رسالة الى طلال القحطاني

[محمد المسفر]

طلال في قحطان بسمك ملايين.....................وشرواك مايحتاج اسم استعاره


انته من الاقصين والا الموالين.......................لول يقول الاستعاره عيــــــاره


في الحقيقه انا من المعجبين جدا بإسلوبك في المحاوره فابياتك جزله وتدل على ان هناك شاعر كبير لايشق له غبار

فمن الظلم لنفسك ولمتابعينك ان تكون خلف هذا الستار ......


وهذا ليس بتقليل في حق الاخوة الشعار الموجودين ففيهم الخير والبركه ولكن احببت ان تكون اقرب الينا فااتوقع ان لديك الكثير.....


تقبل اعتذاري لك سلفا ....

[طلال القحطاني]

شفت اقتراح لك على الراس والعين=ياشاعر يرمي ويحكم عياره

لاقلت من قحطان قلت المصالين=للنار يابن الناس عرفك تجاره


محمد المسفر

ارحب الله يحييك وشكرا على المقدمه الجزله تقبل شكري وبتعرفني انشاء الله

[عبدالله بن غفره]

محمد المسفر

صح لساااااااانك ملالالالالالالاين ولاهنت يايالغالي
والرساله وصلت وأخذ العلم من راسه

والله يحييك ونتشرف جميع بوجودك

وطلال يستاهل العلم الطيب وأنت راعيه

وشاعر من الوزن الثقيل ويعطي الكلمه حقها
والشهاده فيه مجروحه


طلال القحطاني

صح لسااانك ملالالالالاين وبيض الله وجهك على الرد يا الوافي

وعلومك كلها ذربه من أول وتالي

[محمد المسفر]

في الناس صاحين وفيهم مجانين
وفيهم كما البارود يقدح شراره
نفخر بعرفك بين جمع القحاطين
واللي عليه اخلاف يخفي دياره

الاخ الشاعر طلال القحطاني .
انا لست بشاعر محاوره ولكن كان هدفي ان يتعرف عليك متابعيك عن قرب وهم كثر.وانت شاعر لك وزنك في المنتدى
ومن يتكلم في شاعريتك كمن يتكلم في ضوء الشمس فنحن في هذا المنتدى تحت شعار واحد واسم واحد وكل واحد منا يفتخر ان يكون هناك مميز في اى مجلس من مجالسنا فلماذا نحرم انفسنا منا ..!!!!!!

الاخ طلال اسمح لي ان اقول لك انه ينطبق عليك قول الشاعر

تسترت من دهري بظل جناحه فعيني ترى دهري وليس يراني
فلو تسأل الايام عني مادرت وأين مكـاني ماعـرفت مكاني


تقبل تقديري واحترامي....


كما اتقدم بالشكر والتقدير للاخ المشرف بن غفره على مروره واطراءه.........


دمتم جميعا بخير ..........


اخوكم ومحبكم المسفر


من عاصمة الخير الرياض.