من يُعاتب على الصمت (قصيدة)

[ابن هـــــادي]

قالوا علامك صامت وقلـت يانـاس = كثـر الكـلام يقـل لاجلـه مقامـي
الصمت حكمه والحكي مصدر إفلاس = ولقيت في صمتي يزيـد احترامـي
الصمت له معنى وله ذوق وإحساس =مركب نجاتك فـي بحـور الظلامـي
ترى الرجل صوره من الراس للساس = ثـم يتبيـن جـوهـره بالكـلامـي
إما نطق في كلمـة ترفـع الـرأس = تضفي على شكله جديـد الاسامـي
وإلا يعـود معدنـه معـدن نحـاس = يرميه سهمـه بعـد ماكـان رامـي
لا صار عندك من ثمينات الألمـاس = خله بصدرك ليـن وقـت التمامـي
أخاف يطلعلك مـن النـاس بـلاس = وإلا سفيـه مـا يـرد السـلامـي
الله خلق خلقه على عـدة أجنـاس = وكلـن يسوقـه مذهبـه للأمامـي
والله خلق بالطير قمـري وقرنـاس =ووقت الهدد ما ينغـزي بالحمامـي
لا جال في صدرك من الهم هوجاس = وعينـك يحاربهـا لذيـذ المنامـي
ونفسك عليله والفكر صار محتـاس = اترك طمان القـاع وارق السنامـي
عليك بالعالـي ليـا هـب نسنـاس =يبري الجروح الخافيـه والعظامـي
وخلك لربعك دايـم الـدوم نبـراس = وخص القريب وخص ولد العمامـي
خلك لهم في داجي الليـل مقبـاس = ولصاحب أصدق من حقوق الغمامي
ربعك ذراك ليا لحق راسـك البـاس = قدم لهم شربك ولـو كنـت ضامـي
وخلك لثوب الطيـب والعـز لبـاس = واتـرك دروبٍ تنتهـي بالحرامـي
وفعل الجميل وواجب الضيف نوماس = ومن لا نفع بالضيق نفعـه عدامـي
بيت الكريم أبوابـه بـدون حـراس = وبيت البخيل يعـد مثـل الهدامـي
كلٍ بهـا الدنيـا نصيبـه بمقيـاس = ياخـذ نصيبـه لوجفـوه الأنامـي

[جبل بن زيد]

لاهنت يبن هادي


على النقل المميز

تقبل وافر الاحترام

[فارس قحطان]

السلام عليكم ورحمة الله وبركاته


شكرا لك يابن هادي على النقل


وودنا انك تكذر اسم الشاعر حفاظا على حقوققه



.