محمد بن دشن الفهري
09-06-2006, 10:57 PM
( محمد بن دشن الفهري )
خير الكلام المبتدا ذكر الولي = سميت بالرحمن في معناي
الله يقدينا على قول الهدى = ويقود في درب الصواب إرشاي
طلبت رب(ن) بالخفايا مطلع = يارب تغفر زلتي وأخطاي
وترى البشر من طبعها نسايه = الرب يغفر والبشر خطاي
ونا عساني صايب في قولي = وأهل المعرفه نقدهم وراي
وكل على شوره يحسبه صايب = والشور صيدة مخبط الرماي
معا رجال العرف لي رمعاتي = وأنا ترى دلوي يخض الماي
وكل على عرفه يسوق إركابه = وأنا حسب عرفي وأحث إخطاي
ماني بقايل غير هرج واقع = وأحضر أشهودي على دعواي
أما حضيت بقول صح لسانه = ولا أعترضت لميسم الكواي
الشعر قيل إنه مثل بني الحجر = والبني ما يصعب على البناي
وبعض الأمور أحب أنا تجنيبها = لاني بجمال ولا شواي
ما دام محد(ن) طالب مشورتي = عديت نفس سيف وسط إخباي
وإن كان تهت أشاور أصحاب النظر = ولاني بمتمادي على عمياي
وترى الشدايد والكرب فيها عبر = أعرف صدقاني وأعرف اعداي
ليام تجمع بك معا كل أجودي = جابه نصيبه من بعيد الناي
وبعض العرب لا جيت يمه عاني = يفز لي لو وده بفرقاي
عديت صدقان الرخاء ياكثرهم = وأصبح صديقي في الزمن مخباي
أجامل الأصحاب وأكتم غيضي = وأضحك بسني والبلى جواي
اهرج وأسولف كن مابي حاجه = وأنا همومي يبسن إشفاي
يمكن إضلوعي تنطلق من زوري = لولاي أسلي خاطري لولاي
وهذا الزمان الله يستر منه = والله يستر من زمان(ن) جاي
يسوء هذا اليوم واللي بعده = دبور في الإقبال والإقفاي
لاجيت أداوي علة في خاطري = يزيد داي ولالقيت إدواي
وإصحيب يأخذ معك ياويش زينه = ثم يتلون كنه الحرباي
وأنا على طبعي ولا باغيره = أشب وأشيب على مبداي
وبعض العرب كرامته ما همته = يومي بها بين العباد أوماي
صار العوايد والقيم مفقوده = هو بابها وقت الشقاء هوباي
وإبني على الدرب الصحيح أوجهه = عساه ما يمشي بعكس إرضاي
متخير جدة وخاله مثلما = أبوي يومن أنتقى مجناي
ما باقي في الأرض غير إقشاشها = مشكاي ما غير الولي مشكاي
مستثني أهل الدين وإرجال القيم = أحمي حماهم وأعتبره إحماي
راحوا نجوم الأرض وأغرب ذكرهم = طوى عليها الماضي الطواي
ما باقي في الأرض غير إطلالهم = وأخبارهم يحكي بها الحكاي
فراج عطني رايك اللي ينحسب = ودي برايك يا حكيم الراي
وأبو لسان أبنشده عن شوره = ما يظهر الماء إلا دلي الرواي
عساك تثني ياالسبيعي دونها = وأنته تراك الفارس الحماي
نصيت أنا الغلبا ويا حي النبا = حقائق ندلي بهن إدلاي
نذكر فعول اسبيع ما ننساها = ماني بجحاد ولا نساي
وترى مفرج جيرته مشهوره = شهادة تقطع بها يمناي
وسبيع يذكر فعلها إبن ريفه = فراج يوم(ن) نصيهم جلاي
والشعر مثل السوق والبضايع = وأنته تراك البايع الشراي
شعر النبط يبكي على جيل مضى = ويقول عقبه ياكبر بلواي
وفراج أعده شاعر(ن) ومفوه = كالخس ولا سحلي العواي
قارنت حاضرنا معا ماضينا = ونيت ونه والحقتن أقصاي
ويالله توردنا على حوض النبي = شربة بعدها ينقطع ضماي [/poem]
( وإليكم رد فراج بن عبد الله السبيعي )
ما جور ياقلب بحث مكنونه = وقت عكس مشهاه مع مشهاي
شاف الزمان اللي تعوذ منه = سرحان يوسف يوم بلي إبلاي
فكر وعبر وستهاض وكزلي = شرد بعرض الصفحة البضاي
زين عسافتهن وجنه خضع = وعلي هدف روسهنه جاي
ورحبت فيهن من غلا راعيهن = وعانقت معهن فالدجاء مسراي
في ليلة غدراً قمرها غايب = ونا أجتلد فاليلة الظلماي
مسترهقن مستارق لذ الكرى = ما غير أقلب بالهجوس أرياي
هجس يوديني والآخر يجيبني = ونا دليلي بالنظر عيناي
شفي ورى شم الجبال الشمخ = ماني مضريها على الهزلاي
من شأن من شكي علي همومه = ونا معه باللي تحوش يداي
بالمال ولا رايي المتواضع = بجهد وخلاق العباد معاي
يا بو سعد بلعون ما عنك صده = شكواك ياذرب النبا شكواي
قد قيل من شارك دخل في ذمتك = ونا منيب لذمتي هفاي
بعطيك رايي وانت عندك رايك = إن جاز ولا لقه العلباي
راي من القلب النصوح تسوقه = يمك ركاب النية العلياي
من راقب العالم يموت بهمه = لاصار عينه تجهل الاغضاي
الناس ما خلقت بعقل واحد = من خلقة الله آدم وحواي
وانت أعتبر في قيل ناس قبلنا = أمثال يرويها لنا الرواي
شف وش لقى الهربيد وجريس وش فعل = جازاه في شين اللغا جزاي
وقام يتعوذ منه في سبع العوذ = ويقول فرقا ديرتك هواي
وبيتين للعوني قليل جنسهن = نهار سمع الكلمة العوجاي
قالوا علام أيامنها تغيرت = قال أنتم السبة ياهل دنياي
ترى السنين حسابهنه واحد = ليالهن وأيامهن سواي
أوجزت لك مما حضرني نبذه = ولا السوالف مالهن مداي
من عاش فالدنيا وحقق بالنظر= يشوف شق يبحل الرفاي
كل بعقله يامحمد راضي = ولا بماله يامحمد لاي
والناس فيهم عالي ومدلي = كالآرض فيها طامن وسنداي
وترى الرجال أشكالهم مشتبهه = مثل الخشب قدام ذي وذاي
وليا حصل نقض وفتل بينهم = يبين فرق الحر والحنداي
أحد كما وصف الحصيني وصفه = حيلي ويلعبلك على الحبلاي
يجيك في ثوب الوديع الطيب =ميم وكاف سياسيته والراي
وليا قضى منك اللوازم هملك = فالبير ووليد الثعل براي
وأحد معك ما دام كفك يندى = مثل تلفون الهلل رغاي
لو تامره يطمر على النار يطمر = أبرلك من طيب الأبناي
وليا أجدبت قاعك وصرم عودها = صدر وساق الذود بالعصاي
وفيهم عدو فالربوع بطيني = عليك كبده مرها زماي
لو أن رزقك في يدينه يقطعه = طيبك يغيضه خايب المسعاي
وفيهم دبشة بس يومي راسه = ما قالت الحرمه يقول اهداي
لا نافع ربعه ولا مذي العدا = ولا يفرق السمحه من العجفاي
وفيهم هديب الشام خشم طيب = سن(ن) ضحوك ومدة جزلاي
وفيهم كريم والظفر في راسه = يندب ليا من شبت الهيجاي
ووصافهم يابن دشن ما حصيها = كثيرة واللي ذكرت كفاي
والمال ماعز الهداني زوده = ولا عذرب أهل الطيب والوفاي
كم واحد ماله عليه عقوبه = وكم من ستير أحوال في نعماي
ومن لا يصافي في زمانه صافي = كوصف منجوم ممشاه دجاي
عليك بالطيب لو إنه قاصي = أخير من دان(ن) كثر غثاي
وسبيع ما تخلف ولا تنقض العهد = حضارها تكفي عن الغيباي
يابن الزحول اللي طوال شبورها = إمتعبت مع دربها الانضاي
أهل النقى وهل التقى والطاعة = عزوة قحاطين كرام إلحاي
أسلم وسامحني ومثلك يسمح = إن كاني دست الخطأ بغناي
خير الكلام المبتدا ذكر الولي = سميت بالرحمن في معناي
الله يقدينا على قول الهدى = ويقود في درب الصواب إرشاي
طلبت رب(ن) بالخفايا مطلع = يارب تغفر زلتي وأخطاي
وترى البشر من طبعها نسايه = الرب يغفر والبشر خطاي
ونا عساني صايب في قولي = وأهل المعرفه نقدهم وراي
وكل على شوره يحسبه صايب = والشور صيدة مخبط الرماي
معا رجال العرف لي رمعاتي = وأنا ترى دلوي يخض الماي
وكل على عرفه يسوق إركابه = وأنا حسب عرفي وأحث إخطاي
ماني بقايل غير هرج واقع = وأحضر أشهودي على دعواي
أما حضيت بقول صح لسانه = ولا أعترضت لميسم الكواي
الشعر قيل إنه مثل بني الحجر = والبني ما يصعب على البناي
وبعض الأمور أحب أنا تجنيبها = لاني بجمال ولا شواي
ما دام محد(ن) طالب مشورتي = عديت نفس سيف وسط إخباي
وإن كان تهت أشاور أصحاب النظر = ولاني بمتمادي على عمياي
وترى الشدايد والكرب فيها عبر = أعرف صدقاني وأعرف اعداي
ليام تجمع بك معا كل أجودي = جابه نصيبه من بعيد الناي
وبعض العرب لا جيت يمه عاني = يفز لي لو وده بفرقاي
عديت صدقان الرخاء ياكثرهم = وأصبح صديقي في الزمن مخباي
أجامل الأصحاب وأكتم غيضي = وأضحك بسني والبلى جواي
اهرج وأسولف كن مابي حاجه = وأنا همومي يبسن إشفاي
يمكن إضلوعي تنطلق من زوري = لولاي أسلي خاطري لولاي
وهذا الزمان الله يستر منه = والله يستر من زمان(ن) جاي
يسوء هذا اليوم واللي بعده = دبور في الإقبال والإقفاي
لاجيت أداوي علة في خاطري = يزيد داي ولالقيت إدواي
وإصحيب يأخذ معك ياويش زينه = ثم يتلون كنه الحرباي
وأنا على طبعي ولا باغيره = أشب وأشيب على مبداي
وبعض العرب كرامته ما همته = يومي بها بين العباد أوماي
صار العوايد والقيم مفقوده = هو بابها وقت الشقاء هوباي
وإبني على الدرب الصحيح أوجهه = عساه ما يمشي بعكس إرضاي
متخير جدة وخاله مثلما = أبوي يومن أنتقى مجناي
ما باقي في الأرض غير إقشاشها = مشكاي ما غير الولي مشكاي
مستثني أهل الدين وإرجال القيم = أحمي حماهم وأعتبره إحماي
راحوا نجوم الأرض وأغرب ذكرهم = طوى عليها الماضي الطواي
ما باقي في الأرض غير إطلالهم = وأخبارهم يحكي بها الحكاي
فراج عطني رايك اللي ينحسب = ودي برايك يا حكيم الراي
وأبو لسان أبنشده عن شوره = ما يظهر الماء إلا دلي الرواي
عساك تثني ياالسبيعي دونها = وأنته تراك الفارس الحماي
نصيت أنا الغلبا ويا حي النبا = حقائق ندلي بهن إدلاي
نذكر فعول اسبيع ما ننساها = ماني بجحاد ولا نساي
وترى مفرج جيرته مشهوره = شهادة تقطع بها يمناي
وسبيع يذكر فعلها إبن ريفه = فراج يوم(ن) نصيهم جلاي
والشعر مثل السوق والبضايع = وأنته تراك البايع الشراي
شعر النبط يبكي على جيل مضى = ويقول عقبه ياكبر بلواي
وفراج أعده شاعر(ن) ومفوه = كالخس ولا سحلي العواي
قارنت حاضرنا معا ماضينا = ونيت ونه والحقتن أقصاي
ويالله توردنا على حوض النبي = شربة بعدها ينقطع ضماي [/poem]
( وإليكم رد فراج بن عبد الله السبيعي )
ما جور ياقلب بحث مكنونه = وقت عكس مشهاه مع مشهاي
شاف الزمان اللي تعوذ منه = سرحان يوسف يوم بلي إبلاي
فكر وعبر وستهاض وكزلي = شرد بعرض الصفحة البضاي
زين عسافتهن وجنه خضع = وعلي هدف روسهنه جاي
ورحبت فيهن من غلا راعيهن = وعانقت معهن فالدجاء مسراي
في ليلة غدراً قمرها غايب = ونا أجتلد فاليلة الظلماي
مسترهقن مستارق لذ الكرى = ما غير أقلب بالهجوس أرياي
هجس يوديني والآخر يجيبني = ونا دليلي بالنظر عيناي
شفي ورى شم الجبال الشمخ = ماني مضريها على الهزلاي
من شأن من شكي علي همومه = ونا معه باللي تحوش يداي
بالمال ولا رايي المتواضع = بجهد وخلاق العباد معاي
يا بو سعد بلعون ما عنك صده = شكواك ياذرب النبا شكواي
قد قيل من شارك دخل في ذمتك = ونا منيب لذمتي هفاي
بعطيك رايي وانت عندك رايك = إن جاز ولا لقه العلباي
راي من القلب النصوح تسوقه = يمك ركاب النية العلياي
من راقب العالم يموت بهمه = لاصار عينه تجهل الاغضاي
الناس ما خلقت بعقل واحد = من خلقة الله آدم وحواي
وانت أعتبر في قيل ناس قبلنا = أمثال يرويها لنا الرواي
شف وش لقى الهربيد وجريس وش فعل = جازاه في شين اللغا جزاي
وقام يتعوذ منه في سبع العوذ = ويقول فرقا ديرتك هواي
وبيتين للعوني قليل جنسهن = نهار سمع الكلمة العوجاي
قالوا علام أيامنها تغيرت = قال أنتم السبة ياهل دنياي
ترى السنين حسابهنه واحد = ليالهن وأيامهن سواي
أوجزت لك مما حضرني نبذه = ولا السوالف مالهن مداي
من عاش فالدنيا وحقق بالنظر= يشوف شق يبحل الرفاي
كل بعقله يامحمد راضي = ولا بماله يامحمد لاي
والناس فيهم عالي ومدلي = كالآرض فيها طامن وسنداي
وترى الرجال أشكالهم مشتبهه = مثل الخشب قدام ذي وذاي
وليا حصل نقض وفتل بينهم = يبين فرق الحر والحنداي
أحد كما وصف الحصيني وصفه = حيلي ويلعبلك على الحبلاي
يجيك في ثوب الوديع الطيب =ميم وكاف سياسيته والراي
وليا قضى منك اللوازم هملك = فالبير ووليد الثعل براي
وأحد معك ما دام كفك يندى = مثل تلفون الهلل رغاي
لو تامره يطمر على النار يطمر = أبرلك من طيب الأبناي
وليا أجدبت قاعك وصرم عودها = صدر وساق الذود بالعصاي
وفيهم عدو فالربوع بطيني = عليك كبده مرها زماي
لو أن رزقك في يدينه يقطعه = طيبك يغيضه خايب المسعاي
وفيهم دبشة بس يومي راسه = ما قالت الحرمه يقول اهداي
لا نافع ربعه ولا مذي العدا = ولا يفرق السمحه من العجفاي
وفيهم هديب الشام خشم طيب = سن(ن) ضحوك ومدة جزلاي
وفيهم كريم والظفر في راسه = يندب ليا من شبت الهيجاي
ووصافهم يابن دشن ما حصيها = كثيرة واللي ذكرت كفاي
والمال ماعز الهداني زوده = ولا عذرب أهل الطيب والوفاي
كم واحد ماله عليه عقوبه = وكم من ستير أحوال في نعماي
ومن لا يصافي في زمانه صافي = كوصف منجوم ممشاه دجاي
عليك بالطيب لو إنه قاصي = أخير من دان(ن) كثر غثاي
وسبيع ما تخلف ولا تنقض العهد = حضارها تكفي عن الغيباي
يابن الزحول اللي طوال شبورها = إمتعبت مع دربها الانضاي
أهل النقى وهل التقى والطاعة = عزوة قحاطين كرام إلحاي
أسلم وسامحني ومثلك يسمح = إن كاني دست الخطأ بغناي