معادن الرجال

[ابن خميس]

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حـزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه
ورجلٍ .. كلام اعداه .. مايستفـزه
ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيه
ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه
ورجلٍ .. بليّا ما توصيـه .. كـزه
من لا فرش .. للمرجله .. ماتغطيه
ومن لايخز .. الناس .. محدٍ يخـزه
ان كنت تعرفني فهي .. عرفة وجيه
مو شرط لك بالقلب قدر .. ومعـزه

[سفير بني بشر]

مشاركه رائعه من شخص اروع الف شكرا لك
دمتم

[فالح المسردي]

صح اللسان الشاعر

ومشكوور والله يعطيك العافيه

[عبدالله بن غفره]

ابن خميس

لاهنت لاهنت مشاركات جميله جداً

ليت تذكر لنا الشاعر يالغالي :)


يعطيك العافيه على الموضوع

[دحماني]

كفو والله ذي القصيده وجعلك تسلم على النقل

[عاشق المرجلة]

مشكور على هذه القصيدة وبيض الله وجهك