محاوره بيني وبين الشاعر فهد السهلي..

[عبدالله بن هادي ابن القعيمة]

اسعد الله اوقات الجميع بكل خير

اليكم محاوره جرت بيني وبين الشاعر فهد السهلي وذلك في احد المناسبات:






فهد السهلي

في محل اهل الوفا والطيب ورجال الحميه= يا سلام الله عليكم من جنوب ومن شمالي
يا قحطاني قوم انا ذا الليل ناويكم بنيه= لا تعذر قوم يا رجال ما فيها مجالي
****************************

عبدالله القعيمه

مرحبا بك في محل اهل الشحم والشاذليه= في محل اهل الوفا واهل الفعول اللي جزالي
القعيمه لا وقف يكويك عشرين الف كيه= خابرين المر مر ولا يصير المر حالي
****************************


فهد السهلي

والبقا بك يا المرحب وانت لك عندي هديه= سعرها يا بن القعيمه عند بعض الناس غالي
كيف تكويني لك الله وانت دايم في يديه= جعل فالك يا عميل الخير ما يشبه لفالي
****************************



عبدالله القعيمه

يا فهد في روضها ما لي قعود ولا مطيه= الجواب اللي عطيتك يا فهد قد السؤالي
الخوي يا صاحبي وشلون ينوي في خويه= وان رجعنا للتحدي يا ولد يا هملالي

****************************



فهد السهلي

انت ودك بالحساني بس تمسي لك بسيه= لعنبوها يا جماعه لا حرام ولا حلالي
والله انك يالقعيمه ما تمشيها عليه= احسب احسابك ليا من جيت في الملعب قبالي

****************************




عبدالله القعيمه

انت يا بو جهل عايش فالليالي الجاهليه= ما دريت ان القمر لو يكتمل يرجع اهلالي
النفوس اللي فقيره ما تجي مثل الغنيه= والمراجل والعلوم الطيبه هي راس مالي

[سعد القحطاني]

القعيمه


صح لسانك وصح لسان السهلي


وانت يا عبدالله بدون شك انك شاعر تجيد النظم والمحاوره


ولكن هذا يعتبر اكتشاف جديد بالنسبه لنا في مجالس قحطان (عبدالله القعيمه شاعر رد )


واليوم مالك عذر منا في هذا المنتدى


سوف يتم الترتيب بينك وبين احد الشعراء في طرق مبااااشر خلك جاهز


ولك اطيب تحيه

[طلال القحطاني]

صح لسانك ياولد الشاعر المخضرم ورحمة الله على والديك عيال الرجال تاتي رجال

وصح لسان الشاعر السهلي

اشكرك جزيل الشكر ولا هنت

[سعيد بن مانع]

ارررررررررحب يالقعيمه تراحيب السيل ..



ولاهنت على هذا النقل الأكثر من رائع ..


وصح لسانك .. ولا يهون السهلي ...



تحيه