المساعد الشخصي الرقمي

مشاهدة النسخة كاملة : من سلايل بشر بن حرب العريق ..


سعد الحمدان
06-05-2006, 03:25 PM
السلام عليكم ..

هذ رسالة ود بعثت بها للعزيز على قلبي / احمد البشري القحطاني .. مع ابن عمه محمد.. عسى ان تكون مقبولة لديه ولديكم ..



يا محمد خبّر احمد لا يضيق = ولا يحمّل نفسه الا طاقته
يدري اني ذيب وادلّ الطريق = والغوى مانيب ادوّر ساقته
وماني اللي يجذبه لمع البريق = او متاهات الضما سرّاقته
ما يغررني بها لون العقيق = والذهب والماس له برّاقته
يوم جيت ادوّر بظرفي رفيق = ما يحسّب فالمواقف فاقته
مالقيت الا احمد ونعم الصديق = والنعم به وانعم برفاقته
من سلايل بشر بن حرب العريق = يا عمى عين العدا لا لاقته
وانت ابن عمّه كفو واحنا فريق = نستحي من طيبه ولباقته
بس لايرضى لنا ما لا يليق = أوحشتنا شوفته واشراقته
والردي حاشاه جعله في حريق = ما اغبنتنا من الردي حماقته
كلّش الا ّ.. بو محمّد .. لا يضيق = ما ذخر يوم الجمايل طاقته

سعد القحطاني
06-05-2006, 04:17 PM
سعد الحمدان


صح لسانك لاعدمناك


جزل ومبدع وانت غني عن التعريف


تشرفت ان أكون من أوائل قراء هذه الرائعه


تقبل مروري ولك تحياتي

عبدالله المهداني
06-05-2006, 05:22 PM
ارحب


يا سعد الحمدان


صح لساانك


وبيض الله وجهك

وفيت وكفيت


كتاباتك تجبرني على متابعة جديدك


تحياتي

فارس قحطان
06-05-2006, 06:02 PM
السلام عليكم ورحمة الله وبركاته



الشاعر

سعد الحمدان

صح لسانك على هذه القصيده


شاعر مبدع


ولا تقطع عنا يالغالي :)



.

عمر السخني
06-05-2006, 07:37 PM
*·~-.¸¸,.-~*ســعـــد الحمدان*·~-.¸¸,.-~*

كثير اقرا هنا وهناك

لكن

للشعر هنا ذوق وطعم خاص

احس بشعرك انك تحفر الحروف
بدون مواد

*
*
صح لساانك ولا هنت يا الذيب
*
اخوك الشاااعر
(( عمر السخني ))

عوض بن شفلوت المناديه
07-05-2006, 12:12 PM
يا سلام عليك يا سعد



جزل ما يجيب الا الجزل



قصيده مشاركه من الدرجه الاولى



لاهنت ولا هان تفكيرك العذب




تحياتي

سعد الحمدان
09-05-2006, 07:15 AM
سعد الحمدان


صح لسانك لاعدمناك


جزل ومبدع وانت غني عن التعريف


تشرفت ان أكون من أوائل قراء هذه الرائعه


تقبل مروري ولك تحياتي


اررررحب يالسمي ..

وصح الله بدنك ..

اشكرك على المرور والتعليق ..

دمت يالغالي ..

ولك التحية ..

اخوك
س
ع
د

ابشر بعزك
09-05-2006, 09:12 AM
من سلايل بشر بن حرب العريق = يا عمى عين العدا لا لاقته
وانت ابن عمّه كفو واحنا فريق = نستحي من طيبه ولباقته

[/poem]


صح لسا نك ولاعدمناك يالذيب

العود الأزرق
12-05-2006, 04:06 PM
سعد الحمدان


صح لساانك


وبيض الله وجهك

وفيت وكفيت


كتاباتك تجبرني على متابعة جديدك