لمن هذه القصيدة ...؟ وماهي تكملتها

[غتار]

السلام عليكم " ياصبيان اقحطان " وعلى جميع القراء الاعزاء
ابي في الثمانين من عمره وهو دائما يردد ابيات من قصيدة طويلة .. ارجو من يعرف قائلها وتكملتها ان يزودنا بها وبالقراء :

يالله ياكتاب رزق العبيدي .. ياللي جميع الناس ترجي عطاياه
اكتب خطا سعا ربع زربهم بعيدي .. في ديرة ماهي لكبدي بمشهاه
حنا عبيدة زربنا بعيدي ... ؟ .................................

[سعد العشيرة]

غتار

اليك ما تريد




هذه القصيدة للشاعــر : متعب بن حليمان أبو ظهير آل معمّر - رحمه الله- ... قالها أيام الحرب مع الأشراف ...أرجو أن تحوز على رضاكم ... و أرجو ممن يعرفها و يشوف ان فيها خطأ أو ابيات ناقصة أن يصححها مشكوراً ....





يا الله يا كتّاب رزق العبيدي=يا اللي جميع الخلق ترجي عطاياه
اكتب سعَد ربعٍ خطاها بعيدي=في ديرةٍ ماهيب للنفس مشهاه
من ديرةٍ فيها سمايك حديدي=وادي العِلا جعل الروايح تعدّاه
تر حن عبيدة مثل شبك الحديدي=ولاّ البحر لما صفق زف من جاه
تر حن قحاطين ذَرَبنا بعيدي=و لا بدا اللازم علينا قضيناه
عاداتنا في الهوش ذبح العقيدي=تِجفى معاميله و تبكي دناياه
و حرمته تلبس حدادٍ جديدي=و تشتاف في لما المناعير بدلاه
يا راكبٍ من فوق حرٍّ فريدي=حرٍ من العيرات يعجبك ممشاه
و يا راكبٍ من فوق حرٍّ فريدي=لا حسّه العرقوب ما ينّس رغاه
ينصى اميرٍ مثل سيلٍ يزيدي=تراه مترك عسى المنايا تعدّاه
فبشّره اني بدارٍ رغيدي=بُرّ و برني و بالهيل شخلناه
راعي السلف نعطيه سلمٍ جديدي=من قلّط المعروف يبشر بثنواه
و اللاش لا جا زمانٍ شديدي=لا شعبٍ يماله ولا طول ليماه
و الله ان طرات الغمر يسّع بعيدي=يلطخ بجنحانه و يلزم بيمناه
و الله ما رحنا لدارٍ بعيدي=كون ذلّتي للراس ما يندفق ماه



أخـــــ ابن شطفان ــــوكم


والرابط هو
http://www.qahtaan.com/vb/showthread.php?t=6902&highlight=%CD%E1%ED%E3%C7%E4

[غتار]

بيض الله وجهك يابن شطفان ووجيه الجميع

[سعد العشيرة]

غتار

الله يخارجنا

طلعنا من المولد بلا حمص

تعبنا وجبنا القصيده والرابط

وتروح تبيض لابن شطفان وتشملني مع الجميع

افا

يا حسرتي يالتعب

[غتار]

اخوي سعد الشيره .... بيض الله وجهك بياض تشله الركايب
والمعذره ياولد العود تراني جديد المشاركة في هذا المجلس ولا انتبهت للرد

[فتى الخنافر]

لاهنت على ذل قصيده وبيض الله وجهك

[سعيد بن مسعود آل مهدي]

بيض الله وجيهكم يانشاما
بيضاء يستاهلها صاحب السؤال والي جاوب
تحياتي لكم جميعا