المساعد الشخصي الرقمي

مشاهدة النسخة كاملة : تكفى ترى تكفى تهز الرجاجيل ( القصيدة )


فارس السروات
21-05-2006, 05:46 AM
اختلف على مايبدو في من هو قائلها



تكفى ترى تكفـا تهـز الرجاجيـل =ولولا ظروف الوقت ماقلت تكفى
تكفى يامزيد ما يبا العلـم تفصيـل =المشكله كبرت على عماش تكفى
ماقلت تكفى غير من قلة الحيـل =ونته ولد من يفعل الطيب تكفـى
انخاك من كثر العنـاء والبهاذيـل =الفقر حطمني وانا ازريت تكفـى
غديت مثل اللي برك ضامه الشيـل =تضحكبي اضعوف الرجاجيل تكفى
يومٍ لـك وقفـه وجـاه ومداخيـل =مانغتني عن مثل شرواك تكفـى
افزع ترى وقتي غدى كنـه الليـل=والعلم مايخفـاك يالقـرم تكفـى
ماعاد بي شده ولا عاد بـي حيـل =ضدتنـي الايـام والقـل تكفـى
اروح وارجع ماحصلـي محاصيـل= وارجل بادت يافتى الجود تكفـى
واليوم عنـدك يارفيـق المشاكيـل =العذر ماينفع وانـا قـول تكفـى
حيثك من اهل الطيب واهل المفاعيل=يازبن من جاله ومن قال تكفـى
الجيب فاضـي والليالـي مقابيـل =عجزت اعيش مع الرجاجيل تكفى
والراتب المحدود ايـروح تحويـل =من الاداره لاهل الديـن تكفـى
حتى عيالي ماقـدرت لهـم الكيـل=والازمه لا جات صديـت تكفـى
ارجى الفرج والله يجيب التساهيـل =واعيش في راحه مع الناس تكفى
والله كريـم يبـدل الحـال تبديـل =وماقل دل وصامل الهرج تكفـى
تكفى ترى تكفى تهـز الرجاجيـل =ولولا ضروف الوقت ماقلت تكفى