ناصر بن سعد
04-07-2006, 09:21 PM
السلام عليكم ورحمة الله وبركاته
واسعد الله اوقاتكم بكل خير
احب اشارك معكم بالقصيدة القديمة لي وعسى ان تنال رضاكم
يقول الظهيري في جدايد مثايله= بعد ما نقاها من نقاوي مخايله
يعيش الذي يبني من المجد متكى= حياته فخر ..وان مات تذكر فعايله
ليا حل ذكره قالت الناس والنعم= تشبه به العربان.. واطيب خصايله
على الفطرة المولود يولد وينفطر= اذا طاب ابوه يطيب وان مال مايله
ولا يرفع الرجال ماضي جماعته= اذا ما رفع نفسه فلا أحدٍ بشايله
دروب المعالي كايده ما يطولها = فتى وسط حضن امّه تكدكد جدايله
يطول المعالي والمكارم ترى فتى= عرق جبهته يبرد لهايب قوايله
ذراه الضلوع الناحله كلّ ما سرى= بليلٍ شتاوي عقّر الابل شمايله
صبورٍ جسورٍ ما تزعزع عزايمه= بعيد المغازي رفقته من مثايله
يحفظ الامانه والعهد يوم يؤتمن= على السرّ صندوقه مكينٍ قفايله
وكم من فتى صندوقه الناس تفتحه= ولا أحدٍ مع الايام يأمن غوايله
((ويأتيك بالاخبار من لم تزودي))= بسرٍ ومنته جعل تعدم سلايله
وكم من فتى هرجه مع الناس فاضحه= دوادي روادي ما يهجن هزايله
ليا جاك في وجهك لك المدح والثنا = ولامن قفاك الغدر والذم كايله
وكم من فتى جوخه يجرّه ليا مشى= يغشّ اكثر اللي قام يشبح سبايله
فتى من لسانه يعطى الجود والظفر= وكفّه على مخباه تمنع نوايله
واذا العود ناش العود يا ما فتى برز= يشيل المجوّخ عن من الجوخ شايله
ترى المرجله بالفعل ما هيب بالحكي= واقول اسمعوا ياللي بالامثال قايله
فتى جنبه اضعيّف تدربى على النشب= ولا حامين نفسه ولا المجد طايله
عسى الجوخ يستر عورته مثْل ما ستر= على الضان طول اذنابها مع ثلايله
وسلامتكم
الشاعر : ناصر بن سعد بن دغيم الظهيري السهلي
واسعد الله اوقاتكم بكل خير
احب اشارك معكم بالقصيدة القديمة لي وعسى ان تنال رضاكم
يقول الظهيري في جدايد مثايله= بعد ما نقاها من نقاوي مخايله
يعيش الذي يبني من المجد متكى= حياته فخر ..وان مات تذكر فعايله
ليا حل ذكره قالت الناس والنعم= تشبه به العربان.. واطيب خصايله
على الفطرة المولود يولد وينفطر= اذا طاب ابوه يطيب وان مال مايله
ولا يرفع الرجال ماضي جماعته= اذا ما رفع نفسه فلا أحدٍ بشايله
دروب المعالي كايده ما يطولها = فتى وسط حضن امّه تكدكد جدايله
يطول المعالي والمكارم ترى فتى= عرق جبهته يبرد لهايب قوايله
ذراه الضلوع الناحله كلّ ما سرى= بليلٍ شتاوي عقّر الابل شمايله
صبورٍ جسورٍ ما تزعزع عزايمه= بعيد المغازي رفقته من مثايله
يحفظ الامانه والعهد يوم يؤتمن= على السرّ صندوقه مكينٍ قفايله
وكم من فتى صندوقه الناس تفتحه= ولا أحدٍ مع الايام يأمن غوايله
((ويأتيك بالاخبار من لم تزودي))= بسرٍ ومنته جعل تعدم سلايله
وكم من فتى هرجه مع الناس فاضحه= دوادي روادي ما يهجن هزايله
ليا جاك في وجهك لك المدح والثنا = ولامن قفاك الغدر والذم كايله
وكم من فتى جوخه يجرّه ليا مشى= يغشّ اكثر اللي قام يشبح سبايله
فتى من لسانه يعطى الجود والظفر= وكفّه على مخباه تمنع نوايله
واذا العود ناش العود يا ما فتى برز= يشيل المجوّخ عن من الجوخ شايله
ترى المرجله بالفعل ما هيب بالحكي= واقول اسمعوا ياللي بالامثال قايله
فتى جنبه اضعيّف تدربى على النشب= ولا حامين نفسه ولا المجد طايله
عسى الجوخ يستر عورته مثْل ما ستر= على الضان طول اذنابها مع ثلايله
وسلامتكم
الشاعر : ناصر بن سعد بن دغيم الظهيري السهلي