باعو الكرامه

[ابن خميس]

خلك بدار اهلنا اهل الكرم والجمالات ....... دار حباها الله رفعة وشاني

دار بها ستر البنات العفيفات ......... هذي بلادي ياطويل الاذاني

اشعب ركابك في جميع النحيات ....... امن وامان ويش غير الاماني

اخير من دار تحب الريالات ............باعوا الكرامة ياللة المستعاني

اخير من شوفة وجية الخواجات ........ اللي غضب ربي عليها يباني

لحمة مخمة فالبلا والملذات .............. غرتك صبغة وجهها البهلواني

وجة عليه من التشاكيل صبغات ......... ابيض مع احمر والشعر برتقاني

__________________

[سفير بني بشر]

صح لسسسسسسسسسسسسسسسسسسسسسسانك
على
ابداعك

[عبدالله بن غفره]

شكراً لك يالغالي على المشاركة لكن القصيده لمن ؟؟



تقبل تحياتي يالغالي

[ابن خميس]

السلام عليكم ورحمة الله وبركاته
اولا الله لايهينكم على المرور الطيب
اما بالنسبه للقصيده فهى ليست لى ولا اعرف قائلها
دمتم بخيرولكم جزيل الشكر والامتنان,,,,,,,,,,,,,,,,,,,,

[سعد بن سعيد بن فالح]

السلام عليكم ورحمة الله وبركاته
ابن خميس الله لايهينك على النقل وصح لسان الشاعر
تقبل فائق احترامي

[عبدالله بن غفره]

هذه قصيدة لاضاق صدري رحت أقلّب عربسات
لأحد الشعار ولا أعرف اسمه على وجه التحديد لكني قلت خلني احطها لكم
القصيده والرد عليها :)






لاضاق صدري رحت أقلّب عربسات= قمت أتفكر في عجايب زماني



متنقلٍ مابين ذيك المحطات = بإبهامي ألفّ الأرض في ثواني



وماشدّ ني من بين كل القنوات = اللي بها ناظرت شيٍ دهاني


قم يانديمي فوق زين الموديلات = VXR ت،،وّه صادرٍ بالمواني

النوع TOYOTA من أرقى الموديلا= JAPAN صنع الأ فنس الكيفراني

يصبر على قطع الوعور الصعيبات =يطوي صحاصيح الخلا مايعاني

عليه مطنوخٍ يحفظ الوصيات= عند اللوازم ذيب ماهو هداني

شيك عليه وجهّزه للمهمات= ثم فلله من (شيشة) المسلماني

وخذ النفود قطوع صوب القريات=وعَدْ الحدود لدار صاف الثماني

متنحرٍ دار الطرب والوناسات =عشايرٍ من قوم)طوني) و (هاني)



الديرة اللي سَلم أهلها خذ وهات=ماللحيا بطبوع ربعه معاني


لاجيتهم تلقا الهنا والمسرّات=والضيف له قيمة وقدر ومكاني


يْقلطون (الترته) ومعه (كيكات)=ومشروبهم .. مشروبهم شكل ثاني


حياتهم هزٍ .. ووزٍ .. ود بكات= ويرددون الهابط من الأغاني

دارٍ بها للزين وسمٍ وبصمات = به ناعسات الطرف سيد الغواني

لاشفت أنا هاك الغنج والحركات= مسكت راسي ثم قلت آه يااااااااني

وأخص أنا بالقول باسكال بالذات= هي شيء .. واللي غيرها شيْ ثاني

عليه عيونٍ تقطع القلب بسكات همت = ضعت و(جمدت) بمكاني

تبلغه شوق وسلام وتحيات=وتحب جبهت عودها (مشعلاني)

صحيح قالوا قبل من يختشي مات=والله يستر من توااااااالي زماني


وهذا الردّ على القصيدة السابقة ،،،







لاضاق صدرك ياقليل المروات=صل الصلاة ولا تجي للاغاني



استخدم ابهامك في طي الصفحات= صفحة كتاب الله باب الاماني



اخير من شوفة وجية الخواجات =اللي غضب ربي عليها يباني



لحمة مخمة فالبلا والملذات=غرتك صبغة وجهها البهلواني



ترسل نديبك في ردي المهمات=اهل الردى فالدرب دايم خواني



"والفكس" لاتطرية بالذات بالذات=ماهو بمركوب النذل والهداني



الفكس مركوب الرجال الثقالات=مقنى عربين النسب والمجاني



باسكال يامسكين راحت ولاجات=مالك ومال الساقطة يافلاني



وجة عليه من التشاكيل صبغات=ابيض مع احمر والشعر برتقاني



لاشافت الطرقي تبدية نظرات= وتميل مثل الداب والعقرباني



بنت لها فالليل صولة وجولات=تضحك على مثلك بطرف العياني



تضحك على لحيتك بنت لها اخوات= ياكيف ترضى يافتى للهواني



تحب جبهة مشعلاني ياذا الشاة=اثرك تدور ريحة الزعفراني



لاواللة الا راس مافية نعرات=اتحب راس ابليس يامودماني



ياونتي ونيتها 10 ونات=الادمي ياناس طلع جناني



خلك بدار اهل الكرم والجمالات= دار حباها الله رفعة وشاني



دار بها ستر البنات العفيفات= هذي بلادي ياطويل الاذاني



اشعب ركابك في جميع النحيات=امن وامان ويش غير الاماني



اخير من دار تحب الريالات=باعوا الكرامة ياللة المستعاني


أخوي الغالي / بن خميس

شاكر ومقدر لك مجهودك الواضح والقصيده اللي وضعتها ناقص منها أبيات وفيه قصيده قبلها

وهذا أقتباس من أحد مواضيع فارسنا / فارس قحطان الله يقومه بالسلامه

وموضح فيها الموضوع بالتفصيل لجميع القصائد

آمل أخي العزيز أن تتأكد من عدم تكرار المشاركات بواسطة البحث في أعلى الصفحه عن أي موضوع وأي قصيده

تقبل وافر أحترامي وتقديري لك يالغالي

شكراً للجميع
أخوكم بن غفره