عندي لكم لغز

[(المهداني)]

السلام عليكم

مساكم الله بالخير

هذا لغز وحلوه

انشدك عن ضيفٍ بدار المعازيب
الضيف يكره هم وهم يكرهونه

ليا قلط يقلط بليا تراحيب
وليا بغى المرواح مايتركونه

يحتاج له في بعض الاحيان تأديب
ضيفٍ من الزلات مايامنونه

[معيض بن دشن]

استلم يالمهداني الحل وعسا تقول صح يامال العافيه

يامرحبا ترحيبة البن والطيب = اعداد ما ينشأ وهلت مزونه
هذا سجين القوم لاجاه تعذيب = عساه ما ياتي رفيقي مهونه
اسلم وسلم واستلم للمناديب = لغزك جميل واضحات اعيونه

[ساج الوقت المشعلي]

أخوي المهداني لاهنت على اللغز .


والحل / السجين



تحياتي لك /

أخوك ساج الوقت المشعلي.

[(المهداني)]

يامرحبا ترحيبةٍ كلها طيب عداد ماسوّد الغيم وهلّت مزونه

كلامك جزل وجوابك صويب يابن دشن على هالتعب المعونه

يامرحبا ترحيبةٍ كلها للذيب معيض اللي بالأمانات يأمنونه

جوابك صحيح ولاهنت ولاهان ساج الوقت