المساعد الشخصي الرقمي

مشاهدة النسخة كاملة : خمرررررررررررررر حبك........


بليهان
09-01-2005, 06:41 PM
ماكذب من قال الاول مجرب ومعروف = في العلوم وفي المثايل وسلمه نتبعه

مات قيس بن الملوح سبب بنت هنوف = في هو ى ليلى تولع وقلبه ولعه

اشهد ان الحب يذبح وخلق الله تشوف = ماهو بلعبه ولاهو بصكه واربعه

آآه من قلب حدته الليالي والظروف = كلما سجيت ضاق ونبض عقب السعه

والسبب ريم شعفني ويشر بالكفوف = كنه مسافر ومضنون عينه ودعه

ياعسى لي هلت المزن من غيث القنوف= تروي ديار سكنها وتسقي مربعه

ماسكن في نجد وحدود مكه والهفوف = والشمال ولاربى في الحسا والمجمعه

ما اقدر اوصف من كمل بالدلال وبالوصوف= يعجز لساني وتعجز حروف المطبعه

في عيونه جاذبيه ورمشين تحوف = نظره تقتل صويب الهوى في مصرعه

وفي خدوده ورد فل مع النسمه يزوف = ورد بستان زهى بين نبت المزرعه

عود موز راوي لافه النسناس لوف = ايتمايل كلما هب نود و ذعذعه

وان هرج تاتيه كل المعاني والحروف= ايتلذذ من سمعها ويصغي مسمعه

اسقني من خمر حبك ولو رشفه نشوف = كأس حبك لاجل عينك حلفت ان اجرعه

مير ياقلبي تصبر على جور الصدوف =الليالي مقبله و الدروب مشرعه

كل شيء مايجي حسب كيفك والشفوف= والقدر تأتي مناديب حكمه مسرعه
الشاعر بندر الحبابي (بليهاااان)

بليهان
10-01-2005, 12:17 AM
الله يعطيك العافيه ياخالد........ انا ما ادري كيف اشكرك......... مشكور ياغالي وبيض الله وجهك...........

اخوووووووووووووك بليهان

سعد بن شفلوت
11-01-2005, 02:15 AM
احسنت وبارك الله فيك يابليهان


جدا رائعة وننتظر قديمك لانه علينا جديد

اخوك سعد بن شفلوت

فارس قحطان
11-01-2005, 02:41 PM
صح لساااااانك يابليهان


وقصيده رااااااائعه ياذيبان

هاوي نجد
11-01-2005, 10:00 PM
لاهنت وبيض الله وجهك
قصيدة في قمة الابداع

وصححححح لسانك مليـــــون0



اخوووووك

هـــاوي نجد

جبل بن زيد
04-07-2006, 01:36 AM
السلام عليكم ورحمة الله وبركاته





شكراً لك اخي الكريم على هذا المشاركة

أبو صقر
04-07-2006, 09:17 AM
صح لسانك

وقصيده رائعه

الحجاج الثقفي
12-10-2006, 01:52 AM
اخوي بليهان معذره علي تاخر الرد ولكن شهادة حق اباتا رايعةجدااااااااااااااااااااااااااااااااااااااااااا ااااااااااااااااااااا