ارجووو الافادة ( تكملة ابيات )

[ابوحامد الزهيري]

اخواني اعضاء المنتدى تحية طيبة..


حقيقة هناك سؤال اتمنى ان اجد اجابته عندكم وبالذات اهل الاختصاص وعشاق الشعر..

هناك قصيده اللي اولها يقول :


ياعبيد لاتشكي ترى الامر من فوق .......... واللي حصل يابوك مافيه حيله

حقيقة لست متأكد من مدى صحة شطر البيت الثاني ولكن اريد القصيده ومناسبتها؟؟



ياعبيد انا والله اقديـت واخطيـت
ومشيت فوق الشوك بالرجل حافي
وكم مره في حفرة الموت طبيـت
وحمدت ربي يوم صارت عوافي






وله ايضا بيت موجهه لابنه





ياعبيد هذا الثوب من عند عمك
توه جديـد والفنيلـه جديـده




الرجاء اثراء الموضوع وتكملة الابيات المذكوره وإعطائنا نبذة عن الشاعر...




تقبلوو تحياتي....

[عاشق الوطن]

ابو حامد

السلام عليكم ورحمة الله وبركاته

الطلب عندي

بس ابي منك بعض الوقت

تحياتي

[ابوحامد الزهيري]

ارحب ارحب ياعاشق الوطن



لاهنت يالغالي ولاتبطي علينا جعلك تحيا...




تقبل تحياتي......

[عاشق الوطن]

الاخ ابو حماد الزهيري

السلام عليكم ورحمه الله وبركاته

الابيات اللتي تساءلت عنها

هي للشاعر سعد بن محمد ال سالم الفهري

المعروف بــ ابوعبيد

وسوف اعطيك طلبك على دفعات

ومناسبة القصيده ان عبيد في ليلة العيد رغب في ملابس جديده

وسيكل مثل سيكل ولد حماد الا ان والده لم يجد في حينه ما يجود به الرب على

عباده وهو ارحم الراحمين فما كان منه الا ان قال هذه الابيات معتذرا من عبيد وموعده خيرا قادم

واليك القصيده


يا عبيد لا تبيكي ترا الأمر من فوق = واللي من الله مامعي فيه حيله

أصبر ولو ثوبك من الكتف مشقوق = وش عاد لو ما تحت ثوبك فنيله

الخالق الله و أنت ياعبيد وخلوق = وارزق عند اللي ينشي المخيله

متمسكٍ بك وأنت يا عبيد موثوق = يوم أنت تالي عزوتي بالقبيله

ياعبيد خلك لي وأنا أبوك صندوق = ولا ثقل حمل الوقت عني تشيله

وأبعد عني اللي يتهم الجار با البوق = وخلك بعيدين عن دروب الرذيله

ولمثال قالت كل مطرود ملحوق = والكون واسع واليالي طويله

ومن يعمل المعروف يلقاه مطبوق= ومن يزرع العنبر يفوز بحصيله

لا بد ما تنور لياليك بشروق = ماهي عليك ولا علي مستحيله

ولا من فرجها الله نبي ننزل السوق = ونشري من الغالي ثياب جميله

ونشري لك السيكل مثل حق مرزوق= وياتيك مرزوق الحمد ما تجيله

مش الدموع اللى تحدر على الموق = الرجل لا من سال دمعه يزيله

واليوم لا تبكي ترا الامر من فوق = واللى من الله ما معي فيه حيله
والقصيده الثانيه والثالثه في الرد القادم ان شاء الله


عاشق الوطن

تحياتي

[ابوحامد الزهيري]

عاشق الوطن



ارحب ارحب



الله لايهينك ومشكور على الاهتمام ومازلنا في انتظار القصائد الاخرى..



ملاحظة ( القصيدة اعتقد ان فيها اخطاء املائية )


اتمنى منك النقل الصحيح لأني احتاج القصيده بصورتها الصحيحه...


عاشق الوطن لاهنت وبيض الله وجهك


تقبل تحياتي........

[عاشق الوطن]

ابوحماد

صحيح هناك بعض الاخطاء الاملائيه:0201048_em

لانني عليمي في الطباعه:1108277077:

ومثال ذلك البيت الثالث

مخلوق.......الرازق

عليك تصحيح ما وقعت في خطاءه

وسوف اكمل الموضوع حال مايكرمني الرب بالوقت

[ابوحامد الزهيري]

اسمي ابو حامد جعلك تحيا



ولاهنت يالقرم على ايراد القصيدة والتصحيح



اتمنى ان لاتبخل علينا بما هو عندك للشاعر سعد الفهري..



عاشق الوطن بيض الله وجهك وفي انتظار المزيد



تقبل تحياتي...