يانجد عقب محمدٍ كيف بتقول!!؟؟أبن هادي

[طاحس]

لعلنا سمعنا هاذين البيتين وهما من كلام الفارس شالح بن هدلان
قالها مرثيه في أمير نجد "محمد بن هادي بن قرمله "الذي حما نجد في وقته
فهو القائل:

أن كان رمحك فأول الخيل ملحوم =فانا برمحي حاميٍ نجد كله

لكن راعي نجد توفي ..فرثاه شالح بن هدلان بقوله:

يانجد عقب محمدٍ كيف بتقول= عليت يانور السلف والجهامه
فتال ماينقض ونقاض مفتول= والليا سعى بأمر مشى في تمامه
عساه في الجنات عرض مع طول= في جنة الفردوس تبنا خيامه

[الخزماني]

الله يرحمهما الاثنيين قدما الشجاعة والقصائد واسكنهما فسيح جناته

[طاحس]

آمين يالخزامي

[ذيب محمد عايض ال سعد]

ارحب ثم ارحب ياطاحس ...
مشكور الف شكر على هذه الابيات الجميله والتي تقصد شيخيين من شيوخ قحطان .
وانا معجب بشيوخ قحطان جميعهم الذين رفعوا اسم قحطان الى النجوم

[أبا الذموم]

إلى جميع الاخوان خصوصاً الاخ العتيبي [ الفهاد ] أرحبوا يارجال

تعقيباً على كلام الاخ العتيبي [ الفهاد ] القصيده التي قالها الشيخ شالح بن هدلان في رثاء الشيخ محمد بن هندي بن حميد يوم طاح من قعوده ومن أثر الطيحه توفي يقول الشيخ شالح بن هدلان :

عسى قعود ٍ ودره ما يخرّف ********************** ياليت حوّاف الغداري سرابه

أعوي عوى ذيب ٍ يوم شرّف ******************* في ساقت الحوله تصارخ نيابه

عليك ياحامي الدبش يوم طرّف ****************** اللي على الجيران سهل ٍ جنابه


هذا ولكم مني جزيل الشكر .

أخوكم أبا الذموم

[عبدالله بن غفره]

أبا الذموم

شكراً لك يالغالي وأنت مكسب كبير لشبكة قحطان


طاحس

لاهنت يالغالي

[وحيد الليل]

الله لايهينك ياطاحس على هذي الابيات والله شيوخ قحطان ابن هادي وشالح ونشكر ابا الذموم على رده على الفهاد واثبات القصيده انها مرثيه في ابن هادي

[ال زامل القحطاني]

ما قصرت على هذه الابيات

والله يكثر من امثالك وشرواك

[المنار]

السلام عليكم ورحمة الله وبركاته :
مشكور اخي العزيز طاحس
اخي الكريم الذي نسمع به انها في الشيخ محمد بن هندي . والله اعلم

[حامي الحد]

لاهنت يالذيب

ابا الذوم جاب العلم

[علي الفهد]

الله يرحم الاثنين كانا فارسين ولا كل الفرسان

[شقراان]

لا هنتوا جميعا ولا هان أبا الذموم ذيبان اللي عقب بالقصيدة

[الضويري]

اخوي المنار

هذه المرثيه في ابن قرمله طيب الله ثراه

وهناك ايضا مرثيه في ابن هندي وكلاهما لاتخفى عليك

[سعد القحطاني]

الأخ طاحس لاهنت وجمل الله حالك


والله يرحمهم جميع شيوخ وفرسان مافيهم كلام


وعلومهم تستاهل الحفض والتدوين ونفخربها كلنا


الأخ ابا الذموم بيض الله وجهك على الأيضاح الطيب


لاعدمناكم ،،،،،،


.

[مخاوي الذيب]

مشكور على القصيدة

[المورد العذب]

اشكرك بعنف على النقل الرائع
وتوضيح الموضوع
وقوة المصدر
والاحاطه
التي تبني الثقه يا (( ثـــــــــــــــــــــــــــــــــقـــــــــــــــ ـــــــــــــــــــــــــــــــــــــه ))

[المورد العذب]

اشكرك بعنف على النقل الرائع
وتوضيح الموضوع
وقوة المصدر
والاحاطه
التي تبني الثقه يا (( ثـــــــــــــــــــــــــــــــــقـــــــــــــــ ـــــــــــــــــــــــــــــــــــــه ))