سلمت انا قحطان صك القضية

[أحمد بن حناش]

هذه القصيدة للشاعر مساعد الثبيتي في والدي الشيخ/حناش بن جارالله


الجن جابت عرش بالقيس برماش = وانا ثلاث سنين ماجبت شيه
طفت البحر والبر وعودت منداش = اشكي على حضي ويشكي عليه
ليا قعد قعدة قطن في وجه عكاش = نصا الحصاه ولا حصلت له طميه
شكيت همي للطيور ام الارياش = وشكيت همي للبراري الخليه
وشكيت همي للحصا صم الاجماش = وشكيت همي للجبال الرسيه
وكل من نصيته بالقضيه والا ماش = وكل من تزهل ما لقينا خويه
راحت عطايا اصحابنا كلها بلاش = راحت عتيبه بين صبح وعشيه
واليوم يافال السعد وين تنحاش = سلمت انا قحطان صك القضيه
من عند ابن هادي تسلم لحناش = ثم يرقد المضيوم نومه هنيه
حناش حر(ن) مخلبه ويل مناش = جول الحبارى مايتوالى شويه
وان طق صدره يعتبر موعده كاش = لا عاد به داعي ولا به دعيه
تكفى يابو جارالله ترا الوقت من لاش = ضاقت على مساعد وهو في السعيه
اصبحت مجرم شايل كلاش رشاش = اجرم يجي في السالمين الضحيه
والله فلا زليت ولا دست انا فراش = وادرى على نفسي امور(ن) قويه

[عوض بن شفلوت المناديه]

بيض الله وجهك يا احمد وبيض الله وجه الثبيتي

القصيدة كفو ومقيولة في رجال كفو

الله لا يهينك يا بو حناش

[فارس قحطان]

والله كفو في ابو احمد

ووالله ان الرجال عرف من يزهم

كفووووو كفووووو والله

[ابن عاصم]

صح لساااااان مساعد وابو احمد يستاااااهل

اخووووووووك

ابن عاااااااااااااصم

[هاوي نجد]

لا هنت يا بن حناش قصيدة مرحة وقوية
يستاهل حناش


اخووووووووووك
هاوي نجد

[الصقري]

وكل من نصيته بالقضيه والا ماش = وكل من تزهل ما لقينا خويه
راحت عطايا اصحابنا كلها بلاش = راحت عتيبه بين صبح وعشيه
واليوم يافال السعد وين تنحاش = سلمت انا قحطان صك القضيه
من عند ابن هادي تسلم لحناش = ثم يرقد المضيوم نومه هنيه
حناش حرً مخلبه ويل مناش = جول الحبارى مايتوالى شويه
وان طق صدره يعتبر موعده كاش = لا عاد به داعي ولا به دعيه
تكفى يابو جارالله ترا الوقت من لاش = ضاقت على مساعد وهو في السعيه

أخوي 00أحمد بن حناش 00 تسلم ثم تسلم على هذه القصيدة (الشاهد) على طيب موقف والدكم 00 أشهد أنكم تستهاهلون يا عبيدة 00 أفعال الطيب اللي يفعلها الشيخ/حناش، تنومس كل قحطان، الله يكثر من أمثال أبو أحمد.

زادكم الله جاه ورفعةً وسمعة ياربعنا 00 أخوك :

[أحمد بن حناش]

ما عليكم زود يابني عمي هذه القصيدة هي كما قال أخي الفاضل (النهاري) تنومس كل قحطان .

[خالد آل مطرف العاطفي]

صح السان الشاعر
مساعد الثبيتي
قصيده جزله وكفو ..وقيلت في رجال ٍ كفو ..وهذا ماميز القصيده ..مصداقية معانيها ..وابواحمد يستاهل يستاهل ..
اخوي
احمد يعطيك العافيه على التواصل والجهد المبذول ونشكرك على ماتقوم به من دعم للموقع خاصة ٍ توجيهك الدعوات
الى عدد من كبار الشعراء ..للمشاركه والتسجيل في الموقع ..
اخوك
خالد

[أحمد بن حناش]

أخوي خالد أشكرك على تعليقك الرائع وانا مالي فخر الموقع هذا موقع قحطان ومساهمتي فيه لاتعد مهما افعل سواءً انا او احد اخواني الأعضاء او المشرفين لانه شي يخص قبيلتنا والواجب علينا جميعاً ان نتكاتف ونكون يد(ن) واحدة لنرتقي بموقعنا واسمنا وسمعتنا والله لا يفرقنا ويبارك في الجميع .

[ابوابراهيم العبيدي]

اخوي احمد بن حناش .... بيض الله وجهك
بكل ما تحمله الكلمة من معنى... صراااحة قصيده مليانه وقصيده قويه وفي رجال كفو
وابو احمد يستاهل كل علم طيب ... وعلمه غانم عند الجميع ... وانا ما اقول هذا الكلام على شان إنه ابوك ... اقوله لإني اعرف ابوك من قبل ماعرفك وابوك ذكره وسمعته الطيبه تغنيه عن اي شيء يذكر فيه
ولا هنت على كل حال
اخوك
ابو ابراهيم العبيدي

[مبارك]

صح لسان الشاعر

قصيدة جميلة وقوية وقيلت في رجل كــفو.

ويستاهل ابو احمد وكفو.

ولااقول الكلام مجاملة بل معروف الشيخ حناش بذكر الطيب والعلم الغانم

ويعطيك العافية


اخوك

مبارك

[محمد بن شديد]

صح السان الشاعر
مساعد الثبيتي
قصيده جزله وكفو ..وقيلت في رجال ٍ كفو ..وهذا ماميز القصيده ..مصداقية معانيها ..وابواحمد يستاهل يستاهل ..
اخوي
احمد يعطيك العافيه على التواصل والجهد المبذول ونشكرك على ماتقوم به من دعم للموقع خاصة ٍ توجيهك الدعوات
الى عدد من كبار الشعراء ..للمشاركه والتسجيل في الموقع ..
اخوك
محمد

[ابن هملة]

سلام عليكم

صح لسانك يا مساعد وابيض وجة وكفيت ووفيت وهذي عوايد الطيب ما ينسى صاحب الطيب.

وتسلم يمينك يا احمد لانك قمت بكتابة ونشر مثل هذي القصايد الي ماتزيدنا الا حرص على ان نتخذ ابو احمد وامثالة قدوة كما هم الأن.

على كل حال شهادتي في والدك او بالاصح والدي واخوي الكبير مجروحة لاني احد الذين يدينون لوالدك بالشيئ الكثير.....................