المساعد الشخصي الرقمي

مشاهدة النسخة كاملة : محاورة خولان وأبو ديه ( بإختصار )


عبدالله بن غفره
29-06-2006, 04:32 AM
سعيد بو ديه


سلام رديـه لهـا معنـا مـن الـوزن الثقيـل=فيها الوفا والطيـب والمعنـا بـراح جرهـدي
يسري بي الهاجوس ياشعار في الليـل الطويـل=ون غاب نجم سهيل ياخولان ما غاب الجدي

خولان بن عامر


يامرحبا ترحيبة ما مرة هجوس البخيل=ترحيبة ماكل شاعر جابها يامسندي
اليا سرى الهاجوس بك لليل سرى بي كل لليل=لكن يابو ديه سرينا جعل يفداك الردي

سعيد أبو ديه


بالصبر والحكمه يابن عامر قهرنا المستحيل=بين الرجا والياس والدنيا تقوم وتقعدي
المشكله لاصار فيها مثل طعم الزنجبيل= ولا الزمن لا شح ماشحت يمين الاجودي

خولان بن عامر


الصبر مفتاح الفرج ماله شبيه ولا مثيل=حنا تعلمنا من الايام والوقت المدي
المشكله لصرت بين القوم بليّا دليل=ماغير اطالع في العرب واقول ياقل اجهدي

سعيد أبو ديه


ودي نوردها على عد(ن)قراح سلسبيل=تروا الظوامي من شناشينه وليلك سرمدي
اما هنا ولا هنا مابين حط وبين شيل=والي عقد روس الحبال ايحلها ياسيدي

خولان بن عامر


اللي ورد عالعد يروي الذود ثم يملى الصميل = وليا لقى له في الطريق ذياب يضرس ويعّدي
يالشاعر اللي شهد لك شعار من حرب و هذيل = واخر شهادة ياسعيـد الحازبـي مالمسـردي

سعيد أبو ديه


نمشي على كف القدر ولا لنا قـوه وحيـل = مثل العمى اللي في الهبيله يابن عامر يقتدي
انا اتذرا في طرف ظلك عسى عمرك طويـل = حتى لونها طوحت والله مارحت مـن يـدي

خولان بن عامر


العام يـوم ان البنـادق بالمقّمـع والفتيـل = يظهر لنا عشرين يوم ابيض ويومٍ اسـودي
واليوم كلن قال انا الفارس وانا الحر الاصيل = السيف في يدي وابو مشعاب مالي مجنـدي

سعيد أبو ديه


كل(ن) على طرقه يغني بين عدل وبين ميل = واحلى السوالف مثل ماقالو بساط الاحمدي
ياكبر شرهتنا عليكـم يامزبنـت الدخيـل = من ياخذ العبره من الدنيا ويعرف مقصدي

خولان بن عامر


ياهـل مخطـط 91 شـدوا للجبـيـل = الكهربا يمكن على بعض البيوت تبندي
مانته وكيل ادم يابو ديه وانا ماني وكيل = خمسة عشر مره ابا اقوله وانا مترددي

سعيد أبو ديه


الوقت حبل من مسد مير اصبرو صبر جميل = وسمع نصيحة شاعر(ن)ياعود توه مبتـدي
لا بارك الله في بيوت الشح والراس الذليل = وانا على ذبحتك ياخولان وصيـت اولـدي

خولان بن عامر


لوتجتمع حاشد يابو ديـه وتنخـى فـي بكيـل = وين تغدي من هولهم يالحازبـي ويـن تغـدي
البرق يلمع في السماء والسيل في الوادي يسيل = كلن يصلح موتره دقشات فـي بعـض البـدي

جبل بن زيد
29-06-2006, 01:17 PM
السلام عليكم ورحمة الله وبركاته

الاخ بن غفره

صح الله اللسنت الشاعرين

وبيض الله وجهك

على التنسيق والنقل


تقبل وافر الاحترام

خولان بن عامر
29-06-2006, 01:58 PM
ابن غفره



لاهنت ولاشنت ياعشيق البنت عيت من الصبيان تبغيك انت


بيض الله وجهك على خفة دمك واخلاصك لزملاك ونشاطك المتواصل




تقبل خالص تحيتي

مسفر بن حسين بن نومه
29-06-2006, 02:03 PM
ارررررررررررحب يا بو محمد


هلانت والله على هذا التميز الرائع


ومحاوره من الوزن الثقيل بين شاعرين غنينين عن التعريف والشهاده

طويق الجنوب والامبراطور

تقبل تحياتي

ظافر القحطاني
29-06-2006, 03:50 PM
أرحب يابومحمد
أبيض وجه

الذيب الاشيب
01-07-2006, 02:30 PM
بيض الله وجهك يابو محمد

محمد الحياني
01-07-2006, 08:03 PM
إبداع كالعادة



دمت يالغالي



وصحت السنت الشعاااااااااااااار

فارس قحطان
01-07-2006, 11:44 PM
السلام عليكم ورحمة الله وبركاته


لاهنت يابن غفره


على تنسيق هذه المحاوره المميزه



والتي جمعت بين اثنين من عمالقة الشعر



.

مبارك بن حاضر
02-07-2006, 05:06 AM
محاورة رائعة جدا

صح الله لسان الشعار

ولاهنت يابن غفرة على نقلها


خالص تحياتي،،،