المساعد الشخصي الرقمي

مشاهدة النسخة كاملة : ياسعيد كان تسال جد وتحفيد (بن عفيشه)


فهد بن دلباح
07-01-2005, 05:58 AM
السلام عليكم

قصيده رائعه لشاعر بني هاجر/ عمير بن راشد ال عفيشه
رداً على رجل من عمان يسأله عن بني هاجر.:...

وقد طلبها الاخ خليل بن هدلان وهاهيه تلبيه لطلبه




صلو على النبي

ياسعيد كان تسال جدٍ وتحفيد=لك معنويٍ باصلنا تستفيده
يمكن عليك نزل بالعلم ونزيد=الا انشد التاريخ تلقا وكيده
حنا الذي يضرب بنا الوصف ياسعيد=ضياغمٍ من روس جنب وعبيده
وهواجرٍ يوثق بنا في المعاهيد=وقحطان ابونا حافظينٍ رصيده
والسمت والشيمه وقسمٍ من الجيد=سلم لنا كل القبايل تريده
نزهين من قرب الدنس والمناقيد=وعروضنا مثل الثياب الصفيده
وقصيرنا ماحن لبيته رواويد=لا غاب منه لين حتى يعيده
ولا نختبي دونه بالاشيا المزاهيد=وايدينا في غالي الزاد بيده
ونتبع مراضي جاهله لو على الديد=ولكرام جار البيت نفرح وليده
وان مر كلبه ماحذفناه بالحيد=لو كان مانرجي ورا الكلب صيده
ونطنف مراحيله ولو هي مغاميد=وعلى كرامه ضيفنا هو قعيده
وخوينا نكمد مشاكيه تكميد=لو مايهوجس يمنا بتعويده
وان زارما العاني لبعض المقاصيد=متعلث ماننشده عن سديده
نذبح سمان الضان له والمفاريد=ومن جاد للعاني فرحنا بجيده
وان جاو اهل جيش ونايا مضاديد=ماذاقوا امس الا شلاوي قديده
نقحص لهم بالهيل ترس المباريد=والبن يحمس جمر الارطا وقيده
ونقحص لشتويا دفوفه ملاهيد=ويفهق لهم عقب العشا به بريده
وان زارنا المجرم يقزي لذاويد=ينزل ويرحل ماجعل له نضيده
فوق العلا نرفع مبانيه ونشيد=الين يبعد من وطنا شديده
وان رامنا ضدا عمدنا بتكويد=عود بغبنه عبرته في وريده
نجعل على زوره رسوم مجاديد=ويبطي وكبده من سنعنا غديده
وايلا انتزح منا ورا واسع البيد=فالجيش يقطع مستواه وقويده
ماهو علينا لو بغيناه بعيد=نصبر على حر الزمان وجليده
ناتيه في الكنه حلول المواريد=معطان والا نرضمه بتهجيده
يصبح قطيعه بين الايدي تباديد=ويفرح ايلا ردوا عليه الشريده
واقفوا على ابله شايلين التغاريد= ومن الحسايف يصفق ايده على ايده
ومن زان حنا له خيارا اجاويد=ومرجام للشيطان لفتل قيده
لحركوا الاسباب بعض المقاريد=نوطي على الزرب الصريع وهميده
وان صار من بعد التساهل تلاديد=فالرابح اللي مقبلاته سعيده
سلم النضا والخيل مافيه تبنيد=في كل وقت لابسين عديده
وان ثار عكنان كشف غره الغيد=ندعي النفوس الغاليه به زهيده
نلقط على الهيجا وحس البواريد=لو كان ماينفع عضيدا عضيده
لاوصلت الذله معلق لواريد=واللي معه جريا تقاصر فديده
ونفرج ايلا من صار صكا وتسنيد=الى استغرب الطارد بقيضه طريده
صار اجتوال الخيل تن وتفاريد=وكلا يخايل غره في نديده
هذا عليه معودين تراديد=ونحيي الامور الماضيه بالجديده
وعشنا على صايب ومصيوب وشهيد=وهذاك ممنوع تعزف ذويده
وهذاك معتدي وذا كاسب فيد=واصبح يوزع بين الادنين فيده
تمت وصلى الله وسلم بتجويد=على نبي مخلص بالعقيده

وسلامتكم
واسمحولي على القصور

فارس قحطان
07-01-2005, 03:14 PM
لاهنت يافهد لاهنت

وبيض الله وجهك

وصح لسان الشاعر الكبير عمير ابن راشد

وهذي القصيده وسبق وان قريتها في احد الكتب
بأسم وقحطان ابونـا حافظيـنٍ رصيـده

بحاول اجيب اسم الكتب

على العموم بيض الله وووووووجهك

خليل بن هدلان
08-01-2005, 01:53 AM
ياسعيد كان تسال جدٍ وتحفيد=لك معنويٍ باصلنا تستفيده
يمكن عليك نزل بالعلم ونزيد=الا انشد التاريخ تلقا وكيده
حنا الذي يضرب بنا الوصف ياسعيد=ضياغمٍ من روس جنب وعبيده
وهواجرٍ يوثق بنا في المعاهيد=وقحطان ابونا حافظينٍ رصيده
والسمت والشيمه وقسمٍ من الجيد=سلم لنا كل القبايل تريده
نزهين من قرب الدنس والمناقيد=وعروضنا مثل الثياب الصفيده
وقصيرنا ماحن لبيته رواويد=لا غاب منه لين حتى يعيده
ولا نختبي دونه بالاشيا المزاهيد=وايدينا في غالي الزاد بيده
ونتبع مراضي جاهله لو على الديد=ولكرام جار البيت نفرح وليده
وان مر كلبه ماحذفناه بالحيد=لو كان مانرجي ورا الكلب صيده
ونطنف مراحيله ولو هي مغاميد=وعلى كرامه ضيفنا هو قعيده
وخوينا نكمد مشاكيه تكميد=لو مايهوجس يمنا بتعويده
وان زارما العاني لبعض المقاصيد=متعلث ماننشده عن سديده
نذبح سمان الضان له والمفاريد=ومن جاد للعاني فرحنا بجيده
وان جاو اهل جيش ونايا مضاديد=ماذاقوا امس الا شلاوي قديده
نقحص لهم بالهيل ترس المباريد=والبن يحمس جمر الارطا وقيده
ونقحص لشتويا دفوفه ملاهيد=ويفهق لهم عقب العشا به بريده
وان زارنا المجرم يقزي لذاويد=ينزل ويرحل ماجعل له نضيده
فوق العلا نرفع مبانيه ونشيد=الين يبعد من وطنا شديده
وان رامنا ضدا عمدنا بتكويد=عود بغبنه عبرته في وريده
نجعل على زوره رسوم مجاديد=ويبطي وكبده من سنعنا غديده
وايلا انتزح منا ورا واسع البيد=فالجيش يقطع مستواه وقويده
ماهو علينا لو بغيناه بعيد=نصبر على حر الزمان وجليده
ناتيه في الكنه حلول المواريد=معطان والا نرضمه بتهجيده
يصبح قطيعه بين الايدي تباديد=ويفرح ايلا ردوا عليه الشريده
واقفوا على ابله شايلين التغاريد= ومن الحسايف يصفق ايده على ايده
ومن زان حنا له خيارا اجاويد=ومرجام للشيطان لفتل قيده
لحركوا الاسباب بعض المقاريد=نوطي على الزرب الصريع وهميده
وان صار من بعد التساهل تلاديد=فالرابح اللي مقبلاته سعيده
سلم النضا والخيل مافيه تبنيد=في كل وقت لابسين عديده
وان ثار عكنان كشف غره الغيد=ندعي النفوس الغاليه به زهيده
نلقط على الهيجا وحس البواريد=لو كان ماينفع عضيدا عضيده
لاوصلت الذله معلق لواريد=واللي معه جريا تقاصر فديده
ونفرج ايلا من صار صكا وتسنيد=الى استغرب الطارد بقيضه طريده
صار اجتوال الخيل تن وتفاريد=وكلا يخايل غره في نديده
هذا عليه معودين تراديد=ونحيي الامور الماضيه بالجديده
وعشنا على صايب ومصيوب وشهيد=وهذاك ممنوع تعزف ذويده
وهذاك معتدي وذا كاسب فيد=واصبح يوزع بين الادنين فيده
تمت وصلى الله وسلم بتجويد=على نبي مخلص بالعقيده


والله كفو كفو كفو قصيده من اروع القصائد ومما يميزها هو انها ( قول على فعل)

اخوي // فهد بن دلباح لاهنت لاهنت لاهنت وبيض الله وجهك على ايراد هذه القصيده

للشاعر عمير بن راشد بن عفيشه . اكرر لك الشكر ولاقصرت وتقبل تحياتي

ابن عاصم
08-01-2005, 12:56 PM
لا هنت اخووووووووووي فهد وصح لسااااااان ابن عفيشه

والله والنعم مليااااااااااااااااارات بني هااااااااااجر

اخووووووووووووووك

ابن عااااااااااااااااااااااصم

فلاح آل راكان
30-09-2007, 11:22 AM
لاهنت يابن دلباح

والله يرحم الشاعر بن عفيشه

ابن عياف
30-09-2007, 12:55 PM
ارحب يا بن دلباح

ارحب يا فهد

ملايييييييييين

مرحبا والله ومسهلا

قصيدة جميلة ولا اروع

فيها ابداع من الشاعر وتمكن عجيب

والله انهم كفو

ننتظر الجديد من قصائدك يالذيب

وتقبل تحيات اخوك

ناصر بن منيف العيافي

أبــومبارك الـعـابسي
30-09-2007, 01:35 PM
لاهنت على القصيدة الأكثر من رائعة

وتقبل مروري

الضويري
30-09-2007, 02:02 PM
الله يرحم بن عفيشه

ولاهنت يابن دلباح

متعب الهاجري
30-09-2007, 10:32 PM
الله يرحم عمير بن راشد ال عفيشه شاعر من ظهر شاعر جعلهم في الجنة

ابيض وجه يابن دلباح وماقصرت

عبدالعزيز بن طالع الرفيدي
08-10-2007, 01:02 PM
بسم الله الرحمن الرحيم



تسلم يمناك


الله يعطيك العافيه ياذيبان..


وتقبل مروري..


اخوك/ ابوحـــــــــــــاتم..