المساعد الشخصي الرقمي

مشاهدة النسخة كاملة : ودعتك الله ..........


وحيد المملكه
01-01-2005, 08:52 AM
كتب العضو /ابن لزرق قبل فترة في مجلس عذب الكلام قصيدة للشاعر /صالح بن علي بن محمد بن لزرق البنيوسي
الشريفي القحطاني ولكنه لم ينشر إلا 3 أبيات ولكن من حسن حظ المنتدى أن حصلت على هذه القصيدة من جريدة
المدينة التي نشرتها بتاريخ السبت 22/جمادى الآخرة /1423ه وهي تعبر عن أن القيم الأصيلة والكرم والشجاعة
وجميع الصفات الطيبة رحلت مع أهلها لن أطيل الكلام وأليكم الأبيات :

ودعتك الله يادار جفيتيني = دار سموم العقارب في هبايبها
يادار وين الذرى بك مايدفيني = حتى الشجر مايظلل من لهايبها
عز الله أني كرهتك لو تحبيني = والحر ما يخدعه زينة حواجبها
أعز نفسي عن اللي مايدانيني = وارفع مقامي عن الهفوات واشذبها
على دروب الهدى ياالله تهديني = وأهل الشيم ياالله انك ماتخيبها
ياهاجسي الكايدة ماهي تعنيني = نفسي تبي العز والعليا مطالبها
مرة تصيب الهدف وأمرار تخطيني = مايعلم الغيب كون اللي يراقبها
منك العوض ياآلهي وانت محييني = لاخاب ظن الفتى باقرب قرايبها
ترى الجمايل لها ناس محبيني = وماكل رجل تعلى في مراقبها
والله ماأداني الردى والفسل والشيني = والنفس ماتقبل اللي مايليق بها
دار بها الحقد والله ماتسليني = ولاني بندمان لافارقت صاحبها
اندم على فقد غالي كان يشفيني = اللي يشيل الحمول ولا يذيع بها
دنيا ردية تقلب بالموازيني = ولابد ماتكشف الدنيا غرايبها
امشي مع اللي على العليا يقديني= وقدر الرجاجيل عند اللي مجربها
ويادار ودعتك الله لو هجرتيني = يامسقط الرأس ياأغلى حبايبها
ويادار ما جفاك لو أنك جفيتيني = غصب عليّ حب ربعي في نوايبها وسلامتكم هاه ويش رأيكم وبصراحة

فارس الشواطي
01-01-2005, 10:29 PM
الرأي بصراحه

انك مبدع ومشكور على جهودك
وصح والله لساااااااااان الشاعر
عزالله انها قصيدة جزله ومعبّره

أخوك فارس الشواطي

خالد آل مطرف العاطفي
03-01-2005, 12:43 AM
ارحب ارحب
ياوحيد المملكه
وصح السان الشاعر صالح بن لزرق والحقيقه ان القصيده قويه جدآ وتحمل معاني قويه وجزله
وتدل على جزالة قائلها ..
اخوي الغالي
وحيد المملكه
الله يعطيك العافيه على النقل المميز جدآ .. ومشاركه تدل على انك ممن سيثرون الموقع بكل ماهو مميز
اخوك
اللي يرحب بك ملايين
خالد

وحيد المملكه
14-05-2005, 11:48 AM
يعطيكم العافية على الردود

والإعتذار إن كان في القصيدة قسوة على أهل المنطقة

المعمري
15-05-2005, 02:32 PM
يعطيك العافيه يا وحيد وتسلم يمناك


وصح السان الشاعر

هاوي نجد
17-05-2005, 09:56 PM
وحيد المملكه

لاهنت يالغالي على ايرادك هذه القصيده 0

قصيده قويه جدا وجميع كلماتها تحمل معاني قويه0

تشكر يا الوحيـــــــــــــــد0

تقبل تحيات اخوك