المساعد الشخصي الرقمي

مشاهدة النسخة كاملة : هذه القصيدة للشاعر سعد بن عبد الرحمن آل جمان


عاشق الليل
28-06-2006, 12:10 AM
بسم الله الرحمن الرحيم


هذه القصيدة للشاعر سعد بن عبد الرحمن آل جمان قالها رثاء في وفاة الشيخ هادي بن مفلح بن دحباش رحمه الله...



والله إنــي كنت مرتــاح وسالــــي = لين جاني في العصر بعض الرسايل
فـــأنشغل بالـي وقلت اللي طرالي = أبرد الهاجوس بسمان المثايــــــــل
يوم جاء علم الحدث الكدر ببالي= كن في صدري لوهيب الملايــــــــــــل
يا لله الخيرة غدوه الربع الثقالي= مابقا في المجتمع كون القلايــــــــــــل
يا لله المطلوب يا عدل الجلالي= يا عظيم الجاه يا منشئ المخايل
ترحم اللي مات عند الناس غالي =وأتثبت جابتـــــــه لجاه سايل
وأسقه مـن الحوض مشروب زلالي = شربه تجزيه من رب الفضايل
وأجعل الغفران له حظ وفالي =يدخل الفردوس من جملة الأوايل
نمتنى الغفران لعيال الحلالي = و الله القادر على كل المسايل
البشر لابد من شد الرحالي = والبعض فقدة على العربان هايل
مثل ابن دحباش له شان وحالي=لابرز شان الرجاجيل الأصايل
و الله انه بينهم مثل الهلالي= هادي ابن مفلح ذرب الفعايل
للصديق الذ من در المتايل=والعدى الضيفان رجال الصمايل
والله انك ونعم ياسيد المظالي= وأنت حي وميت تحت النثايل
كلمه أقولها وأثبت مقالي= بثبوت وتشهيد رجال الحمايل
يا زعيم القوم زيزوم الرجالي =وافي القالات كساب النفايل
مرجع الشوار لاضاق المجالي =شوقهم لاغردوا شقر الجدايل
والله انك الشيخ والرجل المثالي= خذ كلام الصدق واثبات الدلايل
يا سديد الراي يا وافي الخصالي =والله انك بيننا وافي الخصايل
وافي القاله والله الكمالي = نعرفك زين وتعرفك القبايل
تكسب الطالات وحبالك طوالي --من هل العليا وعادتك الجما يل
غير صابتك القدر من كف والي = والجميع بساقتك تتنى الرحايل
مؤمنين بقدر الله مانبالي = ماعلى الله اعتراض ولا تحايل
والصلاة عداد همال الخيالي = للنبي المبعوث مأمون الدغايل[/poem][/poem]

الذيب الاشيب
28-06-2006, 02:17 AM
بيض الله وجهك




وصح الله لسان ابن جمان والله يرحم ابن دحباش

ظافر القحطاني
01-07-2006, 07:12 PM
تسلم يمينك وصح السان القائل

سفر الحبابي
02-07-2006, 12:58 PM
الاخ العزيز الاهنت على النقل والله يرحم الشيخ والفارس هادي بن دحباش
والله فقد على قحطان كلها نسأل الله أن يدخله الجنه ويسقيه من حوض نبيه
ونشكر الشاعر سعد بن عبدالرحمن فدائم مشارك وقصائده جيده وممتازه
ونشكرك على النقل وتقبل تحياتي أخي العزيز.......

عبدالله بن غفره
04-07-2006, 02:00 AM
عاشق الليل

يعطيك العافيه على النقل الرائع وبيض الله وجهك يالغالي


تحياتي

مبارك بن حاضر
04-07-2006, 02:53 AM
اررررررررررررحب يا عاشق


صح لسان ابو متعب قصيدة مؤثرة لشاعر كبير

والله يرحم الشيخ هادي بن دحباش رحمة واسعة

فهد الجماني
02-07-2009, 11:50 AM
بيض الله وجهك وصح لسان الشاعر ابو متعب وهذه القصيدة نقطة من بحر ورحم الله الشيخ ابن دحباش

فهد الجماني
03-08-2009, 10:07 PM
بيـــــــــض اللـــــه وجهــــك يا ابـــو متـــــعب وجـــعل لسانــــــــــك مايعجـــــــــم وافــــــــــــي وكـــــــــــــــافي نســـيبــــك ابـــو زيــــــــــــــــاد واللــــــــــــــــــــــه يرحـــم ابـن دحـــــــــــباش

مرعي ابن لعور
05-08-2009, 01:01 PM
انا اشهد انها قصيده كفو من شاعر كفو وأنت كفو وتقبل مروري وتحياتي,,,...

ابو سعيد الجماني
04-10-2010, 06:03 PM
بـــيـــض الله وجهـــــك

يا ابــــومتعـــــب


انت وااافي وربعك واافين