سعد بن صالح الحبابي
28-05-2006, 11:49 AM
أسعد الله جميع أوقاتكم بالخير والمسرات
أستعنت الله وأبدا بنظمك ياقصيد = داملي في ساحة الشعر دربٍ أسلكه
ودام عقب العمر لابد من يوم الوعيد = أستغل الوقت والوقت كلّه معركه
فإن قدرت أغلب زماني فأنا راسي عنيد = وإن غلبني قلت كل النشاما تدركه
الزمن ماهو بلعبة قوى ولاّ حديد = الزمن يكوي على الخشم ولاّ يفركه
من يقول أخطيت ينطق وأنا علمي أكيد = عندي الشاهد دلايل ماهي بمفبركه
صورة الواقع توضح لأبو قلبٍ بليد = بإن حياتك يابن آدم سوات الجمركه
فإن كسبت الطيب منها تفيد وتستفيد = وإن تعمدت الفساله جميلك تتركه
وإن حفظت فروض ربّك يجي رايك سديد = مايهمك راي مشرك وراي المشركه
تدري إن الله خلقنا وحنّا له عبيد = كلنا ندرك وحتى المغفل يدركه
فيه جنّه فيه نارٍ تدور للمزيد = وحظ من يسلك طريق الصواب ويمسكه
من يحب الزود ينقص ولايمكن يزيد = ومن ذبحه البخل يكره فعول الهنتكه
ومن يدور للسعاده يبي يبقى سعيد = القناعه كنز مبسوط منهو يملكه
قلتها لاني بتاجر ولاعندي رصيد = لكن مجرّب وخايف طريق التهلكه
كم تمنيت إن عندي مثل مال الوليد = وإن نصيبي خمسة أبراج مثل المملكه
وأثرني مهبول وأسعى على شيٍ بعيد = مثل من قال أمتلكته وهو ما يملكه
وسلامتكم جميع
أستعنت الله وأبدا بنظمك ياقصيد = داملي في ساحة الشعر دربٍ أسلكه
ودام عقب العمر لابد من يوم الوعيد = أستغل الوقت والوقت كلّه معركه
فإن قدرت أغلب زماني فأنا راسي عنيد = وإن غلبني قلت كل النشاما تدركه
الزمن ماهو بلعبة قوى ولاّ حديد = الزمن يكوي على الخشم ولاّ يفركه
من يقول أخطيت ينطق وأنا علمي أكيد = عندي الشاهد دلايل ماهي بمفبركه
صورة الواقع توضح لأبو قلبٍ بليد = بإن حياتك يابن آدم سوات الجمركه
فإن كسبت الطيب منها تفيد وتستفيد = وإن تعمدت الفساله جميلك تتركه
وإن حفظت فروض ربّك يجي رايك سديد = مايهمك راي مشرك وراي المشركه
تدري إن الله خلقنا وحنّا له عبيد = كلنا ندرك وحتى المغفل يدركه
فيه جنّه فيه نارٍ تدور للمزيد = وحظ من يسلك طريق الصواب ويمسكه
من يحب الزود ينقص ولايمكن يزيد = ومن ذبحه البخل يكره فعول الهنتكه
ومن يدور للسعاده يبي يبقى سعيد = القناعه كنز مبسوط منهو يملكه
قلتها لاني بتاجر ولاعندي رصيد = لكن مجرّب وخايف طريق التهلكه
كم تمنيت إن عندي مثل مال الوليد = وإن نصيبي خمسة أبراج مثل المملكه
وأثرني مهبول وأسعى على شيٍ بعيد = مثل من قال أمتلكته وهو ما يملكه
وسلامتكم جميع