المساعد الشخصي الرقمي

مشاهدة النسخة كاملة : ماااااااااااااايحتاج وشويعر بإختصار


عبدالله المهداني
25-05-2006, 10:50 PM
شويعر

نبتديها بذكر الله وذكر الرسول = يا سلامي على اللي شانهم معتلي
درهمي يا ركايب وأجمحي يا خيول = وحضري لي وسيمة نارها تصطلي
مايحتاج

مرحبا يا مسلم عد ما مر حول =بين ربعك وعبر النت في منزلي
كلش له سبب تقول ولا نقول=ماعلى الشافعي من مذهب الحنبلي
شويعر

يا جمل جيت في وقتك وشلت الحمول = والمشاهيب تلهب والقدور تغلي
عام لول تكلمنا ولا لك قبول = يبست أكبودنا قدام ميح الدلي
مايحتاج

يا شويعر تعوذ من بليس العجول= اللة الدايم الرحمن وهو الولي
وانت لوقستها ما العام عرض وطول=ماختلف في نظرك الا الكحل والحلي
شويعر

أنت جود شدادك فوق ظهر الذلول = وفي يدك سيف خالد وبو طالب علي
لو تزيد المشاكل ما جهلت الحلول = لو تضحي براس اشعيل قبل الطلي
مايحتاج

ما بلشت بشدادي واعرف ايش الاصول=بحرحلمي يعرفه من بلاه اجهلي
استشير الرجال اهل الفكر والعقول= وان بلينا بها فالله معا المبتلي
شويعر

بس فكر في المخراج قبل الدخول = وفتح اعيونك الثنتين لا تغفلي
يعجب الناس في الرجال زين الفعول = كن فيدين ما يحتاج مستقبلي
مايحتاج

لو تزول الرواسي طبعكم مايزول=عالم ثالث يشره على لولي
وانت مستقبلك ليجبت مالبحر لول=يشترونه هل الاصناف لو هو غلي
شويعر

انت قدلك سنه وانته تصول وتجول = بارك الله فيمن عدل المايلي
والمخايل ترى ما عقبها إلا السيول = وسيل وادي رهاط يمر وادي حلي
مايحتاج

التجول عبادة وانت رجل جهول= يمكن اتموت لوتخرج خلاف السلي
والمخاييل اخايلها واعرف الحلول= من عرف ماعليه يعيش بلاصلي
شويعر

من هدير الجمل قامت زريقا تشول = وردوها لهيت وحوضها ممتلي
وياذياب(ن) تعاوا ذابحتها المحول = اشربي من طواريف الفياض وكلي
مايحتاج

وردوها لهيت وسابقتها الفحول=وصدرت ظامية واستفت في مايلي
هل ترى حرم الرحمن قرع الطبول=افتني وافت نفسك قبل ما تذهلي
شويعر

الزمان المصلفق والليالي تهول = صاح الاعلى من الصفقه قبل الاسفلي
والبلاء لا تصير الروس مثل (....) = يزعل اللي تضرر وما أنا ما علي
مايحتاج

ما تعيش الحييا الا بوسط الدحول= خل عينك معا رجلك ولاتنزلي
كان ما قلت صار وصفي وقت (......)=يزعل الراس وانته ليش ماتزعلي






الله لا يهين الشاعرين القديرين وبيض الله وجيههم


وللجميع تحياتي وتقديري
.

.

.

الذيب الاشيب
25-05-2006, 11:05 PM
لاهنت ياعبد الله





وبيض الله وجهك ووجيههم

ابن مذكر
26-05-2006, 01:59 AM
مشكورين على جهودكم الرائعه

معيض بن دشن
26-05-2006, 01:06 PM
ابيض وجه يا أبو سعود على الجهد والله لا يهينك كانت أمسية شيقه وممتعه وهذه المحاورة بصراحة عندي كانت بدرجه ( ممتازه ) وهذه المحاورة بمعنى الكلمة التي تتضمن المعنى الصحيح وأشكر الشاعرين القدرين الذي استمتعوا المجلس بهذه المحاورة الجميلة جداً . تحياتي وتقديري للجميع ،،،،،

أبو عساف
26-05-2006, 02:05 PM
أخوي عبدالله المهداني سلمه الله

صح لسان الشاعرين

وبيض الله وجهك على النقل والتنسيق

وعادتك العلوم الطيبه جعلنا والله مانعدمك

تقبل تحياتي وتقديري لشخصك الكريم

عبدالله بن غفره
27-05-2006, 04:33 AM
أبو سعود

بيض الله وجهك على التنسيق وعادتك الوقفات الطيبه


ما يحتاج وشويعر

صح السنتكم جميع وجمل الله حالكم


تحياتي للجميع


أخوكم

بن غفره

عبدالله المهداني
03-06-2006, 01:10 AM
الاخوان الاعزاء


الذيب الاشيب


ابن مذكر


معيض بن دشن


كاسر


بن غفره

مروركم على الموضوع شرف

تحياتي