المساعد الشخصي الرقمي

مشاهدة النسخة كاملة : (( لـكــزس .. و .. جـــوال ii))


شبل قحطان
16-09-2004, 02:20 PM
(( لـكــزس .. و .. جـــوال ii))


ياقلب كم لك وانت من حال فـي حـال =من شفت (سارة) وانت حالتـك حالـة
أنـا معـك حلـوة ونظراتهـا هبـال =بس الغـرام الصعـب مالـك ومالـة
ذي عندهـا لكـزس وسايـق وجـوال =وأنـا كـورولا .. لا وبإسـم الوكالـة
سواقهـا فـي ذمتـي ياكـل أثـقـال =كلّه عضل شف كيف يرفع شمالـه
تعوّذ مـن إبليـس ذي دونهـا رجـال =وأنـا مكسّـر خـل منـك الهبـالـة
تسكـن بفلّـة ماتجيلـك علـى بــال =شغل أجنحة .. ماهـو مقلّـط وصالـة
مصروفهـا يكفـي ثمانيـن رجّــال =ياشيـخ أبوهـا مـادرى كـم حلالـه
حتى أمها ياصاحبـي حرمـة أعمـال =واخوانها .. كـلٍ غنـي فـي مجالـه
إعقـل يبـو .. بيحلّهـا ألـف حـلال =أنـا أطلـب الله وادّعـيـه وأسـالـه
إسهر وفل حجـاج نبضـك وإذا طـال =فيك السهر .. ارقد مثـل منـت دالـه
وش غيّرك قد كانت أوضاعنا عال = لارحم أبو (روبي) علـى (البرتقالـة)
خلّـوك للحسـرة والآمـال حـمّـال =حتى غديـت بداخـل الصـدر عالـة
حتى هلي مـن شافنـي منهـم قـال = لا يابـري حالـي وياوجـدنـا لــه
ياقلـب تكفـى وش معـك والتخبّـال =إلعـن ابليـس وكـب منـك الخبالـة

الشاعر: محمد اليامي

أهم واحد
09-04-2005, 10:14 PM
مشكور على القصيده ياشبل قحطان وصح لسان قايلها وعز الله ما ذكر الصحيح
تحياتي لك

المعمري
09-04-2005, 10:23 PM
لا هنت يت شبل قحطان وتسلم يمناك وصح لسان الشاعر وتقبل تحياتي وتقديري


اخوووك المعمري

هاوي نجد
09-04-2005, 10:51 PM
لاهنت يا الشبل على هذه القصيد ه الرائعه بصراحه اختياراتك عالية الذوق

قصيده تحكي عن حياة اليوم ابواجد وتحكي بشيء واقع فعلا

تشكر يا شبلنا جزيل الشكر0

تقبل تحيات اخوك

مسفر الفهري
10-04-2005, 01:41 AM
والله هذي مشكلة

ولكن ماعليك ونا خوك

ترى الرجال مخابر ماهم مناظر

ان كانها هي تفهم هذه المقوله

واما من ناحية الحارس اللي معها فأمره بسيط

المهم :
الله لايهينك,
واختيار موفق

ابوملاك
10-04-2005, 05:08 PM
مشكووور اخوي شبل قحطان على على هذه القصيدة المعبرة

والله لايهينك .

الربع
10-04-2005, 08:24 PM
لاهنت يالشبل على القصيدة

السيف النادر
10-04-2005, 09:14 PM
لا هنت يالشبل على القصيدة الرائعة للشاعر / محمد اليامي

من اروع الى اروع يا شبل ..... لا عدمتك

تقبل تحياتي

محمد بن حمد المهداني
12-04-2005, 01:15 PM
لاهنت وبيض وجهك
الطيب مايجيب الاطيب يدل عليك اسمك

تركي الفهري
12-04-2005, 02:52 PM
لاهنت ياشبل قحطان على القصيده

محمد القويفل
12-04-2005, 05:54 PM
لاهنت لاهنت يا شبل قحطان على نقل القصيدة

وصح لسان الشاعر

ذيب العبيدي
12-04-2005, 11:14 PM
شكرا لك هذا النقل المميز


وتحياتي لك


العبيدي