اول قصيدة لي

[الهاشمي]

السلام عليكم


اخواني انا كتبت قصيده واريد حد يشوف وزنها واكيد فيها اغلاط وعيوب من اللي راح يتكرم ويساعدني
ويعطيكم العافية

[الهاشمي]

هذه القصيده يالربع

بسم الله الرحمن الرحيم

لا ياللي اخذت ايميل طارق من دون اعلامه

يوم فقت بنت الاجواد لمشوار تروحه

من طيب قلبج قلتي من هالحلو لي لابس العمامه

تريج من كل قلبي يالاخت مسموحه

ماضاق صدري والله وماعليج ملامه

عساج تشيلي همه وقلبه اداوين جروحه

والزين غالي عند الخلايق وجدير باهتمامه

واهل الطيب حاضين بصدور وقلوب مفتوحه

وسالتي من انا يوم صرت اخضر فالقائمة

وبدلت صورتي بطير شقر(ن) جنوحه

طبعي احب الطيبين وخاوي النشامه

والشين ماني بحول وجياته وسروحه

وآخذ واعطي علومي للطيب حاضيه باحترامه

ولااكثر سوالف عرجا واقبل مزوحه

له من عز التراحيب وحلو الابتسامه

غالي علي شرتا للي منور الدوحه

و ايات الرحمن عن يمناج ويسراج حوامه

وسرج طارق والعرب للسرابدأ ماتبوحه

والهاشمي وثقه بتوقيعه واكده بابهامه

عساه يسقي دار من الغيث ام شحوحه

وعساه يرحمه ويرزقه الاستقامه

ولطريق الخير يدله مثل شذى نفوحه

ولايحشره في زمرة كفار واهل الندامه

وثبت قدمه عالصراط اللي للجنه نروحه





وسلامتكم

[الهاشمي]

افاااااااااااا ياخوان شما حد يجبر الخاطر

[سعيد بن مانع]

وعليكم السلام ...


هلا بك اخوي الهاشمي ... وبمحاولتك الجميـله ...

محاوله تشكر عليها ... وكذلك أشكرك على طلب النقد وتقبله ... وهذا يدل على طهارة قلبك ... وحبك للتعلم ...
لان النقد بشكل اول واخير فائدته يعود لك انت ...

ملاحظتي وهي الاهم كبدايه ...
هي الوزن : وبالنسبه للوزن .. فتستطيع ان تعالج هذه المشكله بإذن الله ...
وهي ان تأتي بلحن يعجبك .. وتردده دائما ... ووتنسق الأبيات على هذا اللحن ... حتى آخر القصيده ... ..

وأما باقي الأساسيات فهي تهون ... وانما المهم في البدايه هو الوزن ...


وحياك الله اخا عزيز بين اخوانك ...
.... وآسفين على التأخير بالـرد ولعلك تعذرنا ...

موفق

[الهاشمي]

مرحبا اخوي سعيد

والله يبيض ويهك بصرراحه تراني فرحت وااااااااااااااايد

بس اخوي ماقلت لي القصيده موزونه ولا فيها عيوب


وتسلم ياخوي

[بعيد المدى]

الاخ الهاشمي القصيده مافيها ولا بيت موزون....................

يعني لازم تعيد من اول الله يعينك ومثل ماقال سعيد خذ لحن وغنه وابدع عليه مثلا لحن

1- ليتك معي ساهر ليل الهوى كله

او لاي لحن تحب تسمعه من القلطه المهم على لحن واحد من اول بيت الى اخر بيت واذا تبي مساعده ابشرررر

اخوك الشاعر/ بعيد المدى----------------الرياض

[ابن سابره]

بما اني لست شاعر ((واتمنى ان اصبح شاعر))


فرايي كراي اي واحد ماعنده سالفه بالشعر يسمع به بس

[فتى الخنافر]

قصيده جميله
لاهنت

[الهاشمي]

الله يعطيك العافيه خوي بعيد المدى

اي والله احتاج المساعده والقلطات وين الاقيها في المنتدى

[عاشق المرجلة]

أخوي الهاشمي اتمنى لك من الله العلي القدير التوفيق وإلى الأمام وشد حيلك وهذه بداية جيدة ولاتنسى متابعة وقراءة القصائد خاصة قصائد كبار الشعراء لكي تزيد فهمك ووزنك للقصيدة ولك مني جزيل التحية والشكر .

[عمر السخني]

الهاشمي


الله يعطيك العافيه...ولا هنت

أولاً...طلبك بشكل خاص للنقد يدل على طهارة روحك...ورحابة صدرك..وتقبلك للموضوع
ثانياً....بدون مجامله لاحظت انك تجيد صياغة المعنى..وتتمتع بمخزون جيد من الكلمات
ثالثاً....انا متأكدإنك تمتلك الحس الشعري وذلك واضح من خلال تقيدك التام بالقافيه..يعني تعرف شروط القصيده
وهذي بشاير خير...لك ولنا

رابعاً....وهنا الصراحه تآخذ مجدها..لأني ما اقدر اجاملك...الوزن..كل بيت عندك له وزن خاص فيه
شوف اخوي يوم تكتب البيت الاول..لازم تنساق القصيده كلّها على نفس النسق الخاص فيه
وافضل طريقه للمحافظه على الوزن هو انك تغنّيه...يعني اعطيه لحن معين...ويوم تلحن البيت الثاني
تظهر علامات الكسر في الوزن كامله....وهنا اقدم لك النصيحه >>>

لازم تتعرف اول شي على بحور الشعر النبطي...والأهم انك تعرف شلون تقرا القصيده (اقصد قصايد الشعراء)
علشان تتعرف على حس الاوزان...وحاول تقرا قصايد كثيره لإثراء عقليتك بالمعاني والقوافي والاوزان

(( قصيدتك هذي تحتاج للكثير من العمل والتعديلات...وهذا ان شاء الله يكون سهل جداً عليك بعد فتره ))

وسامحني على القصور يا ابن الصقور

اخوووك الشااااعر
(( عمر السخني ))

[عبدالله بن غفره]

أخوي الهاشمي

اشكرك على المشاركة وصح لسانك


ابن مانع

عمر السخني

بعيد المدى

أشكركم على التوضيح والفائدة لاخونا العزيز واتمنى له التوفيق ولكم
\


أخوكم

بن غفره