ممكن طلب ياجماعة خير

[ابــــــو هـــــــادي]

مساء الخير جميعا
يالربع ممكن طلب قصيدة ابن زهره في الشاعر عبدالله بن شايق
القصيدة جديدة ولاحد الان ماحصلتها
اللي عنده خبر عنها لا يبخل علينا
وشكرا :46_asmilies-com:

[عايض بن هداف بن غيده]

لا عينوها الربع مب مقصرين يابن هادي لكن والله اول مره اسمع عنها

[عبدالله بن غفره]

غالي والطلب رخيص وهذي قصيدة بن زهر في عبدالله بن شايق


راكـب اللـي دبلَـو حتـى سبيـره = فل كا مل كـل شـئ شـد الوكالـه
لو يخير صاحبه مـا اختـار غيـره = مـاورد مثلـه ولا يبغـى بـدالـه
من تواصيفه ماهو بيصيـح قيـره = ولو نزل راعيه ماسمـع اشتغالـه
نيكل تلمع عصـى قيـره قصيـره = كنها معصـم وقبضـة يـد اصالـه
ما يميز في وقوفـه مـن مسيـره = ما تطيـح مـن المطبـات البيالـه
والمراتب الاولـه تشبـه الاخيـره = بالفخامـه جلـد ناعـم ينعنـا لـه
وعاج طبلونه مع شاشـه قصيـره = تكشف اللي بعد خمس امتار حولـه
وفي دركسونـه لـه ازرار كثيـره = كـل شـئ ٍ فيـه لـه زر لحالـه
كل ما تحتاج مـن حاجـه يسيـره = بيـن سبابتـك وابهامـك تنـالـه
والمكينـه مـن وصايفهـا كبيـره = تمسك الكبوت مـن جالـه لجالـه
وشمعته شبرين ماهـي مستديـره = نورها شكلين لا جاء الليـل زالـه
لعترض لك كن في جنبـه سعيـره = وكـل لـون زايـد خفـه جمالـه
مصنعه صاطي المصانع منه غيـره = قـلـدوه ولا حــد ٍ ورَد مثـالـه
لمشى مـا تلحقـه حتـى الذخيـره = ينزرق كنه يتخـوف مـن ضلالـه
صممـه بأحـدث تصاميـم خبيـره = ما أشغله من شغلته كثرت عيالـه
مصنـع اليابـان يابانـي مـديـره = مالبـس غتـره ولا ميَـل عقالـه
يشتغـل بأيـده ومشروعـه يديـره = ويتعلـم ويتخصـص فـي مجالـه
مطعمه محضور والمشـروب بيـره = ما يفكر في حرامـه مـن حلالـه
كافـر مـا يطلـب الله بالستـيـره = بوه ما جاء يطلب امه مـن خوالـه
لشتغل حاسب على شغلـه ضميـره = وان طرا له شئ يفعل مـا طرالـه
في الديانه ما يفكـر عـن مصيـره = من جهالة مذهبه واعظـم جهالـه
في هواء نفسه وشيطانـه مصيـره = في نهار الحشر مـا فالـي بفالـه
يانديبـي وجهـه لاعــز ديــره = نجد دار اهل الوفاء واهل الشكالـه
وانص بيت اللي مواقيفـه خطيـره = يخلف الشاعر لمـا وقـف قبالـه
شاعر مافيـه فـي العالـم نظيـره = يشهد اللي قد عرف وقت مضى لـه
ابن شايق يعرفه من فـي الجزيـره = شاعر في الطيب ما تقصـر حبالـه
اختلـف والله يعـلـم بالسـريـره = وكم شلي جو وقتـه مـا صفالـه
يوم يصفي لـه ويـوم فيـه حيـره = ومن غدر فيه الزمن يـا عزتالـه
ومن عرف ورد الزمن يعرف صديره = هكـذا مـا بيـن ميلـه واعتدالـه
والقبيلـه والفخـيـذه والعشـيـره = ما توافق لو يفكـر فـي اعتزالـه
نفتخر به فـي المواقيـف العسيـره = وعزتى للشعـر لـو يفقـد رجالـه
وختمها طلبتـك يامنجـي جويـره = ولا يخيب اللي على الـرب اتكالـه

صح الله لساااان الشاعر بن زهرة [/center


[center]تقبل تحياتي يابو هادي

أخوك

بن غفــره

[ابــــــو هـــــــادي]

لاهنت بن غفرة وبيض الله وجهك