المساعد الشخصي الرقمي

مشاهدة النسخة كاملة : رثائيه ..مروبعه ..للشاعر ...ابوعبيد ...في فقيد ..قحطان

ابوابراهيم العبيدي
09-01-2005, 11:31 PM
بسم الله الرحمن الرحيم

قصيده رثاء في وفاة شيخ شمل قبائل عبيدة قحطان /الشيخ مترك بن ذيب بن شفلوت ( رحمه الله )

احاه تسعين الف بليار عزاه = تضرب بمليارين ونة حزن آه
ومنتوجها يضرب برمل الجزيره=تبكي رحيل اميرنا اللي فقدناه
قبل العشاء خمسه وعشرين جمعه=تناثرت عدة ملايين دمعه
عليك ياشمعة شفاليت ربعه=لارحم ابو موق ٍ درى مانثر ماه
بشهر ( 11) من عام خمسه وعشرين=وزود اربع إميه مات شيخ القحاطين
يامن خلقت اغلب هل الأرض من طين=ان تجعل الفردوس يارب ماواه
مترك عسى الفردوس الأعلى مكانه =ماقدمه يلقاه توه حصانه
امانتك يامسترد الأمانه = تجعل بنات الحور تسعد بلقياه
مرحوم ياشيخ ٍ يشرف سجله = دين وكرم واخلاق حسنه جبله
وخطلان الأيدي دايمآ في محله=له مجلس ٍ دفي الكرم في زواياه
كساه خلاق البرايا بميزه= ياقلها بين الشيوخ العزيزه
ياتي قبل ( يذن ) بفتره وجيزه=ويدعي لخلاقه بصدق المناجاه
كم اعتق رقاب ٍ من السيف ابوحد= وكم مبطي في السجن من فعله انهد
من صلب شيخ ينعرف ساعة الجد =لاقال قول ٍ ياصله ويتعداه
رحلت يانهر الوفاء منقع الطيب =اخو مناحي نسل عطب المضاريب
يحسن عزا ذعار و عزا شيخنا ذيب=ويحسن عزا اشبال توارث سجاياه
ويحسن عزا الحكام في طيب الصيت=ويحسن عزا عبايد ٍ والشفاليت
ويحسن عزا من ينتحب داخل البيت= تبكي معزين العزا زفرة ابكاه
رحيل مترك في الجزيره فقيده = ابو الشيوخ وشيخ جملة عبيده
حكمه وحلم وصدق وارياء سديده= من سمع شوره اقتنع فيه وارضاه
زلزال فقده شب باالجوف نيران= له فوهه تقذف حمم تقل بركان
شرارها حره غشى كل قحطان=لو ينفدى قلت الفهر من فداياه

الشاعر / سعد محمد الفهري العبيدي (ابوعبيد )
الصقري
10-01-2005, 12:12 AM
بشهر ( 11) من عام خمسه وعشرين=وزود اربع إميه مات شيخ القحاطين
يامن خلقت اغلب هل الأرض من طين=ان تجعل الفردوس يارب ماواه
مترك عسى الفردوس الأعلى مكانه =ماقدمه يلقاه توه حصانه
امانتك يامسترد الأمانه = تجعل بنات الحور تسعد بلقياه
مرحوم ياشيخ ٍ يشرف سجله = دين وكرم واخلاق حسنه جبله
وخطلان الأيدي دايمآ في محله=له مجلس ٍ دفي الكرم في زواياه
كساه خلاق البرايا بميزه= ياقلها بين الشيوخ العزيزه
ياتي قبل ( يذن ) بفتره وجيزه=ويدعي لخلاقه بصدق المناجاه
كم اعتق رقاب ٍ من السيف ابوحد= وكم مبطي في السجن من فعله انهد
من صلب شيخ ينعرف ساعة الجد =لاقال قول ٍ ياصله ويتعداه
رحلت يانهر الوفاء منقع الطيب =اخو مناحي نسل عطب المضاريب
يحسن عزا ذعار و عزا شيخنا ذيب=ويحسن عزا اشبال توارث سجاياه
ويحسن عزا الحكام في طيب الصيت=ويحسن عزا عبايد ٍ والشفاليت
ويحسن عزا من ينتحب داخل البيت= تبكي معزين العزا زفرة ابكاه
رحيل مترك في الجزيره فقيده = ابو الشيوخ وشيخ جملة عبيده

نعم 00 نسأل الله العلي القدير للشيخ مترك/ المغفرة والجنة 00 وجزاك الله خير الجزاء يا أبو عبيد على هذه المرثية المعبرة جداً والتي تفيض بالمشاعر الجياشة الصادقة.

تقبل شكر وتقدير أخوك :
عاشق الوطن
10-01-2005, 12:37 AM
ابو عبيد
السلام عليكم ورحمة الله وبركاته
دائما يابوعبيد تتجاوز حدود الابداع
تنقلنا بكلماتك الرقيقه الى عا لم تطويع القاف
والى كنه مهره فارسها خيال بارع تصوغ المعنى
باسلوب سحري يتعايش القاري مع الكلمات فاذا هو الشاعر
نعم يقول هذه كلماتي التي يتمتم بها لساني ولكني عجزت في
جمع شتاتها000 الله درك يابوعبيد000 دام قلبك ينبض بالحياه
نعم انت معجزة الحياه 00 لازال قلبك ينبض بالحب 00 لازلت تنبض وفاء
قصيده جميله ومعبره في فقيد مصابه جلل نسال له بالمغفره
والسلام
فارس قحطان
10-01-2005, 11:18 AM
صح لسااااااااااااااااانك

يابو عبيد
مرثيه معبره جداً

والله يرحم فقيدنا الشيخ مترك
عبيدي الدمام/ابوزياد
10-01-2005, 11:52 AM
صح لسانك يابوعبيد ..
وعزالله ان وفاة الأمير (( صدمة كبيرة )) ولاكن هذه سنة الحياة وكلنا ماشين عليها ونتمنى له المغفرة والفردوس الاعلى من الجنة ...
قحطان
10-01-2005, 02:25 PM
صح اللسانك يابو عبيد


راائع دائماً


وتراك وااحشني كثير يابو عبيد اخوك ابو ساره
سعد بن شفلوت
11-01-2005, 02:10 AM
عشت يابو ابراهيم


قمت بالواجب

والله يرحم الميّت ويبقي الحيّ


اخوك سعد بن شفلوت
هاوي نجد
11-01-2005, 01:55 PM
بيضا الله وجهك يا ابوعبيد قصيدة جزلة ورائعة

ومهما قيل من القصائد لن توفي بحق شيخنا مترررررك
رجل الوفا والعز والكرم والشجاعة وافعالة مجيدة في تخليص امور المسلمين

الله يرحمة رحمة واسعة ويغمد روحة الجنة
لا هنت يا بو ابراهيم كفيت اوفيت وتسلم يمينك 0

وشكراااااااااا

اخووووووك


هـــاوي نـــجد
مبارك
13-01-2005, 06:41 AM
لاهنت يابو ابراهيم

وصح لسان شاعرنا الكبير ابوعبيد


مرثية جميلة ومؤثرة

والله يرحم الفقيد ويرحمة


اخوك
مبارك
ذيبان الفهري
14-01-2005, 03:44 AM
الله يرحم ابو ذيب وسكنه فسيح جناته
وصح لسانك يا بو عبيد والشكر الجزيل الى ابو ابراهيم العبيدي
اخوك :ذيبان الفهري
حسين آل حمدان الفهري
14-01-2005, 10:11 PM
السلام عليكم

شكراً لابو ابراهيم العبيدي على هذا النقل الرائع
والشكر موصول للشاعر سعد بن عبيد
واحسن الله عزاء الجميع في الشيخ الجليل
خالد آل مطرف العاطفي
17-01-2005, 02:49 AM
صح السان المبدع والرائع
ابوعبيد
ورحم الله الشيخ / مترك رحمة ٍ واسعه واسكنه فسيح جناته
ابوابراهيم العبيدي
يعطيك الف عافيه على نقل قصيدة الرائع ابوعبيد ..هذه المرثيه التي تلامس مشاعر الجميع
وبأسلوب ابوعبيد الذي لايجيده الا هو ..
اخوك
الوكيل الشرعي على قصائد ابوعبيد
خالد
ابوابراهيم العبيدي
22-01-2005, 09:49 PM
اخواني الغالين و الأعزاء
النهاري
عاشق الوطن
فارس قحطان
ابو زياد العبيدي
هاوي نجد
سعد شفلوت
مبارك
قحطان
ذيبان الفهري
حسين بن علي آل حمدان (ابو ياسر)
خــــــالـــــــد
مروركم تاج على راسي والشيخ مترك رحمه الله يستاهل كل قصائد المدح والإطراء
و (ابو عبيد) يستاهل كل هذا المدح و الإعجاب ايضاً
اخوكم
ابو ابراهيم العبيدي
أحمد بن حناش
23-01-2005, 03:18 AM
الله لا يهينك يابو ابراهيم على هذه القصيدة وصح لسان قايلها
ابن قحطان
24-01-2005, 12:18 AM
الله لا يهينك يابو ابراهيم على هذا النقل

وصح لسان الشاعر