المساعد الشخصي الرقمي

مشاهدة النسخة كاملة : محاورة جرت بين عبدالله القعيمه وبن سعيدان


عبدالله بن غفره
28-06-2006, 02:58 PM
بسم الله الرحمن الرحيم

هذه المحاورة التي جرت بين الشاعرين عبدالله بن هادي القعيمه والشاعر مسلط بن سعيدان في احد المواقع الأدبيه


آمل أن تحوز على رضاكم وأعجابكم


عبدالله القعيمه


سلام الله سلامً عد من زار الحـرم حجـاج = يعم الحاضرين ولا يخـص فـلان وفلانـي
تحزم يابن عاطف وانتبه تغرق تحت الأمواج = وانا لامن سبحت أجيب لك لولو ومرجانـي

مسلط بن سعيدان


هلا يامرحبا وأهلين فالمدخل وفي المخراج = بيوت الشعر أطوعها وأغنيها مـن لسانـي
حزامي ما أرتخى يابن سعد وآرد على هداج = وأظنك ما دريت ان البحر واحد من أخواني

عبدالله القعيمه


يدوم لك البقى ياصاحبي شاعر ولا يحتـاج = ولكن أنتبه خل المعانـي اجـزال وسمانـي
ترى كل العرب وسط الجزيره تعرف الحجاج = وتالي الوقت يامسلط علوم أشكـال وألوانـي
مسلط بن سعيدان


انا آسف على التأخير وأرجوكم عدم الإحراج = ظروف الوقت ياجمهور تامرنـي وتنهانـي
توقع ياولد هادي ترى المصقول ما ينعـاج = وابوي الشايب اللي مات بالمصقول وصاني

عبدالله القعيمه


قبلنا العذر يومك في ديـارً نورهـا وهـاج = وسلم لي على بعض العرب ياخوك من داني
علمنا ثابتً فوق الجبل لـو يهـرج الهـراج = وفي ذا الوقت به رابح يابن عاطف وخسراني

مسلط بن سعيدان


توالي الوقت ليتك يالقعيمه تسلم العمـاج = يعلم بس انا في الديره اللي قلت مامداني
قفلت الباب ياذرب الفعل بالقفل والمزلاج = ولو انه على كيفك تبي تغزي وتدهانـي

عبدالله القعيمه


ترى العماج شيخً ياعميلي لابسً لـه تـاج = ولكنـك تواعدنـي وتخلفنـي وتنسـانـي
توقع يابن عمي واحتزم بي لا يجيك خجاج = وانا محزمك وانته محزمي فالضيق تلقاني

مسلط بن سعيدان


أعرفه شيخ فارس بس فيه دروب ما تنـداج = وانا لاحتجتني دور علـى رقمـي وتلقانـي
حرمني منك خط الوادي اللي من ورا الأفلاج = ياليتك لاعدمتك ياوسيـع العـرف بوزانـي
عبدالله القعيمه


أنا خابرك شيخ ولك فعول وتنطح الأفواج =ونعمً بك ونعمً بك حصانً جابه حصانـي



تحياتي للجميع

،،،

فارس قحطان
28-06-2006, 04:34 PM
السلام عليكم ورحمة الله وبركاته


لاهنت يابن غفره على النقل


وصح لسان ابوهادي وبن سعيدان



.

جبل بن زيد
28-06-2006, 08:12 PM
السلام عليكم ورحمة الله وبركاته

صح الله لسان الشاعرين


وصح الله يمناك على النقل

تقبل

وافر الاحترام

عبدالله بن هادي ابن القعيمة
29-06-2006, 01:13 AM
ابو محمد

وافي يا الغالي


ونعدكم بالجديد تقدير لك ولي أعضاء مجالس قحطان



تحياتي


.

ظافر القحطاني
29-06-2006, 01:21 AM
ارحب يابن العم
بيض الله وجهك

الذيب الاشيب
29-06-2006, 01:22 AM
بيض الله وجهك يابو محمد

عبدالله بن هادي ابن القعيمة
29-06-2006, 01:33 AM
ابو محمد

وافي يا الغالي


ونعدكم بالجديد تقدير لك ولي أعضاء مجالس قحطان



تحياتي


.

عبدالله بن غفره
29-06-2006, 03:52 AM
فارس قحطان


من قال مايهون وشكراً على المرور العطر يالغالي


تحياتي لك

عبدالله بن غفره
18-07-2006, 05:33 AM
جبل بن زيد


لاهنت على المرور يالغالي