سجل رأيك بعد الاداء الباهت للمنتخب والخروج المرير.

[فارس السروات]

اداء باهت لجميع افراد المنتخب دون استثناء وهزيمة قاسية (اكتب قبل نهاية المبارة بوقت كافي ) ولكن ليال العيد كمايقال تبان من عصاريها وكان بطل الاداء الباهت قلبي الدفاع الذي قلنا ولازلنا نقول انها لايملكان الكفائة لمقارعة نجوم العالم كذلك اخطاء الحارس التي تتكرر في وقت الحسم
كما ان مباراة اسبانيا القادمة وبعد هذه الهزيمة القاسية ربما تعيدنا للخلف اربع سنوات على ذكرى مونديال اليابان وكوريا
على العموم جميعكم مدعون لتفريغ شحناتكم النفسية وطرح جميع آرائكم اياً كانت شدتها لمدة يوم واحد فقط ومن ثم نقاش هادف للخروج بفكرة ورأي لمنتخب يشرف

[سعد القحطاني]

ما يصح إلا الصحيح

ولو حاولنا نضحك على انفسنا شوي ونحلم بالفوز في مقارعة ابطال العالم لازم تبين الحقائق كما بدت والخافي أعضم اقصد (الجاي أعضم)

لاباس نقوي المعنويه ونتطلع للوصل للقمه ولكن لاينبغي ان نحمل انفسنا بأكثر من طاقتها وبالتالي نصاب بإحباط نفسي ونفاجأ بالخساره لأن الخساره في هذا المجال وارده بل شبه مضمونه خاصة مع منتخبنا وياعسانا ما نخسر إلا بطوله الكوره

وشلون نلوم المنتخب وحنا نعرف البير وغطاه يعني ماحولنا شي والله لو بعد 50 سنه ورحم الله امرئ عرف قدر نفسه

هذا ما لدي وأنا لست محلل رياضي ولا حتى متابع ولكن على ما يقولون هذي يفهما الرضيع

فارس السروات لاهنت جعلك تسلم واشكرك على ماقمت وماتقوم به من إبداع وإجتهاد في هذا المجلس الحديث الذي من طيب حظه انه استفتح برجل قد المهمه ( فارس السروات ) للأمام ولك تحياتي

[محمد الحياني]

اخوي الغالي فارس السروات


بصراحة مريرة .... لاأدري ما اقول ؟؟؟



إداء غريب جداً ولعب متفاوت جداً :confused:

والنتيجة مررررررررررر:017: ررررررررررة

[فارس قحطان]

^
^
^
حسب ماوصلني من سعد القحطاني
وبرسالة جوال
يقول :
مجلسكم ذا الرياضي مادخل على الكوره
السعوديه بخير ، ماودكم تلغونه :)


____
واقول ياسعد
الوعد اسبانيا بتشوف كيف يفوز المنتخب بـ 8\0

:) :) :)

[عبدالله بن غفره]

يعلم الله أني قد قلت لاخي فارس قحطان بأن يأجل مشروع أفتتاح المجلس الرياضي إلا بعد أنتهاء بطولة العالم


لكن العجله ما يخليها وهذي النتيجة المنتخب الاوكراني يسدد فاتورة خسارته أمام أسبانيا على حساب المنتخب السعودي .


المشكله أن المنتخب السعودي يوم تعادل مع المنتخب التونسي صرف أمير الرياضه 100 ألف لكل لاعب والله أنها ظلم وأنهم ما يستاهلون المية ألف والدلع الزايد للاعبين هذي نتيجته يافارس السروات


أكثر منتخب عسكر هو منتخب السعوديه وأكثر منتخب صرف عليه فلوس أتوقع أنه المنتخب السعودي.

وأول منتخب سوف يغادر ألمانيا شكله المنتخب السعودي ولو فيه أمكانية الرجوع لسعودية بر كان أفضل لهم ...

يقولون بين الشوطين أن رئيس البعثه أرسل واحد من اللاعبين يأكد الحجوزات من المطار هههههههه

يلعبون مع منتخبات لهم خبره في الكوره الأوربيه وكأنهم يلعبون مع الكويت ولا المنتخب العماني

وسامي الجابر تأخرو في أدخاله المستطيل الاخضر وسعد الحارثي له فضل في تأهل المنتخب لكأس العالم وأخرتها ينحرم من المشاركة في مبارتين من أهم المباريات


وإذا تبغون الصدق والله أنه بعد الهدف الثالث أوكرانيا بديت أشجع المنتخب الكرواتي من كل قلب مدري ليش !!!!


هذا اللي عندي وأي شيء بيطري على بالي قبل لا تنتهي الأربعه والعشرين ساعه سوف أقوم بطرحه طرحاً مبرحاً على هذا الموضوع اللي يبرد الكبد ويخلي الواحد ينسى هم المباراه


لا وا حسافه يالمية ألف من أمير الكوره


في ذمتي ما يستاهلها ( المنتشري ) مدري ليه يالربع أحس أني حاقد عليه ....

..

[سعد القحطاني]

فارس قحطان الله يسعدك ويبعدك آسف اقصد يبعد عدوك

8/0 ذكرتني نتيجة صارت ذيك السنه ياحلو بعض الذكريات هههههه يامل القوووووووووم :021:


100000

اعصابك يابن غفره (الرازق في السماء)

ياليت يعينونك رئيس رعاية الشباب .. والله ياشيخ إن تخليهم يفصلون لبسهم من خياش ههههههههه

الله يبطي بحكمك

[عبدالله بن غفره]

أنا ما أحسدهم يأبن الحلال وجعلني ما أتولى عليهم أن شاء الله

وأن توليت عليهم بأمسك المنتشري والبسه خيشه وتخب عليه بعد !!!

بالله عليك يستاهلون المية ألف في ذمتي ودي أنها مية ألف مطررررق !!!


فارس قحطان

أطالبك بتغيير الأستايل حق المجلس الرياضي حط لونه أسود لمدة ثلاث أيام !!!!

تحياتي لصقور الخضر ( بالله عليكم قد سمعتو صقر وأخضر ههههههه )
ببغاااااااااء



....

[ساج الوقت المشعلي]

اشكرك يافارس السروات على طرح هذا الموضوع

وأتوافق مع كلام أخوي بن غفره

حلالاه يالمنتشري وتكر وزايد أحطهم عند إبل الشايب حتاهم يعرفون الطنخة

كل واحد فاتح فمه مايدري وينه دخ يتتابعون سوا مثل البهايم:110103_ap

كل واحد مستلمله 100 ألف عشانهم تعادلوا مع تونس

حدهم ملعب الجراديه

أعذروني ياأخواني إن كان أخطيت لكن هذا من اللي في كبدي:017:


أخوكم/ساج الوقت المشعلي

[حسين البشري]

السلام عليكم
بكل صراحه ما ادري ويشر ابدا به
كان الأداء باهت بشكل عام ، الحراسه مع مبروك مهزوزه فقد اظهر عدم الخبره الكافيه ولعب مع الاتحاد في كاس العالم للانديه بمستوى تعبان وكان الارتباك ظاهر عليه ، الدفاع: تكر فهو سبب الهفوات القاتله ، المنتشري متقلب المستوى وانا كنت داري ان شفشينكو ناوي به ويبي يطلع (( الحمايط)) فيه وما قصر ، الدوخي منتهي الصلاحيه ، عبدالغني فلاعب ماقدم شي يذكر ويلعب لحاله ، اما الوسط فحدث ولاحرج لا امدادات للهجوم والا تعطيل هجمات الاوكران اما محمد نور فياليت انهم لبسوه لبس الاتحاد فصدقوني ان يلف الملعب وبيدع ، انا داري انهم بيتعللون بالمطر واثره على ارضية الملعب لكن سامي قال انهم متدربين على مثل هذا الجو




بالربع ما ودي والله اكثر الهرج ما بأقول الا يا حسرتي على ( ياسر القحطاني ، سعد الحارثي ، سامي الجابر، نواف التمياط )

ابي اسال ليش اكثر الاعبين ما يبدعون مع المنتخب؟؟؟؟؟؟




اكيد تعرفون الجواب .


ولي عوده للإجابه على السؤال بعد اجتهاداتكم

[قحطاني والراس طرباني]

ما اقول الا : ياليتهم رقدوا ..



ورب البيت ان معي جدول حق مباريات كأس العالم وسجلت نتيجة السعودية مع اوكرانيا قبل المبارة بثلاثة ايام كتبتها 4 - 1 لصالح اوكرانيا .. وبالفعل الاوكران جابووا اربع اهداف .. لكن ربي ما كتب لنا ولا هدف ...


بعدين والله اني مقتنع بالهزيمة .. اشوى انها ما زادت ..



ويااااااااااااااااااااارب سترك الضافي قدام اسبانيا ..




مشكور اخوي فارس السروات على الموضوع ..

[فارس السروات]

اقدر للجميع مشاركتهم سواء كانت متزنه او مفعلة بعض الشىء:mad: ولكنها التزمت ادب الحوار رغم سخونة الموقف وبرغم الضيق الشديد الذي احاط بالجميع من جراء هذه الهزيمة القوية إلا ان بعض الردود كانت ترسم :) الابتسامة للقراء
ملاحظة:-
المجلس ال:1107953627: رياضي يعلن للجميع برائته من هزيمة المنتخب السعودي برائة الذيب من دم يوسف عليه السلام وانه سوف يتخذ جميع الاجراءات القانونية لدى الجهات ذات الاختصاص لكل من يثبت لديه قيامه بترويج مثل تلك الشائعات :mad: والتي جعلتنا في موقف مخجل امام الجماهير او قد نظطر في حالة فشل الجهود القانونية ان نطلبهم بحق بعد اختيار احد مقارع الحقوق المعروفين بالخلفية الرياضية:) ويؤكد للجميع انه يستعد لتفصيل ثوب جديد له بمجرد انتهاء مباريات المونديال بإذن الله .

تحيااااتي للجميع

[سالم الخنفري]

ما في المنتخب غير اثنين ...


مالك معاذ ... ياسر القحطاني ... و الباقي ما كنهم لعبوا كوره ....

[فارس الشواطي]

اسعدالله انهم رقدوووووووووو البارحه وخلّو نمسي معهم وخاطرنا سالي.

الهم الحين كم راح تكون التقفيله مع اسبانياااااااا .............!!!!!!!

الله يستر وكلّها من رش الفلووووووووووووووووووووووس اللي ماله داعي

[أبو هياف]

وجهك ياعمه في الخير ولا في غيره

حــــــــــــــــــــــــــــــــرق أعصاب
حـــــــــــــــــــــــــــــــــــــــــــــرق أقلوب
وفــــــــــــــــــــــــــــــــــــــــــــــــ ــي الأخير فشلونا الهلايم محزم الفشل
والنتيجه القادمه 7/0

[عاشق الليل]

لو نفتك من التطبيل لـ بعض اللعيبه والادارين

والعنصريه كان منتخبنا في الف خير

أقــــــتراح


30 رجل من سن 18 من تهامة قحطان

يدربون لـ فترة كاس العالم القادم

لياتو بنتيجه رائعه

[المنذر]

http://www.9oorty.com/uploads/322cfe418a.jpg

منتخبنا ويش نسوي مالك الا ( ........ ) ولو خم هههههههههههههه

[سعيد بن مذي]

بسم الله الرحمن الرحيم


اعزائي صراحة اداءنا كااان فااااشل والله ما عندنا سالفة....الدفاع عندك تكر الفاغر ما غير يطالع الكورة وفاتح فمه و الثاني ذاك بو مسامع المنتشري (( خوي بن غفرة )) اش قالوا قالوا افضل لاعب في آسيا ما غير يمضغ في ذا العلك وما يدري وين ربي حاطه والدوخي ما غير يتقعر في الملعب وعبد الغني مسوي يسحب ولي جيت الوسط الله المستعان عمر الغامدي يمثل يحسب انه في الدوري السعودي حرام بالله لو انها في الدوري السعودي كان اعطاه الحكم بلنتي لكن وين تراك في كأس العالم ما هي لعبة. واللاعبين كلهم بصفة عامة بدون تحديد والمفرووض انهم دخلوا الدعيع بدال ذالقزم عالأقل خبرة ووالله العظيم ان الأهداف كلها كانت بسبب قلة خبرة مبرووك مرة يزحلق ومرة يتقدم وسامي دخلووه في آخر الدقايق قد فينا 3 وسعد الحارثي المبدع مادخله لا هنا ولا في مبارة تونس يعني مدربنا بالأصل فاشل بالله هذا مدرب منتخب مثل منتخبنا يحط مهاجم واحد قدام انا اقول المفروض ثلاثه خمسه ثنين والله ان تمشي تمام التمام ومن الجوانب السلبية ايضا الدلع دلعوا ذا اللاعبين دلع لا يعلم به الا الله وتكلموا الاعضاء من الناحية هذي لين قالوا كان وازيد من الشعر بيت تلقاهم اخذوا لهم كم الف بعد الهزيمة هذي..


والله اني صيحت مع الهدف الرابع صيحة فرحة غديت مثل الخبل اصيح وفرحان اش عليه نحزن على مدلعين وان شاء الله ادعي الله من قلب ان تنصك من اسبانيا بـ 16 فما اكثر خلهم يعرفون ان الله حق.


(( اسف على بعض المفردات ولكن اسمحوا لي من يومها وانا ودي افضفض ))

[@ابوريان@]

بصراحــــــــــــــــــــــــــــــــــــــــــه لا تعليق فالمنتخب لايوجد والروح لايوجد والمجامله هي الي ذبحتنا وحرمتنا من العب

[ناصر المعمري]

أبرز نقاط الضعف للمنتخب السعودي:

1- خط الدفاع يعاني من ضعف وعدم تفاهم وإتكاليه واضحه .

مثال : لاحظ هدف تونس الثاني - وهدف أوكرانيا الأول

2- لايوجد حلقة وصل مابين الوسط والهجوم بحيث أننا لاحظنا ياسر القحطاني في المباراة الأولى ( في بعض الهجمات ) يأخذ الكره ويبني هجمه بنفسه مع بقية الهجوم !! .. عدم تفاهم مابين الوسط والهجوم وهذه مشكله قائمة في المنتخب السعودي من زمان.

لاحظ أيضاً كيف الإستلام والتسليم للكره بين اللاعبين , كور كثيره تفلت , يآخي والله شي مخجل.

3- ليس كل لاعب يصلح بأن يكون لاعب منتخب فما بالك بكأس العالم , بمعنى لو كان اللاعب متفوقاً مع ناديه فهذا لايكون سبباً مقنعاً بإنه سوف يبدع مع المنتخب , فبعض اللاعبين في المنتخب لايصلحون مع المنتخب.
لكي تقارع المنتخبات الكبار لابد لك من لاعبين خبره وقوه جسمانيه بغض النظر عن المهاره الفرديه ..

هناك معادله كرويه : خطه ممتازه + تطبيق الخطه = نصف الفوز

ولاحظ أنني قلت خطه (( ممتازه )) تعرف كيف تقتل بها خط الهجوم للخصم وأيضاً كيف تستطيع أن تصل إلى مرمى الخصم من لمسه واحد .

بغض النظر عن مهارة اللاعب الفرديه , فلو لاحظتوا على مستوى المهارات الفرديه قد تلاعب صقور الأخضر بعدد من كبار المدافعين لكبار المنتخبات في عدد من بطولات كأس العالم , فمعناة هذا بأن المهاره الفرديه ليست إلا سبب ضعيف للفوز.

أخيراً ..

من الصعب جداً بأن المنتخب السعودي سوف يقدم أي مستوى يشرف سواءاً في هذه البطوله أو بعد 50 عاماً مالم (( تصنع منتخب فعلا مؤهل لخوض مباريات كأس العالم )) من قوه بدنيه وخبره وذكاء واللعب لروح الفريق الواحد وليس التخبط!!!