اقرب ياشاعر

[طلال القحطاني]

سلام الله برديه سلام يا صل الحضار =يقوله شاعر غنا لدانه دان يادانه

طلبنا ودنا بمفوه يحسب مع الشعار=يعرف المقبله والمقفيه صح الله لسانه

[اللاهوب]

الا يامرحبا ترحيبة تلفت لها لنظار = عدد مالاح برقه وارعدة ثم هلت امزانه
وصلنا يا طلال الذرب واقدح من زندها نار = وانا ببيع واشري بالذهب لاغليت اثمانة

[فراج القرقاح]

....

السلام عليكم ورحمة الله وبركاته




مساكم الله بالخير جميع وعلى القوه ياشعار




بدايه طيبه وجزله ورد وافي وجزل




واصلووووووا لاهنتوا

[اللاهوب]

أرحب يا ابن ريفه الله يحييك يا منبع الشعر ولا عدمناك .
بس اظاهر خوينا راح عنده شغل ولا وش عنده
تحياتي وتقديري ،،،،

[الذيب الاشيب]

بيض الله وجيهكم واصلوا وانا متابع




وفي صفك ياطلال من دون قصور في اللاهوب

[عبدالله بن غفره]

صح لساااانك ياطلال وبيض الله وجهك


اللاهوب أررحب وحياك الله وصح لسااانك


في صفك ياللاهوب من غير قصور في طلال

[طلال القحطاني]

يدوم بك البقاء يا شاعر فبداية المشوار=عذاب الخيل كيف تقول منه لا اسرج حصانه

لقيت الشايب اللي ينقل البلجيك والطيار=تشوف الموت يا اللاهوب والبشرا بحجانه

[طلال القحطاني]

اللاهوب المعذره كنت مشغول حياك الله

فراج القرقاح /وعليكم السلام ورحمة الله وبركاته

اررررررررررحب والله يحييك

الذيب الاشيب اررررررررررررحب جعني ما ابكيك

بن غفره صح بدنك لا هنت على المرور وجودك شرف

[اللاهوب]

وينك يا طلال عقب الغيبه


أنا لي يا طلال أعوام شاهر سيفي البتار = واصول بخيلي الميدان فارس مطلق اعنانه
عجيب الشايب اللي ينقل الطيار ما يحتار = ونا اظنه مع الاحلام ساري جوف وديانه

[معانق سحاب]

صح الله لسانكم.. وسجلوا أعجابي

[طلال القحطاني]

تقضون الجبل با الفاس يا اللاهوب والمنشار=جبل بتران راسي فوق خد القاع بركانه

عجيب فعل ابو ليلى المهلهل في عرب جسار=فعول الحاضر الغايب تجمل كل عربانه

[طلال القحطاني]

اللاهوب اللقاء الليله مباشره من الساعه العاشره وخلاف

معانق السحاب صح بدنك يا غالي