شيروا علينا يالربع

[خالد العاصمي]

السلام عليكم ورحمة الله وبركاته

بادئ ذي بدء .......................... كثر منها :)

الزبدة

بكره نبيع أسهمنا والا نمسكها وننتظر التعديل

[فارس قحطان]

وعليكم السلام ورحمة الله وبركاته



لاتستعجل في البيع

ولاتبيع بخساره

ان شالله بكره تتعدل الأمور



.

[سفير بني بشر]

بع بع بع

[خالد العاصمي]

الله يجزاكم خير

الضاهر بنصبر ولله ما أخذ ولله ماأعطى والشكوى على الله

نشوف تالية ذالسوق جعله الصلاح

[مخاوي سهيل]

خسارتي إلى الساعة السادسة والنصف تتجاوز ***** ولن أبيع بخسارة فهل أنت معي؟ آمل ذلك!

[خالد العاصمي]

مخاوي سهيل

مرحبا بك

معك ... معك ... لاللبيع بخسارة

وننتظر أعلان سابك أرباحها أو يتدخل أحد من هيئة السوق يركدون الرمي

ولاحول ولاقوة الا بالله

ولانكبنا زود الا ذالمنتديات والتطبيل اللي ماله داعي

وبيني وبينك الطمع فرق ما جمع

والا لو الواحد لاربح له كم قرش ظهر من السوق كان أبرك له والدخول يكون مع كل فترة جني أرباح

لأنه مستحيل يستمر الطلوع بشكل طبيعي الا أذا فيه شي غلط زي ماحصل الأسبوع الفائت ماكن فيه جني أرباح واضح

[عز الخيل]

بسم الله الرحمن الرحيم السلام عليكم ورحمة الله وبركاته وبعد الآن ليس وقت الطلوع من السوق وخاصة بخسارة كبيره

فعليك الانتظار مهما كانت الخساره . وانشاء الله سيعود السوق حتى ولو ببط لذا انصح الجميع عدم البيع....

[الزهيري المغترب]

قبل انك تستشير الناس استشر الله سبحانه وتعالى هو العالم بكل شيء

ثانيا انا انصحك بعدم البيع حتى ولو انتظرت طويلا

تحيات اخيك الزهيري المغترب

[خالد العاصمي]

ما شاء الله تبارك الله

السوق فيه خير بأذن الله

خصوصا لمن يجيد المضاربة السريعة

الطلبات قبل الأفتتاح الفترة المسائية ممتازة

وأتوقع يكون فيه تذبذب جيد في الأسعار

أسهمي هي نماء وجيزان

وبالتوفيق للجميع

[عبدالله آل عباد]

يا اخوانا حسبنا الله ونعم الوكيل
حسبناه نعمه فصار نقمه
(بغينا ابلهم فخذوغنمنا)

[خالد العاصمي]

بقر السوق تناطحوا وغدينا بينهم

كل نشيط يصرف على الثاني

أعتقد والله أعلم ان اللي خرج من السوق اليوم كان قراره صايب .... السوق ذا مافيه بركه

نبي راس مالنا

نفس السيناريو ....... بتنكبنا الصناديق الأستثمارية وعمليات الأسترداد الأسبوع الجاي

لأن البنوك بتعطي الناس المنحاشه قروشها وبتبيع الأسهم القيادية بسعر السوق وبتاخذ المؤشر معها

ولايجيه بلاه ذالسوق الا لا جاء طاري أكتتابات ...... وكأن فيه أحد مايبي لذالديره وأهلها خير

يا ساتر أستر على قريشاتنا