وتعاقب من دلهم عليه؟

ولا تنسى ان المرء حسيب نفسه

والموضوع عملة لوجه صاحبه وسلوكه

ارجوا قبول وجهة نظري بصدر رحب

اخوك / المكابسي

أبوسالم
03-08-2006, 09:10 AM
بسم الله الرحمن الرحيم
إلى الأخ العزيز ال عاصم
تذكر بأن أي شخص سوف يذهب لهذه الشوارع
عليك وزره ووزر من يتبعه ووزر من يدلهم على هذه الشوارع
الله يهديك

صالح ابو مريحة البشري
12-08-2006, 06:41 AM
ال عاصم جزاك الله خير 0


ولكن بدل ما تنقل الموضوع وتدل الناس للشر وغيره ( مع فائق احترامي وعذري للكلمة ) انقل موضوع مفيد دل الناس على مساجد جديدة او محاضرات او ندوات اشياء تفيدك في دينك ودنياك واخرتك 0

كلام جميل اخي /المكابسي 000000 وكلام جميل اخي /ابو سالم

ابن بطي السحمه
15-08-2006, 08:34 AM
شكراً لك اخي الكريم على هذا المشاركة

بن السلاطين
15-08-2006, 10:06 PM
السلام عليكم ورحمة الله وبركاته
تكفــــــــــــــــــى ياصبي قحطاااان ويش جاي بالتفحيط في مجالسنااااا ؟؟؟؟
اترك التفحيط لاهله ...... وترى المفحطين معروفين بالشذوذ الجنسي والعياذ بالله .... ويش تبي بالشبهات وانا اخوك ؟؟؟

البلووووز
16-08-2006, 02:03 AM
انا مع كلام فارس السروات

اكثر اهل التفحيط فيهم عقدة النقص ويحب الظهور والشهره علشان يغطي النقص اللي فيه
والا ماورا التفحيط اي خير .... حوادث واصابات ووفيات
ومشاكل ومضاربات


:banana: ابعد عن الشر وغني له :banana: