اقرب يا شاعر المحاوره الهمام

[طلال القحطاني]

سلام الله سلام ما يجي با السر غير جهار=على روس الرجال اللي فعايلها تمضيها

انا ابغا شاعر له ماقف يذكر مع الشعار= ينوخها ننوخها يسريها نسريها

[مسفر بن حسين بن نومه]

اررررررحب يا طلال


اتشرف بالرد ولا يهون الحاظرين



الا اذا احد سبقني فالحق له


هلا يامرحبا ونايبة عن جملة الحضار=نرحب بالرجال اللي تنومسنا مباديها


حضرنا ياطلال وطب وسط السوق وانت اختار=على وضح النقا ودي ندرج في خطاويها

[طلال القحطاني]

الله يبقيك يا مسفر

كذلك جت لي على ماتمنيت
استلم الجهاز ععندي يتأخر بطي جدا


يدوم ابك البقاء يا شاعر ترمي بوزن عيار=تجيب الجزل يا مسفر علومك وافي فيها

غدا عباس ابو مازن محل الشيخ ابو عمار=كذا لول يسرحها وذا الثاني يضويها

[مسفر بن حسين بن نومه]

الله الله

الحال من بعضه


واستلم



انا اشهد ياطلال انها بتبقى لزمن تذكار=ما دام انك هنا يا صاحبي لازم نسميها


فلسطين غدت ما كن لها بين العرب مقدار=صدق من قال يا يارجال حاميها حراميها

[سعد القحطاني]

الله الله ياطلال صح لسانك

مسفر بن نومه صح لسانك

لاهنتو جميع على الإبداع واصلو وانا متابع ومستفيد

الليل الليل:46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com: :46_asmilies-com:
:banana:

[طلال القحطاني]

متى ياتي بشير النصر منهو الفارس المغوار=يتل المهرة الشعوا تلاويه ويلاويها

يقال ان الحديد يلين لا شبت عليه النار=لمنه شبها شيخ عجز شارون يطفيها

[مسفر بن حسين بن نومه]

اررررررررررررحب يا سعد تراحيب المطر

وجودك شرف لنا


واستلم يا طلال




يجيك النصر باذن الله عزيز معتلي جبار=على يد الشجاع اللي حياة الخلد يبغيها



صحيح الهرج مير الموت جا من صاحب غدار=يوسم للذيابه ويتوصى في مواريها

[طلال القحطاني]

ارحب يا سعد

هلا والله ومسهلا امسك الصفين


خشب سمر كلته النار مايسلم من المنشار=ولاهي توجع الجمره يكون كراع راعيها

عسى من لا منا منهم تصكه جثلة المطيار=ابو حربان راعيها وابو قرحوش عانيها

[مسفر بن حسين بن نومه]

الله الله


استلم



الا يا فكرتي كيف العرب ترضى بثوب العار=رجال تلبس ثياب كبار ما تغطيها

انا مابط كبدي غير شله تكرم الزوار=ترزز كنها اللي جابت الصيده بياديها

[طلال القحطاني]

انا وياك يا مسفر نغني والفلك دوار=على لنتر نناترهاوحجتنا نمضيها

هدفنا غلفه با القفل ابو تيجان والشنكار=زنابيل نضحكها زنا بيل نبكيها

[مسفر بن حسين بن نومه]

الله الله يا طلال



ضغنا كنترول وشفت ونكمل لها المشوار=الين المبهمه تصبح صريحه قدم قاريها


انا ما ادور الا للسوالف غالية الاسعار=رجاجيل(ن) نعاديها ورجاجيل(ن) نخاويها

[طلال القحطاني]

كريم العين في ديرة كفيفين البصربيطار=يجرحها يداويها ويلطمها يباريها

انا لبستك وسام على صدرك يسير شعار =مناهلكم على هداج وتعرف ويش قا فيها


اشكرك يا طويل العمر ولي الشرف ان لعبت معك يا قحطاني المعذره على السهو والقصور

والختم عندك وتصبح على خير

[مسفر بن حسين بن نومه]

صح لسانك ولا عدمتك


الشرف لنا يا قحطاني وبيض الله وجهك

واستلم



تونسنا معاكم يالحبابي والمعاني كبار=وراعي العلم يا ذيبان يكحلها ويعميها


نختمها بريح المسك و العنبر وطيب ازهار=وترى البضا ركزناها لكم في علو واديها

[الذيب الاشيب]

الله عليكم وبيض الله وجيهكم جميع



عز الله انكم امتعتونا بهذه المحاورة الرائعه واسف على التاخير لكن خيرها في غيرها

[أبو صقر]

صح لسان الجميع

ومحاوره جميله للغايه

[طلال القحطاني]

الذيب الاشيب

ابو صقر

اشكركم على المرور لا هنتو