المساعد الشخصي الرقمي

مشاهدة النسخة كاملة : ياطير غرد وارفع الصوت تغريد=يازين عقب النصر صوت تغريده


السيف النادر
20-12-2004, 01:06 PM
هذه القصيدة قالها الشاعر / محمد بن ناصر بن مشغي بن سفران الخنافر ، اثناء حرب الخليج ، وقد لاقت استحسان احد الاعلاميين وطلب نشرها في التلفزيون السعودي ، ونشرت آنذاك ـ ولديه عدة قصائد سوف انشرها في وقت لاحق بإذن الله .

وأترككم مع القصيدة :


1هلي علينا العيد ياليلة العيد=هلي علينا يالليالي السعيدة
2النصر رفرف بيرقه يالاجاويد=تكفون خلوها عليهم هجيدة
3ياطير غرد وارفع الصوت تغريد=يازين عقب النصر صوت اتغريده
4من مات منا ضامنٍ موتة شهيد=ومن حيا يحيا حياة سعيدة
5يادارنا مايطمعك كل رعديد=انتي على اشناب المهبّل بعيدة
6الكاولي هو والوجيه المقاريد=الطغمة اللي تنقصه ماتزيده
7اهل النفاق اللي ربوض ملابيد=اهل النفاق وخايبين العقيدة
8اللي يقولون المواقف بتحييد=واشوارهم ماهيب دايم سديدة
9احد بغل وده إن جرحنا يزيد=واحد بعد جرحه يعالج صديده
10ماودي اعدد الاسامي بتعديد=واكشف كلام خافي مانريده
11 تكفا يابو فيصل اسلال الاماجيد=اعلن عليهم حرب نار مديدة
12ولا عن ملاقا جيش صدام تحييد=تبري الجروح المبطية والجديدة
13ارفع لنا رايات نصر وتوحيد=وخوض المعارك كلبونا نجيدة
14وبدد اجموعه بالصواريخ تبديد=وخل الصواريخ الجديدة تبيدة
15والله إن نخلد صفحة الحرب تخليد=ذيعي يا إذاعة واكتبي ياجريدة
16ان نفعل افاعيل لعنتر وابو زيد=والنار لا شبت حطبها نزيده
17ان نكتب التاريخ بالدم ونزيد=ويسجل التاريخ صفحة مجيدة
18لا يحسب انا فالملاقا رعاديد=حنا على الشدات قوم شديدة
19إلنا على حوض المنايا مواريد=ونضرب على الكايد تلين الحديدة
20ماهوب يرعبنا كثير التهاديد=ولا همنا هرجة وكثر اتهديدة
21والله إن نجيه بغير وعد ومواعيد=ونذوقه طعم الليالي النكيدة
22اللي شهر فالجو واللي مع البيد=واللي على المدفع بقوة عنيدة
23دون الوطن ترخص نفوس الصناديد=ونحب موت النفس موته شهيدة
24مانكتفي بالهرج هو والتناديد=والله إن نجيله غصةٍ في وريده
25ولا ينفع المجنون هرجٍ وتنديد=لازم من الارض البسيطة نبيده
26وحرب العراقي صار ماعنه تصديد=اللي علينا شب نار الوقيدة
27ان ماحصل يومٍ عبوسٍ وتنكيد=وحربٍ ضروس ماوطت به تبيده
28حربٍ تدمر من كفوف الاواليد=حتى الكويت المغتصب نستعيده
29حربٍ تشيب المرضعه والمواليد=حتى تهج المرضعه عن وليده
30ماعاد عقب اليوم صبر وتجاليد=يالعنبو اللي مايناطح ضديدة
31ويالعنبو اللي مايشيل البواريد=ويروح للجبهة مع الربع سيدة
32اما يجيك الطير غشام بالصيد=ولا ذلف غشام واللي يصيدة
33ويالعنبو غمرٍ يحب التصاديد=ودك مع النسوان يقعد قعيده
34وان ماحصل يحصر حصارٍ بتشديد=ويصير مثل الضب ياكل رديده
35حتى يجي من دون شرطٍ ولا قيد=ونبهذل الملعون ونلعن كديدة
36نبغاه هو والحمير المقاييد=والى نهق عيرٍ نقصر بقيدة
37لا واخسارة نحسب إن صيده ابعيد=اثره على الجيران دبّر مكيدة
38الخاين اللي خان كل المعاهيد=كلبٍ على من ساعده عضّ بيده



آمل انها حازت على اعجاب الجميع .


اخـــ السيف النادر ـــــوكم

فارس قحطان
20-12-2004, 02:12 PM
صح لسااااان كاتبها

وسلمت يمين اللي نقلها لنا

سلمت ياذيبان

ابن عاصم
20-12-2004, 06:27 PM
السيف كل شي تجيبه يعجبنااااااااااا فديتك

وصح لسان الشاااعر ولسااان ناقلها

اخووووووووووك

ابن عاااااااااااااااااااصم

هاوي نجد
20-12-2004, 09:27 PM
اخوي السيف الله لا يهينك على رواية القصيدة وصح لسان الشاعر وصح لسانك مليون
القصيدة قصيدة طيبه وذات معاني جميلة وعالية الذوق .
القصيدجزلة والجزل مايجيب الى جزل.

تسلم يمينك يا كحيلان


اخــــــــــــــــــــــــ هاوي نجد ــــــــــــوك

سالم الخنفري
21-12-2004, 04:29 AM
صح لساااااان محمد بن ناصر ..


قصيده جميله جداااً ...


سلمت يمينك يا السيف النادر ...


الف شكررر





تقبل تحياتي

كوكب زحل

السيف النادر
21-12-2004, 11:47 AM
فارس قحطان / مشكوووور على المرور والمشاركة .

التي اسعدتني جدا .

اخـــ السيف النادر ـــــوك

السيف النادر
21-12-2004, 11:49 AM
ابن عاصم / تسلم على الكلام الجميل والمشاركة الحلوة .


اكرر شكري لك يابن عاصم ( لبااااا قلبك ) .



اخـــ السيف النادر ـــــوك

.

السيف النادر
21-12-2004, 11:51 AM
هاوي نجد / لا هنت ياكحيلان على المشاركة الجميلة والكلام الجميل الي اوردته في مشاركتك .

وما نجيب القصيد الجزل الا للجزلين الي مثلك وشرواااك .


اكرر شكري لك يا هاوي .


اخـــ السيف النادر ــــوك
.

السيف النادر
21-12-2004, 11:52 AM
كوكب زحل / القصيدة جميلة ، والي زادها جمال مشاركتك .

لا عدمتك يا كحيلان .


اخـــ السيف النادر ـــــوك

خليل بن هدلان
23-12-2004, 05:02 PM
لاهنت على الاختيار الرائع يا السيف النادر وصح لسان شاعرهاا


تقبل تحياتي

السيف النادر
24-12-2004, 04:35 PM
خليل بن هدلان : لا هنت على مرورك ومشاركتك العذبة .

وانا بصراحة من اشد المعجبين بأطروحاتك .


الى الامام يا خليل .

اخـــ السيف النادر ــــوك
.

بن مزهر
24-12-2004, 09:17 PM
بيض الله وجهك
قصيدة جميله جدا

السيف النادر
26-12-2004, 01:36 PM
بن مزهر : لا هنت على المرور والمشاركة . التي اسعدتني كثيرا .


اكرر شكري وتقديري لك يابن مزهر .


اخــــ السيف النادر ـــــوك
.

مخاوي الليل
30-01-2005, 11:23 PM
لاهنت اخو ي السيف النا در على هذه القصيدة الجميلة التي هي في قمة الابداع الرائع هذا وجه نظري
ما دري هل هو سبب حقدي على صدام ام القصيدة فعلا رائعة واعتقد انه القصيد ة رائعة








مخاوي الليل

ولد الشايب
31-01-2005, 05:07 AM
مشكور وماقصرت ..........السيف النا در
.
.
.
ضع مؤشر الماوس هنا




وصح لسان شاعرها (( ابن سفران))

مبارك
09-02-2005, 02:02 AM
بيض الله وجهك

وجه قايلها

والاهنت


اخوك
مبارك

السيف النادر
10-02-2005, 02:59 AM
مخاوي الليل /

لاهنت على المرور والمشاركة الجميلة

والظاهر ان سبب اعجابك بالقصيدة هو السببين الاثنين معا

اكرر شكري لك يا مخاوي الليل

اخوك/السيف النادر

السيف النادر
10-02-2005, 03:01 AM
ولد الشايب /

لاهنت على المرور والمشاركة

ولبااااا قلبك ملايييين يابعدي

الحركة حلووووة وتسلم يالغالي

اكرر شكري وتقديري ياولد الشايب

اخوك/السيف النادر

السيف النادر
10-02-2005, 03:02 AM
مبارك /

لاهنت على المرور والمشاركة

يالغالي

اكرر شكري وتقديري يامبارك

اخوك/السيف النادر

المقباس
14-02-2005, 05:37 PM
صح لسان القايل

وسلمت يمين النااقل


ويعطيك العاافيه

ونتمى التوفيق للجميع

اخوك المقباااس

السيف النادر
15-02-2005, 09:44 AM
اررحب يالمقباااس

صح بدنك

ولا هنت على المرور والمشاركة

والله يعاافيك ياكحيلان


تقبل تحيات
اخوك
السيف النادر

ملحف الرفيدي
21-02-2005, 09:28 PM
أخوي السيف النادر الله لايهينك على النقل واختيار القصيدة الرائعة.