ياليتني خدامة بين ايديك>>>>>>>>قصيدة تقطع القلب

[الزهيري المغترب]

هذه قصيدة يبكي لها حتى القلب القاسي وهي لام تركها ولدها الله يهديه بدار المسنين

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا





منقوله

[الواصل]

انشاللة اولادة يحطونة محلها عندما يكبر .

مشكور اخي الكريم على هذة المشاركة الممتازة ونرجوا المزيددددددددددددددددد

[الزهيري المغترب]

مرورك زود المشاركة تشريف والحمدلله وانشاء الله يهديه الله ومشكور على المرور

[أبو عساف]

أخوي الزهيري المغترب سلمه الله

الله لايهينك على النقل وبيض الله وجهك

والله انه شئ يحز فالخاطر لكن المشكى على الله

اللي بنقوله عسى الله يهديه ولا يمسح به الأرض ويشوف عمره حسره عاق والدينه

تقبل تحياتي

[الزهيري المغترب]

قال مايهون اخي الكاسر وحياك الله والله يسمع لك مع تحياتي العطره لك وشاكرك على المرور.

[عاشق الليل]

هذي القصه ياناس حيرتني معقول يسوي الولد كذا في امه

الله يصلح ذريتنا

وعلي فكر القصيده ابكتني

شكراً لك اخي الكريم على هذا المشاركة

[الزهيري المغترب]

هلا والله عاشق الليل والله ما الومك وشاكرك على المرور