كم سؤال .. وتحتاج إلى إجابة شافية منكم .. لا هنتم ..

[قحطاني والراس طرباني]

السلام عليكم ورحمة الله وبركاته ..



كيف الحال يا عيال العم .. إن شاء الله طيبين ..




الموضوع ما فيه يا إخوان إن عندي كم سؤال .. وهي :



س1 ـ قريت كتاب المؤلف ابن محمس الجديد .. وبكل أمانة الرجل هذا تعب بشكل كبير .. فتطرق لجميع مصادر الأنساب وهو بحق مرجع أكثر من رائع .. خصوصا في الفصول الأولى والتي خصها بالكتابة عن أنساب قحطان منذ القدم .. المهم إن مؤلفنا القدير أكد إن ( عبدالله ) اللي يجمع بين الحباب والجحادر ليس جد وإنما ( حلف ) .. أريد التعليق منكم على هالنقطة ..



س2 ـ هل قبائل الجحادر وقبائل عبيدة يلتقون في جدّ ؟؟ >> هالسؤال مهم جداُ وأرجو الإجابة عليه ..


س3 ـ أسمع أنا بفلان ابن فلان الهويدي .. الهويدي سمعت إنه فخذ من قحطان وسمعت إنه من سبيع .. ولا أدري ؟؟ هالسؤال أريد جوابه من زمان ..



يا أخوان والله إن العشم فيكم كبير .. وترى الأسئلة مهمة بالنسبة لي ..




والله لا يهينكم جميع ..



أخوووكم :


خالد العبيدي ــ الرياض

[قحطاني والراس طرباني]

السلام عليكم ورحمة الله وبركاته ..



والله يا اخوان مدري وش اقول وش اخلي ..


لكن والله ما توقعت الموضوع مرّ عليكم بدون ردود .. بإستثناء الأخ ناصر المشعلي اللي بادر بالسلام ...


العشم فيكم يا رجال المجالس تردون على الأسئلة ..



لا هنتم ..





قحطاني والراس طرباني ..

[عبدالله بن غفره]

اللي عنده إجابة بيرد ياخالد وأبشر باللي يرضيك


هذي الأمور يبغى لها واحد ملم ماهو اي واحد يتكلم فيها

واللي عنده علم ما هوب باخل عليك ياوجه قحطان

تحياتي لك

[قحطاني والراس طرباني]

لبى قلبك والله يابن عاطف .. وكلامك سليم وعلى العين والراس يالطيب ..



لكن ياخوك اليومين ذي فيه موضوع مشتعل حول نسب الجحادر وسنحان .. والردود فيه قوية .. واللي بيردّ هناك أكيد ما راح تصعب عليه ذي الأسئلة ..




لكن ننتظر ونشوف تاليتها ..




ولاهنت ياذيبان ..




اخوووك :


قحطاني والراس طرباني

[سالم الخنفري]

الظاهر انهم ما يلتقون الا في قحطان ... و الدليل ان الجحدري يقول للعبيدي يا وجه قحطان و العكس صحيح ....

والله اعلم ,,,

[قحطاني والراس طرباني]

لاهنت اخوي كوكب زحل على المداخلة الطيبة ..






وأنا بإنتظار المزيد من الردود من الإخوان الكرام ..




السلام عليكم ..

[الكايف]

السلام عليكم ورحمة الله وبركاته

كلام أخوي كوكب زحل صحيح ...

أن الجحادر وعبيده مايلتقون إلا في قحطان ..

أما سنحان والجحادر ففيها قولان وهي :

الأول : أن الجحادر يعودون في سنحان بالنسبه لجدهم ( جحدر بن عبدالله بن سنحان )

الثاني : أن الجحادر فخذ لحاله من قـحـطــــــــان

ويتلاحقون هم وعبيده وسنحان في قحطان .. والله أعلم

أخوك : خالد العبيدي ..

[قحطاني والراس طرباني]

مرحبا بك يابن العم .. خالد العبيدي ..





لاهنت على المداخلة والتوضيح ..



ننتظر باقي الاخوان للإجابة على باقي الاستفسارات ..

[ابوخالدالجحدري]

الاخ قحطاني والراس طرباني
بالنسبه للسؤال الاول فأحب ان اؤكد لك ان عبدالله حلف وليس جد ودائما مايقولون الجحادر للحباب ياوجه عبدالله او ياوجه محلف والعكس صحيح . اما السؤال الثالث فآل هويدي او الهويدي يرجعون في سبيع ويسكنون المزاحميه وهم يؤكدون ذلك واعرف انهم يصدقون اوراقهم الرسميه من ابوثنين في رماح .

وتقبل تحياتي ...............

[قحطاني والراس طرباني]

الغالي : ابو خالد الجحدري ..



الله لا يهينك يالطيب على التوضيح وما قصرت .. كفيت ووفيت ..



اخوووووك :

قحطاني والراس طرباني ..

[البتّار]

عذرا لم اطلع على الكتاب كان عطيتك رايي فيه

ان شاء الله تجد عند احد الاعضاء ما يريح خاطرك

تحياتي

[قحطاني والراس طرباني]

هلا بك اخوي البتار ..


الكتاب ممتاز وأخذ فيه ابن محمس قرابة العشر سنين تزيد او تنقص .. وتطرق لمعظم اساليب الحصول على المعلومات الخاصة بالأنساب ..



اشكرك على المرور والرد الكريم ..




اخوووك :

قحطاني والراس طرباني ..