جبل بن زيد
13-06-2006, 01:22 AM
قصيدة الشاعر / سعيد بن مقبل الاكلبي
اعجبتني وحبيت انقلها لعلها
تحوز على رضاكم
الا يالله عفوك لا معي بيجر ولا جوال = ولا عندي وظيفة والتجاره فاشلن فيها
ولا عندي شهادتن ولا حرفة تسد الحال = ولاحظن كبيرن لاخطت الجره يقديها
مخابي الثوب تومي ما دخلها من زمان ريال = بها فاتورة الكهرب ولا يمدي أقضيها
على ذيك العراوي تتعب الحادي مع الجمال = ثلاث شهور في الورشة وشهرين مغطيها
ابيها لو تجمل يوم واجلبها على الدلال = يجيها واحد حظه مثل حظي ويشريها
نصيت العسكرية يوم قالوا للنظام ارجال = وقدمت الملف وصورتن متشخص فيها
خذ الأوراق مني واحدن ماعند بوه دلال = سلوم الناس وأهل المعرفة والطيب مخطيها
قراها في دقيقة والتفت عجلن علي وقال = شهادتك العظيمة ياولد وين انت مخفيها
هزيت الراس ما عندي تقول الني من البنقال = وقمت احب خشمة واطلبه بالله تمشيها
حذفها من يده شين الطبيعة والنيا والفال = وقال أزين تعود صوب نوقاتك تعشيها
تناوشته من الكرسي وعقت الحل والترحال = وضربته بالبياله عقب ما بيحت شاهيها
خذوني للسجن لانيب لا ظالم ولا محتال = مجرد واحدن جا يكحل عيونه فيعميها
ويومني خرجت اقفيت لارض الله وسيع الجال = على برن هواه يداوي العله ويبريها
ادور قصعة الجربوع والضب الفتى يحتال = والارنب ياشفاة الروح محلاها وطاريها
بلا كهرب ولا بيجر ولا غازن ولا نقال = قوانين الحضارة لاتبي شوفي ولا بيها
اعجبتني وحبيت انقلها لعلها
تحوز على رضاكم
الا يالله عفوك لا معي بيجر ولا جوال = ولا عندي وظيفة والتجاره فاشلن فيها
ولا عندي شهادتن ولا حرفة تسد الحال = ولاحظن كبيرن لاخطت الجره يقديها
مخابي الثوب تومي ما دخلها من زمان ريال = بها فاتورة الكهرب ولا يمدي أقضيها
على ذيك العراوي تتعب الحادي مع الجمال = ثلاث شهور في الورشة وشهرين مغطيها
ابيها لو تجمل يوم واجلبها على الدلال = يجيها واحد حظه مثل حظي ويشريها
نصيت العسكرية يوم قالوا للنظام ارجال = وقدمت الملف وصورتن متشخص فيها
خذ الأوراق مني واحدن ماعند بوه دلال = سلوم الناس وأهل المعرفة والطيب مخطيها
قراها في دقيقة والتفت عجلن علي وقال = شهادتك العظيمة ياولد وين انت مخفيها
هزيت الراس ما عندي تقول الني من البنقال = وقمت احب خشمة واطلبه بالله تمشيها
حذفها من يده شين الطبيعة والنيا والفال = وقال أزين تعود صوب نوقاتك تعشيها
تناوشته من الكرسي وعقت الحل والترحال = وضربته بالبياله عقب ما بيحت شاهيها
خذوني للسجن لانيب لا ظالم ولا محتال = مجرد واحدن جا يكحل عيونه فيعميها
ويومني خرجت اقفيت لارض الله وسيع الجال = على برن هواه يداوي العله ويبريها
ادور قصعة الجربوع والضب الفتى يحتال = والارنب ياشفاة الروح محلاها وطاريها
بلا كهرب ولا بيجر ولا غازن ولا نقال = قوانين الحضارة لاتبي شوفي ولا بيها