يالربع يالشعاّر اللي يبي يحاور

[عايض بن هداف بن غيده]

سلام تسليمة الاسلام في حضرة كرام الرجال=من شاعرٍ لا زمر فالملعبه تهجد شياطينها
يا شاعرٍ تعطي الميقاف حقه وانت صامل تعال=وقفتك دون القضيه يا وسيع العرف يا زينها



اذا دخل احد الشعراء وانا غير متواجد يرز الوعد على راحته

[عبدالله بن غفره]

القانون صح لسااااانك وبيض الله وجهك على هالمبدا الكايف


وأنا في صفك


وفي أنتظار شاعر آخر


وأتمنى وبتكلم عن أخوي القانون وأنا أمون عليه أن شاء الله أنها تكون مباشره ويتم تحديد الوقت والأتفاق عليه

أخـــوك

بن غفــــره

[عايض بن هداف بن غيده]

الله يبقيك يا بن غفره وانت محزم عد لي يوم الدين
وانا جاهز وابداً الساعه 11 بكون متواجد بأذن الواحد الاحد واذا ما قدرت با رد عليكم

[وريث المجد]

يا مرحبا بالنيابه عد ما ينشي حقوق الخيال=اقولها في محل اهل الوفاء مجلس قحاطينها
جبت الاجابه ولو ما كان به يا طير شلوى سؤال=وانا فتحت الكتاب اللي بيطبع في دياوينها

[عايض بن هداف بن غيده]

يا وريث المجد انا ركزت الوعد الساعه 11 والظاهر ما كان به حد اظطريت اطلع ولكن اسعد الفرصات و المحاورة معك تشرفني

واستلم

[عايض بن هداف بن غيده]

ابك البقى والسوالف كل هرجٍ له جواب ومجال=قال المثل مبهمات الكتب تشرحها عناوينها
المشكله يوم صارت قيمة اليورو تساوي الريال=واهل الوفا صفقّت لمساوي العملات بيدينها

[وريث المجد]

ترى الرخيصه رخيصه ماهيب مكسب ولا راس مال=لاكن بنوك الذهب من دونها حراس حامينها
يا صاحبي جنب عيال الحرام وشف حيال الحلال=والارض يمشي بها الصاحي ولا همه مجانينها

[عايض بن هداف بن غيده]

انا ادري ان الرخيصه مالها فالسوق قدر وجلال=لكن بعض العرب في تالي الايام مغلينها
اذا سكتنا مصيبه وان تحاكينا عذاب ووبال=يا شينها يا وسيع العرف لا جا الصدق يا شينها

[سعد القحطاني]

القانون و وريث المجد

لاهنتو وصحت السنكم

طاروق كايف وياليت إنه مباشر على شان الربع يتواجدون وتقوم الصفوف بشكل أفضل

على العموم لاهنتو الله يعطيكم العافيه واصلو ومتابعين

[عبدالله بن غفره]

ياسلام ياسلام ياوريث بيض الله وجهك ورد وافي من وافي وصح لساااانك ملالالالاين



القانون جعل من لامني فيك يقتاد بيده فالضحى مايشوف
صح لسااانك وما زلت في صفك وأعذرني على الأنقاطع


واصلووو وحنا متواجدين الليله أن شاء الله

[وريث المجد]

يالله دخيلك من الجاهل ومن هرجة قصير الحبال=اللي ليا شاف بايعها وشريها دخل بينها
العاقل يغض طرفه والغبي يطمر جنوب وشمال=رزق الحضارم ماينفعها ولو كثرة دكاكينها

[عايض بن هداف بن غيده]

ب

[عايض بن هداف بن غيده]

اقول هذا طريق العقل تنهج بي طريق الخبال=انشهد ان القضيه روّحت يالربع في عينها
الجاهل اللي يشوف الميل بعيونه ما عدّل ميال=يرقب عذوق الرطب تطلع وتثمر من غصن تينها

[أبو صقر]

مشكورين جميعا على المحاورة الطيبه


لكم خالص الشكر

[وريث المجد]

دامك حرقت المراجع يا صحيبي روح صب الدلال=والمعرفه عندكم يا قوم للمقصب مودينها
لاكن روح مراح مقيط يوم رشاه فوق المحال=بعض المخاليق يا اهل العرف ما ديني على دينها

[عايض بن هداف بن غيده]

انشهد انك لبست الشال يا رجال فوق العقال=وين انت والمعرفه يا مدعي بالمعرفه وينها
ترى القرى لو تصون الزرع وتشبّك مع كل جال=لي طمّها السيل دمّر ما تعمّر من بساتينها