المساعد الشخصي الرقمي

مشاهدة النسخة كاملة : قصيدة الشاعر سعود الهامل القحطاني في خويه الحربي


سعد بن سعيد بن فالح
08-07-2006, 07:24 PM
السلام عليكم ورحمة الله وبركاته؟هذه قصه من قصص الوفاء والمعروف بين الاصدقاء وذالك انه في احد السنوات كان الشاعر سعود الهامل القحطاني بينه وبين الشاعر مرزوق بن مبشر المزيني الحربي صداقة تقوم على الوفاء والمروءه والمحبه الصادقه.كان سعود الهامل يبني له بيتا في مدينة الخرج واتفق مع احد المقاولين على بناء بيت وبدا المقاول في عمله واحظر معداته وصار يعمل حسب الاتفاق ويستلم مستحقاته على دفعات حسب العقد لاكن سعود تعرض لبعض الظروف الماليه الصعبه في اخر المشروع وحصل بينه وبين المقاول خلاف ادى الى ان المقاول توقف عن العمل في الموقع قبل ان ينتهي البيت وفي تلك الاثناء مر مرزوق على البيت صدفه فوجد ان العمل متوقف فذهب الى صديقه سعود وساله عن سبب التوقف فاخبره بالقصه وبدون ان يطلب سعوداي مساعده ذهب مرزوق الى بيته واحضر المبلغ المستحق للمقاول بكامله وان يستمر المقاول في بنا البيت ولم يستغرب سعود منه ذالك لان الاثنين قد تعودا من بعضهما تبادل الافعال الطيبه ؟وعندها قال الشاعر سعود هذه القصيده




مرزوق وش قومه علينا يعيلــي *********************** متعرض ماله مع السوق ماسوق
يااهل المعرفه والوفاء والدليلي *********************** ياليت كل عيلتــــــه مثل مرزوق
اللي يبادر بالعطا والجميلي *********************** لو مالنا عنده مشاريه وحقوق
دروب المراجل حطها له عميلي ************************ متسيطر حول على الطيب من فوق
لعل يفداه الردي والبخيلي ************************ واللي على الربع الموالين خازوق
ابو مبشر شوق ضاف الجديلي ************************ راعي اشقر عن باهي الوجه مفهوق
اختارته بين الجماعه حليلي ************************ حب الوفاء ماهوب حب على البوق
دمه خفيف وروز عقله ثقيلي ************************ والي هرج ماهوب فالهرج مطفوق
تبنى له البيضاءبراس الطويلي ************************* واعلامها تركز على كل شاهوق
من لابة بالهوش تبري الغليلي ************************** ياما رعن اذوادهم كل زملوق
ون جات سوقات الدهر والهزيلي *************************عااداتهم ذبح الخرافين والنوق
والى ظهر جيل نشا عقب جيلي *************************** طيبة معه ماهي وصايا بصندوق

وسلامتكم

(منقول)

ملاحضه..........ارجو ممن يعرف عن الشاعر من اي القحاطين ان يفيدنا

سنحان بن عامر
08-07-2006, 09:41 PM
حيه وحي ما جاب لا هنت يا بن فالح
وقفات الرجال تبان لما جا لها مجال

سفير بني بشر
09-07-2006, 03:35 AM
صح لسسسسسان الشاعر ولا هنت على المشاركه وبيض الله وجه الحربي


ودمتم

سعد بن سعيد بن فالح
09-07-2006, 02:22 PM
السلام عليكم ورحمة الله وبركاته ؟
الله يحييك ياسنحان والشر مايحيا
ومن قال مايهون وشاكر لك على المرور




اخي السفير ومن قال مايهون
وشاكر لك على التصفح والمرور

الذيب الاشيب
09-07-2006, 02:28 PM
بيض الله وجهك ولا للخوي الا خويه وهذا الخوي اللي ونعم اذا جاء حزة الضيق يبان

أبو شاهر
29-07-2006, 01:01 PM
الشاعر هو سعود بن محمد الهامل من ال قير الخنافر قحطان وهو من سكان الهياثم بلاد ال عاصم قحطان في الخرج توفي عام1425ه الله يرحمه وله اخو موجود اسمه شاهر محفافض السليل السابق

سعد بن سعيد بن فالح
29-07-2006, 02:00 PM
السلام عليكم ورحمة الله وبركاته
الله لايهينك يابو شاهر الاطلاع والمرور
رحمة الله عليه وعلى اموات المسلمين
وجعلك تسلم على نقل المعلومه
واتمنى لك دوام التوفيق

ابن بطي السحمه
29-07-2006, 07:01 PM
شكراً لك اخي الكريم على هذا المشاركة

سعد بن سعيد بن فالح
29-07-2006, 08:23 PM
بن بطي شاكر لك على المرور

ظافر القحطاني
29-07-2006, 10:47 PM
شكراً لك اخي الكريم على هذا المشاركة

سعد بن سعيد بن فالح
01-08-2006, 02:50 PM
ارحب يــــــــــــــــــــــا



السم القاتل شرفني والله مرورك