المساعد الشخصي الرقمي

مشاهدة النسخة كاملة : محاورة العمالقه,,,,,,,خولان ابن عامر,,,,,,وراية الشعر


سعيد ابو ديه
06-07-2006, 05:33 PM
=خولان ابن عامر

ياراية الشعر رفرف ياعلـم فـوق المراقيـب=ون دلهم الليل ماغيرك يابـن حمـري طرالـي

عوص القوافي على الطاري تهيم وعييت تشيب=وان على شوفة الغالين شفـقٍ وانـت غالـي


=علي ابن حمـري

ياراية الشعر رفـرف ياعلـم لاهبّـك الطيـب=في ليل ولا ضحى نحمـى الاوايـل والتوالـي


والشعر له حبكتن ما تنحبك مـع كـل لعّيـب=وانا اتشفّق علـى لعبـن معـك يامـر حالـي


=خولان ابن عامر

كذا كذا وانت مثل اسهيل طـل ايـام ويغيـب=اتعبت رجلك على الطرقه وترقـا كـل عالـي

بين الرجا والأمـل مافيـه لا شـك ولا ريـب=مير المصيبـه جـوابٍ مالقينـا لـه سؤالـي


=عــلـــي ابـــــن حـــمـــري
نفنى وتفنى ولا تفنى المشاغـل والمواجيـب=والعاقـل اللـي يحسّـب للشهـور ولليـالـي

بين الردا والقدا بحـر تمـوج بـه المراكيـب=وانا من اهل البحر واهل الجبل عمـي وخالـي


=خـــــولان ابـــــن عـــامـــر
زرقة سهم مرةٍ تخطي ومـره يمكـن تصيـب=واثر القمر يكبر ويرجـع بعـد كبـره هلالـي

بين الردا والقدا طال المـدا ياهـل التحاسيـب=مير البحر يصطفق موجه ويصفق كـل جالـي


=عــلـــي ابـــــن حـــمـــري
إن كان منتب مصدقني فشف راس الدحابيـب=علامة الجوده آضعها على الرووس الجزالـي

ان مات خولان فرقنا على الربـع المشاريـب=وان عاش خولان تهنيـك السلامـه ياريالـي


=خـــــولان ابـــــن عـــامـــر

الظيف ماله مشاريـهٍ علـى غيـر المعازيـب=لي قالو اقلط وفاح الهيل فـي صفـر الدلالـي

خولان يصهل صهيل حصان ياهل الفطر الشيب=وان كان تبغا الحقيقه ياعلـي ماضـاق بالـي


=علي ابن حمري
تراني الضيف ياخولان ياراعي المعاصيب=والحكم لسعيد ابوديه ولسعيد الحمالي

ذبحك جوعك يابن عامر وكبّرت الكواعيب=وان ما تضايقت جر الصوت يالالي يالالي


=خولان ابن عامر
اتعبت نفسك يابن حمري وكثرت التراحيب=وانشد سعيد وسميه لا تطول في الجدالـي

كلٍ يغني على ليـلاه لعيـون الرعابيـب=على عماها كـذ كـذا كـذا ياهمـلا لـي


=علي ابن حمري
شيّبت بدري وضيّعت اللباقه والاساليب=راحت مثاليتك يا ايها الرجل المثالي

انا تملكتها من عام يومن الخطاطيب=امثال عنتر وابن غانم وابو زيد الهلالي

عبدالله بن غفره
06-07-2006, 11:17 PM
راية الشعر و خولان بن عامر

صحت ألسنتكم وبيض الله وجيهكم على المحاورة الأكثر من روعه


سعيد أبو ديه

يعطيك ألف ألف عافيه على نقل المحاورة المميزه وعوايدك ما تجيب إلا السمان


تحياتي للجميع

فارس قحطان
07-07-2006, 04:24 AM
السلام عليكم ورحمة الله وبركاته


الشاعر سعيد ابو ديه


لاهنت وبيض الله وجهك


نقل رائع لعملاقين من عمالقة الشعر


لاهنت ياشوق البنت

وصح السنة الشعار




.

حجاب المشرق
07-07-2006, 05:04 AM
عيني فلا هلت يابو عبد الهادي
اشهد والله الجزاله والشعر والمعنى
خولان بن عامر اشهد انك كفووووو وكل من يعرفك يذكر طيبك واخلاقك العاليه وراية الشعر كفوا ومميز ابوفواز
لاهنتوا لاهنتو ياوجيه سنحــــــــــــــــــــــــــــــان

الذيب الاشيب
11-07-2006, 04:55 PM
لاهنت وبيض الله وجهك ياسعيد




تقبل وافرالاحترام