المساعد الشخصي الرقمي

مشاهدة النسخة كاملة : من قصايد الشاعر/غنام بن فالح المسردي


فالح المسردي
05-07-2006, 12:37 AM
جريدة الرياض/خزامى الصحراء /الخميس 8 ربيع الأول 1427هـ



إعداد - بكر هذال:
الشاعر غنام بن فالح بن جالس المسردي.. من الشعراء القلائل الذين قدموا عطاءات جميلة في ساحات شعر النظم والمحاورة، فهو شاعر جزل الكلمة، ويجيد الوصف، وتميز بالأسلوب الرائع، وفي أشعاره نجد رهفة الاحساس، وصدق العاطفة خاصة قطائده الغزلية.




يا عنيق اللي تهايق مـع راس الطنـف =لا فحه مع طلعت الشمس ريـحٍ ذيّـره
أرحم اللي يوم شافـك تغيـر واختلـف =ما اختلف قدام عرفك ولا احدن غيـره
عقب عرفك صار فيه اختلاف وانشغف =صار مثل اللي لمن شاف حالته اعـذره
انصفق عن يمة الناس ودوى وانحـرف =كن في قلبه مـن الـود نـار تسعـره
أرحم اللي واقع في الشبك وقعه شـرف =لشريف أهل الشرف ترحمه ما تقهـره
اعترف لك بالحقيقة وهو مـا يعتـرف =يرتجيك العطف.. واللطف.. عند المقدره



وله هذه القصيدة التي يتحدث فيها عن الوقت، وفوائد مرافقة الأخيار:




الوقت هـو لا تغيـر ولا صـار =الوقت يا شتامـة الوقـت عيبـي
والعيب من لصاحب والوقت منشار =يظهر يدين السالمـة.. والعطيبـي
حصلت بالطيب مدخل ومضهـار =وخليـت مرتهـا تجيلـي حليبـي
شبري طويل مع طويلين الأشبـار =ذيبٍ وأحب مرافقـة كـل ذيبـي



وللشاعر هذه الأبيات مخاطباً الرجم المكان الذي كان يحلو له الجلوس فيه، وذلك عندما شاهده بعد أن غاب عنه فترة طويلة من الزمن فقال:




يا رجم يا ما على راسك تعلينـا =لا مدنفت للمغيب ولا سرح سارح
ذكرتني يا رجـم ليلـة تلاقينـا =قدام عشر سنوات كنـه البـارح
واليوم ما كن لا رحنا ولا جينـا =والله حياة الزرا وأنا ولـد فالـح



ومن أشعاره في الوجد نقتطف لكم هذه الأبيات:




زوع قلبي زوعة اللي على الجوال أطلقوه =نادر العش مغذيـن علـى لحـم القطـا
في يد صقارن يحبه سوات أمـه وأبـوه =مـا يبيعـه بالدراهـم ولا جـا بالعطـا
اقنصوبـه عقـب مـا دربـوه ودهلـوه =صح ولا ياهـل المعرفـة قولـو خطـا
مـن وليـف ناقليـن النقيلـي طيـروه =واحرموني شوفتـه فالبيـان.. وفالخفـا
صاحب تل الضمايـر يحبـه وابعـدوه =سعد أبو من واجهه يا بكر بعـد البطـا



ومما قاله الشاعر غنام المسردي من قصائد الغزل:




قفا الزمان إبهم وحنـا مقيميـن =وهالحين لو يمرنا مـا عرفنـاه
من كثر ما غابت به أيام.. وسنين =هذيك تنحاني.. وهذايـك تنحـاه
قمت اتذكر ما مضـا للمحبيـن =حبٍ على وضح النقا قد مشينـاه
اسبر بدربيلي من يسار.. ويمين =والقلب يرجف لين تقفى مطايـاه
كني فقيرن زارقينه هـل الديـن =وعيونهم بجيوب ثوبه.. ومخبـاه
يبغا الوفا.. لكن دينـه ملاييـن =ولا له صديق حزّة الضيق ينصاه


تقبلوا تحياتي
أخــــــوكــــم
فالح المسردي

ملاحضه/الموضوع منقول من منتديات أخرى

عبدالله بن غفره
05-07-2006, 08:43 PM
فالح المسردي

أشكرك جزيل الشكر على النقل الرائع والموفق


وبكر هذال دائما ً موفق في المواضيع المميزه

تقبل تحياتي وأحترامي يالغالي

فالح المسردي
05-07-2006, 11:31 PM
بن غفره

لا شكر على واجب

والله لا يهينك على الرد

تقبل تحياتي

علي بن مسفرالحبابي
06-07-2006, 01:55 AM
فالـــــــــــــــــــــــــــــــــــــــــــح المســــــــــــــــــــــــــــــــردي

ارررررحب والله يحييك الحقيقه نقلت لنا درر شاعر مميز ومبدع

ونعم بك وبه وبالمسارده كلهم يرفعون الراس بحمياهم

وليت تزودنا بقصايد له اخري هذا شاعر يستاهل المتابعه


لاهنت يافالح

فالح المسردي
06-07-2006, 11:53 PM
علي بن مسفر الحبابي

البقأأأأأأأأأأأأأأأ

وما عليكم زود

وبيض الله وجهك على الرد

وابشروا باللي أقدر عليه

ولا هنت على المرور