مــحــاورات مطلوبه ((أفزعوا))

[فالح المسردي]

السلام عليكم ورحمة الله وبركاته

الكثير من جماهير المحاوره خصوصا من شباب قحطان

يبحثون عن محاورات قديمه لا يعلمون اي يجدونها فالكثير من المكاتب
يعتذر عن عدم وجودها

ونطلب منكم من لديه أحد المحاورات التاليه ينقلها لنا في مجالس قحطان(ولا عليكم امررر)
المحاورات هي:
1/محاورة فلاح القرقاح مع حبيب العازمي في الدمام من ضمنها شطر موال لفلاح
((عتيبه على الرأس وانت حدر الاقدام)).

2/محاورة ابن شايق مع حبيب ومن ضمنها شطر بيت لعبدالله
((أنا لا شفت حبيب طرالي شيء ما يطرا))

3/محاورة القرقاح مع العير(الله يرحمه)في افتتاح مكتب جزيرة الشعراء من ضمنها
شطر بيت لفلاح((ان صرت يابن عبيد شيطان خبيث00أقرب من القرقاح لمس أشنبه))

4/محاورة ابن شايق مع سفر الدغيلبي التي حصلت من خلاله المشكله من ضمنها
شطر موال لبن شايق((يامرحبا ياضغير السن وشلونك))

ونأسف على الاطاله واكرر ولا عليكم امررر

تقبلوا تحياتي
أخـــــــــوكـــــم
فالح المسردي

[الخطير الشيباني]

ولله مادري ولاكن لا تنسا شباب العتبان تحياتي

[بن مزهر]

السلام عليكم ورحمة الله وبركاته

بعضها موجود عندي

بالنسبة للقرقاح معى الحازمي
من اشد المواقف المحرجه التي تعرض
لها حبيب من القرقاح وحينها كان حبيب
يتهرب من القرقاح لانه تمنذل فيه حبيب
في حفلة كانت في الدمام وجه موال ساخن للقرقاح
وكرم ومشى وزعل القرقاح من حبيب قعد القرقاح
يراقب لين صاد حبيب وباغته في حفله في الجبيل
وكان الزواج عند قحاطين وظهر فجئه القرقاح
وفاجئ الحضور

واتذكر قاله القرقاح في احد الموالات

اقوله بعد مالله جمعنا وحضرة وسايل الاعلام
وحبيب يلبس الثوب الخفيف ويسكب المرزام
يبي ياخذ جزى تفريكته من حفلة الدمام
اقول الله يديم الستر يالله سترك الضافي


واتذكر ايضا وجه له القرقاح الموال التالي


اقول ونعم في العتبان اقول ونعم في العتبان
وانا من مقدم شيوخ العروبه عزوتي قحطان
لكن منته بكفو لزحول القبايل يا عوج دخان
اقول الله يديم الستر يالله سترك الضافي

وكان هذاك الليل من اسوا الليالي على حبيب
وكذلك من ضمن الحضور مستور العصيمي
ومر عليه القرقاح وما قصر معه

لكن المشكله في هذه الحفله غير متوفره لشرطة الكاسيت
ومتوفره فيديو والمشكله ايضا الصوت جدا رديئ وبالكاد تسمع
صوت حبيب من قوة الفجعه
والقرقاح كان صوته واضح

واذا تبغى شريط الحفله روح لاقرب مكتب للجنادريه
ودور في عام 1418هـ في الجبيل


وبالنسبة لمحاورة القرقاح معى العير الله يرحمه
موجوده عندي فيديو وابشر بها بنزلها لك اليوم ولا بكره


وبالنسبه لابن شايق والعازمي

اذكر لهم حفله قويه جرت بينهم

وضل فيصل الرياحي يتشمت على حبيب
في كل حفله بعدها ويذكره بابن شايق
ويهدده به

هذى الذي عندي لك واتمنى اني دليتك

واذا تبغى حفلات بن شايق القويه هو والقرقاح
لا تدور الا في عام 1418هـ وانصحك مكتب الجنادريه
وجزيرة الشعراء

والسلام عليكم ورحمة الله وبركاته

[وريث المجد]

3/محاورة القرقاح مع العير(الله يرحمه)في افتتاح مكتب جزيرة الشعراء من ضمنها
شطر بيت لفلاح((ان صرت يابن عبيد شيطان خبيث00أقرب من القرقاح لمس أشنبه))

4/محاورة ابن شايق مع سفر الدغيلبي التي حصلت من خلاله المشكله من ضمنها
شطر موال لبن شايق((يامرحبا ياضغير السن وشلونك))



ابشر بــــــــــــــــــــــهــــــــــــــــــــا
يا سنايدي

[عبدالله بن غفره]

فالح المسردي

أررحب

محاورة بن شايق وسفر الدغيلبي

فيه محاوره في المجلس الصوتي للمطنوخ ؟؟ لكن على ماأتوقع موال فقط

وأذا كنت تبغاها مكتوبه أبشر أما صوتيه فالمعذره

وحفلة الدمام أن شاء الله بنزلها هنا مكتوبه عن قريب أما صوتيه من يستطيع فالله لا يهينه



محاورات بن شايق القديمه

جميعها في مكتب ساحة الشعراء في الرياض


ومن يقدر من الأعضاء خدمه المسردي يتقدم الله لا يهينه ولا يهين من سبقني

[فالح المسردي]

الشيباني/
الله لا يهينك على الرد وما نسيناكم

ابن مزهر/
بيض الله وجهك وماقصرت والله لاهيينك على المعلومات التي قدمتها
واكرر الله لا يهينك

وريث المجد/
كـــــــــــفــــــــــو ياسنايدي
ما تقصر وتسد اللزوم

بن غفره/
البقأ
والله لا يهينك على ما قدمة
والي تقدر عليه مقبول وما تقصر في خدمة مجالس قحطان


تقبلوا تحياتي
أخـــــــوكـــــــم
فالح المسردي

[أبن جفشان]

فالح المسردي
ارحب
محاورة ابن شايق وسفر الدغيلبي
(( يامرحبا ياصغير السن وشلونك))
فهي موجودة عندي بالصوت (( موال))
لاكن اشرح الطريقه لتنزيلها
وهي موجودة في مكتب روضة الشاعر بالرياض