المساعد الشخصي الرقمي

مشاهدة النسخة كاملة : أحس إني بعد فرقاه مدينه مابها سكان ...


شبل قحطان
16-09-2004, 03:09 PM
أحس إني بعد فرقاه مدينه مابها سكان ...


أنا حاكم بلا دوله أنا سلطه بلاسلطــان =أنا ذاك الجليس الي عرف مكر النسا ونابه
أنا هيبة ملك ظالم أنا دوله بلا فرسان =وأنا سطوة أسد نايم زئيره يرهب الغابــه
أنا قصة طفل حالم حلم آب لعبتـه فرحان =صحى من نومه يدور لقى مسروقــه العابه
أنا بحر بلا مرسى أنا مركب بلا قبطــان =أنا ذاك الجليس الي فتح للعاطفه بابــه
هلابك يازمـن غــادر هلابك يازمن خــوان =هلابالي إذا يضحك أشوف الغدر بأنيابـه
هلابك والليالي سود هلابك والجروح الـوان =هلابك يانزيف الجـرح هلا بالجرح وأسبابه
مثل قصة عزيزة قوم رماهاحظها التعبان =على رجل ماتدانيه وتكره ريحة ثيابـه
مثل قصة كليب الي جمع من حوله الاعوان =حسب إحساب لعدائه وجا مــوته من اقرابه
كثر ماخانني وقتي كثر مازادني حرمـان =أدور للزمان أعذار بصفحة مــاضي كتابه
أناذاك الحنين الي يعاند رغبة النسيان =يشتتني ويــلملمني حنين القلب لأحبابــه
أنا قصة شموخ إحساس وفيها عزتي عــنوان =أنا ذكـرى لها معنى حبيــبة قلبي أدرابـه
أنا بحرٍ بلامرسى أنا مـــركب بلا قبطــان =أنا ذاك الـجليس الي فـتح للــعاطفه بابه
عرفت إن الهوى دمعه وإني بالدموع إنسان =عرفت إن الفراق يدوس شعورالقلب وأعصابه
عرفت إن الفرح نسمه وعرفت إن الحزن طوفان =عرفت إن الوفا كلمه بــدون أفعـال كذابـه
الا يافراقها الكافر تركت بداخلي بركــان =وصارت فرحتي بعـيني مع الأحزان تتشـابه
حكاية ألف جرح وجرح بقايا من غرامٍ كـان =صرحٍ بالوفا شامخ تساوى اليوم بترابـه
الا يادمعة الفرقا الا ياقمة الأحــــزان =الا ياحسرة بقلبي إذا سجيــت تنتابـه
عليك الله ياليلٍ يجيني بطيفــــه الفتان =حسيبك خالقك ياليلٍ وحبيبي ضايع حسابه
وانا والي رفع سبعة سماوات بلاعمـــدان =شعرت الموت لي أرحم من الي صار بغيابه
أحس إني بعد فرقاه مدينه مابها سكــان =وأحس إن الحزن فيني غـرس بإصرار مخلابه

الشاعر / خالد السيف

القيسي ولد الحارث
24-02-2006, 07:10 AM
ياشبل قحــــــــــطان


صح السانك


ومشكوووووووووور



تقبل تحياتي,,,,,,

معانق سحاب
25-02-2006, 04:39 AM
صح الله لسانك وأعلى شااانك قصييييييده اكثر من رائعه وياليت تزودنا بكاتب القصيده..