@@هذال الشيباني__افيدونا عنه جزاكم الله خير

[فارس نجد]

:confused: ] اخواني الأعزاء
ابغى الله لا يهينكم من اللي عنده معلومات عن قصة هذال الشيباني عن مقتله عن الديره اللي قتل فيها
وشهو مذبوح عنده (سبب المعركة الي ذبح فيها) اي قصائد قيلت عنه او عن قاتله!!!
ومعلومة على معلومة تكمل القصة [/size]


ملحوضة:- هذا اول موضوع لي لا تخلونا:1107953448:

[عاشق الوطن]

فارس نجد

اعتقد انك تلبس قبعة مجالس قحطان

كيف تسأل عن احد فرسان الشيابين

بامكانك توجيه هذا السؤال في منتدى الشيابين

بالاضافه الى ان مواقع القبائل تعتبر وعاء متلقي للمعلومه

اكثر منها مجرد رد على تساؤلات شارده ووارده

[أبا الذموم]

الأخ فارس نجد أرررررررررررررررررررررررررررررررررررررررحب وحيّاك الله

بالنسبة للشيخ الفارس هذال بن فهيد الشيباني فهو شيخ قبيلةالشيابين من عتيبه ويعتبر من أشهر شيوخ قبيلة عتيبة على الاطلاق يعتبر هو و الشيخ الفارس تركي بن حميد والشيخ الفارس محمد بن هندي بن حميد والفارس شليويح العطاوي يعتبرون من أشهر وأشجع فرسلن قبيلة عتيبه على الاطلاق

والشيخ هذال بن فهيد الشيباني [ أخو هملا ] شجاع وكريم وفيه حميا لربعه في زمنه ويحب المغازي والحروب ويعتبر من أكثر الشيوخ اللي غزوا معظم القبايل وهذه حقيقه لا بد أن تقال .

ومن المعروف أن الشيخ هذال بن فهيد الشيباني يكره قبيلة قحطان وخصوصاً قبيلتي آ ل عاطف و الخنافر ففي أغلب المغازي يتهدد عليهم يبيهم وهم دون نفسهم ويحبون الشر أكثر منه ويتمنون الساعة اللي اللي يقابلونه فيها

بالنسبة اللي ذبحه هو الفارس عبدالله بن مفلح آل كليفيخ الخنافر .
ومن قصائد الشيخ هذال الشيباني قصيدته اللي يقول فيها :

نرعى الحمل بمذلّق العيدان ********************* ديرة عشق وهديف ابن عبود

فهو في هذا البيت يهدد أنّه بيارد الماء اللي في ديرة الشيخ عشق بن زيد بن شفلوت والشيخ هديف بن عبود آل مسعود

ومن قصائده وجه قصيده للشيخ مناحي بن جرمان بن سعيدان آل عاطف يقول هذال الشيباني :

ياركب ٍ من عندنا فوق ثنتين ******************** صوب الجنوب مناحي ٍ تنصاه

إن كان تطري التيس والضيرين ****************** يحرم على مثله برايد ماه

[ التيس والضيرين ] جبال حول الحصاه

فرد عليه الشيخ مناحي بن جرمان بن سعيدان :

يا نجد سامحني ثلاث سنين ********************** مادام تثليث زفا مرعاه

يصبر علينا دامنا مسنين ******************** لين الحيا ينقاد من منشاه

كان تطري التيس والضيرين ******************** دار وخام ٍ ولا نبي مرعاه

لابدنا من بعدنا دانين ********************* وكم نادر ٍ بنحورنا ناطاه

ترى الوعد جر الشعيب الزين ******************* ما بين صبحا و الحصاه


يقول الشيخ مناحي بن جرمان بن سعيدان وهو يحدي على ظهر الخيل ويهدد بمقتل الشيخ هذال الشيباني يقول مناحي بن جرمان :


الله عطاني منوتي ***************** غوج ٍ يشعثر بالسبيب

ياكليب وصّل هرجتي *************** لابو جهز يومك ربيب

ورعه قزا من حربتي ************** وأبوه من قبله صويب

الله يقدّي حربتي ************** في أبو جهز وإلاّ شبيب

[ كليب ] من فرسان عتيبه
[ ابو جهز ] الشيخ هذال الشيباني شيخ الشيابين من عتيبه
[ شبيب ] الشيخ شبيب الحجنه شيخ النفعة من عتيبه

الكلام كثير وواجد على ذا الموضوع وحبيت أدلو بدلوي ومشاركتك ولك مني حزيل الشكر

أخوك أبا الذموم

[الزهيري المغترب]

مشكور اخي على الاستفسار وعسى ابا الذموم كمل الواجب ولايقصر وانشاء الله اجاب استفسارك

[محمد العرجي]

الاخ فارس نجد ارحب الشيخ هذال بن فهيد شيخ الشيابين من عتيبه فارس من فرسان عتيبه له عدة غزوات على قبائل قحطان وقتل ابنه قبله عند قحطان وكان على راس الشيابين في مناخ الحرمليه وقد اوصى الامير زيد بن عشق بن شفلوت ربعه قحطان وقالهم اذا بغيتوا عتيبه تنهزم عليكم بقوم بن فهيد وفعلنا انكسر الشيابين تحت وطاءة رماح قحطان حى انا احدى عتيبه يقول في ذكر مناخ الحرمليه انا الشخص لم يلتفت الي صاحبه حتى وصلنا عروى وكان هذا المناخ بحضور محمد بن هندي وقد طرح من فرسه ومنعه الروق من القتل اما مقتل هذال بن فهيد كان على يد ابن كليفيخ الخنافر وكان هذا في صحراء نجد العز وكان ذلك في الايام الا خيره من حروب قحطان وعتيبه واثناء توحيد المؤسس الملك عبدالعزيز ارجاء الوطن ونحمدالله اليوم عتيبه وقحطان جيران في مراعي نجد وبينه نسب وصداقه والحقيقه التي يجب انا تقال انا اطوال حرب بين قبيلتين من قبائل الجزيره حرب عتيبه وقحطان الهم ارحم الاموات من كلا القبيلتين وتسامح عنهم انك ارحم الراحمين

[الواصل]

والله مواضيع يستفيد منها الواحد الف شكر لسائل والمجيب