الصداقه

[ابن خميس]

ياهقوتي بعـض الصداقـات.. تلـوى
حذفة عصى.. مهما بلغ.. مستواهـا

فيها ابتليت.. وشفت غيري.. تبلـوى
والناس يفرق طيبها.. عـن رداهـا

ياهقوتي نشره على طيـر.. شلـوى
والا الردي نفرح إلى انه.. نساهـا

ما نلتفت له...لاااا..لوى.. بالف ملوى
النفس نرفع قدرها.. عـن وطاهـا

باحساسنا صـرح الكرامـه.. تعلـوى
فوق النجوم اللي.. بعيد(ن)..مداهـا

نشرب فناجيـل الوفـا.. وانتحلـوى
نشوم.. والزلات ندمـح.. خطاهـا

ياهقوتـي عذبـات الايـام.. سلـوى
مع صحبة اللي فيه نفسي.. تباهـا

صديق وقت الضيق مـالاج.. والـوى
يمناه يكفـي عـن قراهـا.. نباهـا

ماهو كمـا نـذلٍ.. بدلـوه.. تدلـوى
يمشي على الحروه ويركض.. وراها

يفضح خفايا مذهبـه رمـح.. اللـوى
ومن دور الغـرات عنـده.. لقاهـا

ياهقوتي بلـواه.. بالحيـل... بلـوى
اللـي صداقاتـه لحاجـه.. بناهـا

ياهقوتي بعـض الصداقـات.. تلـوى
عجزت.. اميز وجهها.. من قفاهـا
shatwi2@hotmail.com

للشاعرخلف الاسيد
مع تحياااااااااااااااااات ابن خميس

[أبو صقر]

شكراً لك اخي الكريم على هذا المشاركة

[فالح المسردي]

صح الله اللسان الشاعر

ومشكور على النقل

[الزلال ابوسالم]

شكراً لك اخي الكريم على هذا المشاركة

[عبدالله بن غفره]

الله لا يهينك على المشاركة


وصح لساااان قايلها


تحياتي

،،
،
،

[محمد الحياني]

سلمت يمنااااااااااااك على النقل


وصح لسااااااااااااااان الشاعر



دمت يالغالي

[سالم الخنفري]

صح لساااانه والله ..

بالفعل اجاد و ابدع ....

يعطيك العاااافيه يابن خميس